Isaiah 26:21 - Tedim Bible Revision 2017

²¹ Bang hang hiam cih leh en un, amauʼ mawhna hangin leitungah a teeng mite gim a pia dingin ama omna panin Topa hong paikhia a, leitung in ama tunga a kithat mite lak khia dinga, a kithat ama mite sincip nawn lo ding hi.

Tedim Bible

²¹ Bang hang hiam cih leh en un, amau’ mawhna hangin leitung a, teeng mite daan pia dingin ama omna panin Topa hong paikhia a, leitung in ama tunga a luang sisante laakkhia ding a, a kithat ama mite sincip nawn lo ding hi.

Isaiah 26:21 Referans Kwoze

Isaiah 18:4

Bang hang hiam cih leh Topa in kei tungah, “Ni taang sunga nisa silsel, an lak nisat hun sunga meii zun bangin, ka omna panin daitakin ka en ding hi,” hong ci hi.

Isaiah 13:11

Leitung mite a tatsiatna hangun gim ka pia dinga, migilote a mawhna hangun gim ka thuaksak ding hi. Mi kihisakteʼ kiphatsakna beisiang sakin, a kisatheiteʼ kiliatsakna ka niamkhiat ding hi.

JOB (Job) 16:18

“Leitung aw, a man loin kei hong kibawlna seelcip kei in! Thuman deihin ka kikona ka awging daicipsak kei in.

Mangmuhna 16:6

Amaute in mi siangthote le kamsangteʼ sisan luangsak uh ahih manin tu-in amauteʼ dawn dingin sisan a pia na hi hi. Hih pen amauteʼ ngah dingin a kilawm ahi hi,” a cihna thu ka za hi.

Luka 11:50

Tua ahih manin leitung piancil a kipan kamsang a kithatte khempeuh hangin tu hun a mite gim kipia dinga,

Luka 11:40

No mihaite aw, a pualam a bawlpa in a sung lam zong bawl hi lo ahi hiam?

Ezekiel 8:6

Tua ciangin amah in, “Mihing ahi Ezekiel aw, amauteʼ gamtatnate na mu hiam? Israel mite in a bawl uh a muhdahhuai gamtatnate, ka mun siangtho panin a gamla semsem ah kei hong nawh khiatnate en in. Hihte sangin a mindaihuai zaw nangawn na mu lai ding hi,” a hong ci hi.

Mangmuhna 18:24

Nang Babylon khuapi, hih bangin gim hong kipiakna pen kamsangte le mi siangtho a kithatteʼ sisan le leitungah a kithat mi khempeuhʼ sisan nangma sungah a kimuhna hang ahi hi,” a ci hi.

JOB (Job) 20:27

Vantungte in hih mipaʼ mawhna pholak uh a, leitung in ama langah teci a pang hi.

Isaiah 10:3

Gimpiak ni hun, gamlapi panin huihpi hong nun ciangin note in bang cih ding na hi uh hiam? Huhna ngenin kua kiangah tai dinga, na neihsa uh koi lai ah koih ding na hi uh hiam?

Isaiah 22:14

Vanglian Topa in keima tungah thu hong gen a, “Na sih matengun hih mawhna hong kimaisak het lo ding hi,” Vanglian Topa Pasian in hong ci hi.

Isaiah 29:6

Vanglian Topa in vanging, zin liing, a ging lianpi, pingpei le huihpi le, a kaang tum thei meikuang tawh nang hong hon ding hi.

Isaiah 65:6

Tu-in amaute gimpiak ding ka khensat khin a, amauteʼ thuak dingte lai sungah kiciamteh khin hi. Amauʼ mawhnate ka mawk koih kei dinga, amauʼ mawhna le a pu a pate uh mawhnate ka thukkik ding hi. Amaute in mual liante tungah paknamtui halin, mual neute tungah hong simmawh uh ahih manin amauʼ gamtatna tawh kizui-in ka thuk ding hi, ci hi.

Isaiah 66:6

Ngai un, khuapi sunga gamlumna! Biakinn sunga awging! Topa in a galte gim a piakna huging ahi hi.