Isaiah 26:2 - Tedim Bible Revision 2017

² Upna ah a kip thuman minamte a lut theih nadingin kulh kongpite hong ta un.

Tedim Bible

² Upna ah a kip thuman minamte a lut theih nadingin kulh kongpite hong ta un.

Isaiah 26:2 Referans Kwoze

Mangmuhna 5:9

Amaute in la thak khat sa uh a, “Nang Tuuno, tua laizial a la khia ding le a ciaptehnate a la khia dingin na kilawm hi. Nang hong kigo khin ahih manin mi namkim le pau namkim a pau mite sung panin na sisan tawh Pasian adingin mite na lei khin a,

Late 118:20

Hih pen Topaʼ kongpi ahi hi. Thuman mi bek hih kongpi ah lut ding hi.

1 PETER MASA 2:9

Ahi zongin note pen Pasian in a hong teelkhiat minam, Kumpi siampi pawl, a siangtho minam, Pasianʼ mite na hi uh a, khuamial sung panin a lamdang mahmah ama khuavak sungah a hong sam khia paʼ nasepna a lamdangte a gen khia dingin Pasian in a hong teel mite na hi uh hi.

Isaiah 60:11

Kigual deudau-in a hong paina uh ah a kumpite uh hong makai-in, mite in minamteʼ hauhna na kiang hong tut theih nadingin na kulh kongpite kihong tawntung dinga, a sun a zanin kikhak ngei lo ding hi.

Isaiah 62:10

Jerusalem mite aw, kulh kongpite panin paikhia unla a hong ciahkik na mipihte uh adingin lam bawl khol un. Lam zik un; lam lianpi zikin suangtumte paikhia unla, miteʼ muh dingin lim khat khai to un.

Isaiah 62:2

Minamte in na gualzawhna mu ding uh a, kumpi khempeuh in na minthanna mu ding uh hi. Topa in nang a hong phuah min thak tawh nang hong kisam ding hi.

Sawltak 2:47

Pasian phat uh a, khatlekhat thupha kideihsakin a om uh hi. Pasian in nisimin hotkhiatna a ngah mi kibehlapsak tawntung hi.

Isaiah 60:21

Na mihingte khempeuh thuman ding uh hi. Keima min a than nadingin keima suan sa kung, ka khut tawh ka sep sa gam pen amaute in nei paisuak ding uh hi.

Isaiah 54:14

Thuman le thutang in nang hong thahatsak ding hi. Nenniamna tawh na kigamla dinga, nang na lau kei ding hi. Kihtakna tawh na kigamla dinga, nangma nai ah tuate hong pai lo ding hi.

Paikhiatna 19:6

note pen keima siampi nasep a sem minam le minam siangtho na hi ding uh hi. Israel mite tungah hih thute na gen ding ahi hi,” a ci hi.

Mangmuhna 21:24

Tua a taang sungah leitung mite lam pai ding uh a, leitung kumpite in a neihsa khempeuh uh hong paipih ding uh hi.

Zekhariah 8:20

Vanglian Topa in hih bangin ci hi: “Minam liante le khuapi liante panin Jerusalem ah mi hong pai hun hong tung ding hi.

Isaiah 58:8

Tua ciangin ka maipha pen phalvak tung hong bang dinga, noteʼ tungah hong taang khia ding hi. Manlang takin na liammate uh hong dam ding hi. Note hong ompih tawntungin note kong hon dinga, na nung na mai uh ah ka hong dal ding hi.

Juda 1:3

Ka itte aw, eite in i ngahkhawm hotkhiatna thu, note kiangah gelh nuam mahmah in ka om laitakin Pasian in ama mite tungah a tawntungin a kimang dingin khatvei bek a hong piak upna thu ah note in na nawk suak nadingun hanthotna gelh ding a kisapna thu ka phawk hi.

2 PETER NIHNA 3:13

Eite in Pasianʼ hong ciam sa, thuman bekbek a kizat nading mun van thak le lei thak a ngak ihi hi.

Late 24:7

Minthang Kumpipa hong tum theih nadingin, kulh kongpite lian hon unla, tanglai kongkhakte gol hon un.

Late 118:19

Topaʼ tungah lungdamna ko-in ka lut theih nadingin biakinn kongpite kei hong hon in.

Isaiah 45:25

Israel suanlekhakte khempeuh, Topa’ hangin gualzo-in a kisial ding uh hi.

Isaiah 54:17

Nangmah do nadingin a kibawl hiam peuhmah maavang lo dinga, thukhenna sungah na langah a pang mi khempeuh na nial gawp zo ding hi. Hih thu pen Topa’ nasemteʼ gamhluah le keima kiang panin amauteʼ dikna a kilahna ahi hi, Topa in ci hi,” a ci hi.

Isaiah 60:18

Na gam sungah ngongtatna thu kiza nawn lo dinga, na gam sungah siatmaina le suksiatna om nawn lo ding hi. Nangmah in na kulhte pen Hotkhiatna, na kulh kongpite pen Phatna, na ci ding hi.

Isaiah 61:3

amaute pen a thuman mite kici-in, amah a kiminthansak theih nadingin Topa in a mite kem hi, a kicih theih nadingin Zion ah a om a dah mite a lungdam nading, a lungkham mite in phatna la a sak theih nading, a lunggim mite in Pasian a phat theih nadingin amah in kei hong sawl zo hi.

Isaiah 62:1

Zion a kihotkhiatna thu khuavak bangin a taankhiat mateng, ama gualzawhna thu meivak kuang bangin a taankhiat matengin, Zion ka ngaihsutna-in gamdai takin ka om mawk kei dinga, Jerusalem ka ngaihsutna-in ka khawl mawk kei ding hi.