Isaiah 26:16 - Tedim Bible Revision 2017

¹⁶ Topa aw, ka cihmawh uh ciangin nang kong zong uh a, nangma hong taina pen kote nong gimpiakna ahi hi.

Tedim Bible

¹⁶ Topa aw, amaute a cihmawhna uhah nang hong zuan uh a, nangmah in amaute thu na hilh a, a thungetna uh ging zo lo hi.

Isaiah 26:16 Referans Kwoze

Hosea 5:15

Ka mite in a mawhna hangun gimna thuakin kei hong zonkik mateng ka tua ci nusiat phot ding hi. A lungkham uh ciangin kei hong zong ding uh hi.

Late 50:15

Haksat hun ciangin keima tungah hong ko un. Note kong hon khia dinga, note in keima min nong thangsak ding uh hi,” a ci hi.

Mangmuhna 3:19

Ka it mite thuhilhin ka taii hi. Tua ahih manin lungsim tak tawh na mawhna panun kisikkik un.

Hosea 7:14

Amaute in lungsim takpi tawh kei tungah huhna hong ngen lo uh a, dawibia mite bang lelin a gamta uh hi. An le leenggahzu a nget uh ciangin zong lawkite bangin a ngen uh hi. Amaute in kei hong lehdo uh hi.

Kah la 2:19

Zanin tho zelzel inla, Pasian tungah kiko in. Na tate in hehpihna a ngah nadingin na lungsim khempeuh pia in. Kongzing khempeuh ah naupangte puksi khin dektak uh hi.

Jeremiah 22:23

Lebanon gam panin a kila taamtak inn sungah nuam takin na teeng uh hi. Ahih hangin gimna hong tun ciangin bangzah takin na tau ding uh hiam? Numei nausuak dingte tawh na kibang ding uh hi.

Isaiah 37:3

Amaute in Isaiah kiangah, “Hezekiah in, ‘Tu ni pen lungkham ni, tai ngah ni, mindai ni ahi hi. Naungek a suah hun tung napi-in a hing khia zo lo nupi tawh i kibang hi.

Late 142:2

Ama mai ah ka lungkim lohna ka sung a, ama mai ah ka haksatna teng ka gen hi.

Late 91:15

Amah in hong sap ciangin amah ka dawng ding hi. Haksatna sungah amah ka ompih dinga, amah hon khia-in ka pahtawi ding hi.

Late 42:4

Ka lungsim sung ka suah khia a, pawi bawl mihon khat kipakin otna le nuamna la tawh Pasianʼ inn ah ka makaihna, mihonpi tawh ka paina ka phawkkik hi.

1 SAMUEL MASA 1:15

Ahih hangin Hannah in dawngin, “Hi lo hi, ka topa aw; kei pen nakpi takin a lungkham numei ka hi hi. Leenggahzu ahi a, khamtheih zu ahi zongin ka ne kei a, Topaʼ mai ah ka lungsim a sung khia ka hi hi.

Gamlak-vakna 21:7

Moses kiangah mite hong pai-in, “Topa le nang hong gensia-in kampau kha ka hih manun ka khial uh hi. Koteʼ kiang panin gulte a lakkhiat nadingin Topaʼ tungah thum in,” a ci uh hi. Tua ahih ciangin mite adingin Moses in thumsak hi.

Jeremiah 2:27

Amaute in singtawng khat kiangah, ‘Nang pen ka pasian na hi hi,’ ci uh a, suangtum khat kiangah, ‘Ka pianna ka nu na hi hi,’ peuh a ci uh hi. Bang hang hiam cih leh amaute in kei hong nungngatin hong maingat lo uh hi. Ahih hangin haksatna a tuah uh ciangin, ‘Tho inla hong hon in,’ hong ci uh hi.

Thukhente 10:15

Ahi zongin Israel mite in Topa tungah, “Ka khial khin uh hi. Hoih na sak bangin ko tungah hong hih in. Tu ni-in hong hon khia in, kong thum uh hi,” a ci uh hi.

Late 27:8

“Ka mai hong zong in,” na hong ci khinzo hi. Keimah in nangma tungah, “Topa aw, nangma mai kong zong hi,” ka hong ci hi.

Late 77:3

Keimah in Pasian ka ngaihsun a, ka tautau hi. Lung ka geelgeel a, ka gim mahmah hi.

Late 78:34

Amaute pawl khat a thah khit ciangin a om lai mite in amah zong pan uh hi. Amaute kisikin, lungsim taktak tawh Pasian a zong uh hi.

Jeremiah 29:12

Tua hun ciangin note in kei hong samin, hong pai-in thu nong ngen ding uh a, keʼn zong kong dawng ding hi.