Isaiah 26:13 - Tedim Bible Revision 2017

¹³ Topa, koteʼ Pasian aw, nang ahi lo to dangte in ko tungah hong uk hangin, nangmah bek mah koteʼ Topa na hi hi.

Tedim Bible

¹³ Topa kote’ Pasian aw, nang ahi lo to dangte in ko tungah hong uk hangin, nangmah min bek mah kote in ka zahtak uh hi.

Isaiah 26:13 Referans Kwoze

ROM (Romans) 6:22

Ahi zongin tu-in mawhna bawlnopna panin suakta-in Pasianʼ khut sung mi na hi ta uh hi. Tua thu hangin na ngah uh na pen Pasian adingin a kipia khin nuntakna hi a, a tawntung nuntakna tawh a kizom ahi hi.

Isaiah 63:7

Topa’ itna kip, Topa phatnate, Topa in eite tungah a hong piak khempeuh tawh a kizui leh, ama hehpihna le a lianpi ama itna kip tawh a kizui-in amaute tunga a piak, Israel innkuan tungah ama hoihna lianpite ka gengen ding hi.

Isaiah 2:8

Amauʼ gam sung milimte tawh kidim a, amauʼ khut tawh a bawl sate uh amaute in a bia uh hi.

Hebru 13:15

Tua ahih manin Jesu tungtawnin amah i biakna-in i kam tawh ama min pulakin Pasian phat tawntung ni.

Amos 6:10

Mi khatpeuh a sihna inn panin a vui dingin a si pua khia-in, a behte khatpeuh hong pai ciangin, inn sung tawng ah a bu mi khatpeuh kiangah, “Hih lai ah a si dang a om hiam?” ci-in a dot ciangin, “Om lo hi; pau kei in. Topaʼ min na lawh khak ding kidawm in,” ci-in kidawngkik ding hi.

Isaiah 51:22

Ama mite adingin a thumsak Topa, Topa ahi noteʼ Pasian in hih bangin ci hi: “En un, noteʼ khut sung panin hoina hai ka la khia khin a, ka hehna haipi na dawn nawn kei ding uh hi.

Isaiah 12:4

Ni khat ni ciangin mite in, “Topa’ tungah lungdam ko unla, ama hong huh ding ngen un. Minam khempeuh lakah ama septe kitheisak unla, ama min kiliansak hi, ci-in gen un.

Isaiah 10:11

Samaria le a milimte tungah ka bawl bangin Jerusalem le a milimte tungah bawl lo ding ka hi hiam?” ci hi.

2 KHANG TANGTHU NIHNATE 12:8

Ahi zongin amaute in keima nasepna le leitung kumpiteʼ nasepna a kilamdanna a theih nadingun amaute pen Shishakʼ nasemte suak ding uh hi,” a ci hi.

1 KORIN MASA 4:7

Note in bang kisaktheih pih na hi uh hiam? Tu-a na neih khempeuh uh Pasianʼ hong piak hi lo ahi hiam? Tua ahihleh hong kipia sa bek ahih manin a bang kisaktheih pih na hi uh hiam?

Johan 8:32

Tua ciangin thuman na thei ding uh a, tua thuman in note hong suaktasak ding hi,” a cih leh

Isaiah 26:8

Topa aw, nangma deihna kong zui uh a, nang kong ngak uh hi. Nang pen koteʼ deih kicinna na hi hi.

Isaiah 64:5

Thuman nasep lungdam takin a semte, nangma deih bangin a nungtate, nangmah in na limbawl hi. Kote tungah nang na heh a, ahi zongin kote ka khial lai veve uh hi. Tanglai pek a kipanin ka mawh ngitnget uh hi. A tua bangpi mahin kote hong kihon ding ahi hiam?

Micah 4:5

Bang hang hiam cih leh midangte in amauʼ pasian ciat bia-in a thu mang ding uh a, ahi zongin eite in ahihleh eima Topa Pasian mah a tawntungin bia-in ama thu i mang ding hi.