Isaiah 26:12 - Tedim Bible Revision 2017

¹² Topa aw, kote tungah maavanna hong pia in. Koteʼ matut zawhna khempeuh nangmah in na hong sepsakna hang ahi hi.

Tedim Bible

¹² Topa aw, kote’ tungah daihna hong pia in. Kote’ matut zawhna khempeuh, nangma hong sepsakna hang ahi hi.

Isaiah 26:12 Referans Kwoze

Efesa 2:10

Eite a hong bawlpa pen Pasian hi a, Jesu Khris tawh i kipawl ciangin i nuntakna ah gamtat hoih a nei dingin a hong bawl ihi hi. Hih pen eiteʼ om zia dingin a na ngaihsut kholh sa ahi hi.

Late 57:2

A Sangpen Pasianʼ tungah, keima deihna a hong tungsak Pasianʼ tungah ka ko hi.

Late 29:11

Topa in ama mite tungah thahatna pia tahen. Topa in ama mite tungah nopsakna thupha pia tahen.

Ezekiel 20:14

Ahi zongin Egypt gam panin amaute ka paikhiat pihna minam dangte in hong mu khin ahih manin tua bangin gamta leng, keima mindai nading mah hi zel ahih manin amaute bangmah ka cih kei hi.

Hebru 13:20

Ama sihna hangin Tuucing Lianpa suakin, a sisan tawh tawntung thuciamna a kipsak i Topa Jesu pen sihna panin a thokiksak, eite tungah nopsakna a hong pia Pasian in,

Jeremiah 33:6

Ahih hangin tu-in, keimah in hih khuapi ka damsak dinga, cidamin ka omsak ding hi. A mite cidamsakin hauhna le lungmuanna a kicing ka lak ding hi.

Thu-hilhkikna 30:6

Note in na lungsim khempeuh uh le na nuntakna khempeuh uh tawh Topa na Pasian uh itin na hin theih nadingun, Topa na Pasian un note le na suanlekhakte uh tungah thu man nopna lungsim hong guan ding hi.

Johan 14:27

Note tungah keima neih bang lungnopna kong pia ding hi. Tua ka hong piak ding lungnopna pen leitung mite in a piak theih a kip lo lungnopnate pawl hi lo hi. Tua ahih manin lau kei unla, zong lungkham kei un.

Ezekiel 36:25

Note tungah tui siangtho kong theh dinga, na milim biakna uh le note hong ninsak na dang khempeuh panin kong siangsak ding hi.

Ezekiel 20:22

Ahi zongin tua bangin hih leng, Egypt gam panin Israel mite ka paikhiatpih hong mu miteʼ lakah ka mindai ding ahih manin amaute ka susia kei hi.

Ezekiel 20:9

Ahi zongin Egypt gam panin no Israel mite kong paikhiatpih ding hi, ci-in amauʼ ompih miteʼ zakin gen khin ka hih manin, tua bangin gim thuaksak leng keima min a daisak suak ding, cih ngaihsutna hangin gim ka pia kei hi.

Isaiah 57:10

A gamla na khualzinna hangin nang na gim mahmah a, ahih hangin nangmah in, “Lametna om kei,” na ci kei hi.

Late 68:28

Pasian aw, na vangliatna kilangsak in. Kote adingin a hong bawlsak Pasian aw, na thahatna hong lak in.

Late 90:17

Koteʼ Topa Pasian aw, kote tungah na thupha hong tungsak inla, koteʼ nasepna khempeuh hong tangtungsak in.

Isaiah 9:6

Bang hang hiam cih leh eite adingin naungek khat hong suak a, eiteʼ tungah tapa khat hong kipia hi. Amah pen eite hong ukpa hi dinga, ama min pen “Lamdang Thulak pa, Vanglian Pasian, Tawntung Pa, Nopsakna Kumpi,” kici ding hi.

Isaiah 26:3

Topa aw, nang hong muang a, nangma tungah a lungsim khempeuh a koih mipa lungnopna kicing pia ta in.

Isaiah 27:5

Tua ahih kei leh keima hutna sungah amaute hong om henla, amaute in kei tawh kilemna hong bawlin keimah tawh amaute hong kilem ta uh hen,” Topa in ci ding hi.

Isaiah 29:23

Bang hang hiam cih leh keima khut tawh ka bawl sa amauʼ tate a muh uh ciangin amaute in keima min hong phat ding uh hi. Amaute in Jakobʼ Siangtho Pa, a siangtho ahihna phawk ding uh a, Israel Pasian zahtakin kihta ding uh hi.

Isaiah 32:18

Ka mihingte pen kilem takin a teenna, lungmuang takin a omna, daitakin a tawlngakna munah om ding uh hi.

Isaiah 57:19

Nopsakna, nopsakna, a gamla le a nai mi khempeuh tungah om tahen. Keimah in amaute ka damsak ding hi, Topa in ci hi.

Gamlak-vakna 6:26

Topa in note tungah a maipha hong pia henla, note tungah nopsakna hong pia tahen,’ ci-in thupha pia uh hen.

Late 57:3

Amah in vantung panin keimah hong dawngin hong hon khia dinga, amah in kei hong tuancilte maizumin a koih ding hi. Pasian in ama itna kip le a thumanna hong lak ding hi.