Isaiah 26:1 - Tedim Bible Revision 2017

¹ Tua ni ciangin Judah gam sungah hih la kisa ding hi: Khuapi muanhuai khat i nei a, Topa mahmah in i kulhte le i panmun kipte hong hutsak hi.

Tedim Bible

¹ Tua ni ciangin Judah gam sungah hih la kisa ding hi: “Khuapi muanhuai khat i nei hi; Topa mahmah in i kulhte leh i panmun kipte hong hut sak hi.

Isaiah 26:1 Referans Kwoze

Isaiah 60:18

Na gam sungah ngongtatna thu kiza nawn lo dinga, na gam sungah siatmaina le suksiatna om nawn lo ding hi. Nangmah in na kulhte pen Hotkhiatna, na kulh kongpite pen Phatna, na ci ding hi.

Isaiah 62:11

Leimong dongah Topa taangko khin hi. Jerusalem mite tungah, “En un, no hong hon khia pa hong pai hi. Ama sep thaman a mite hong pua a, a gualzawhna thaman a mite hong masuan hi,” ci un.

Zekhariah 2:5

Tua khuapi a hu dingin mei kulh bangin Topa mahmah a omna ding le tua khua sungah a minthanna tawh a ten nading thu, Topa in kamciam zo hi, ci-in va gen in,” a ci hi.

Jeremiah 33:11

Ahih hangin lungdamna aw le kipahna awte, zi nei thakte le mothakteʼ awte kizakik ding hi. Topaʼ biakinn ah mite hong pai-in lungdam kohna-in: ‘Vanglian Topaʼ tungah lungdamna ko un. Bang hang hiam cih leh Topa hoih a, ama itna kip tawntung hi,’ ci-in a lasakna awte uh a kizakik ding hi. Bang hang hiam cih leh Topa in kong cih in ah, a masa-a mah bangin hih gam ka hausakkik ding hi.

Isaiah 25:9

Tua ni ciangin, “En un, amah pen eima Pasian ahi hi. Eite a hong hon dingin amah i ngak hi. Amah pen eima Topa ahi hi. Amah i ngak hi. Amah in eite hong hon khia ahih manin lungdamin kipak ni,” kici ding hi.

Late 48:12

Hih pen eima Pasian hi a, a tawntungin eima Pasian hi, ci-in khangkikte tungah na gen theih nadingun Zion kiimvelin pai-in, a tausang phazah sim unla, a kulh phungmai a hoih mahmahte ngaihsunin, a phualpi muanhuaite va nawk kim un. Amah pen a tawntungin lam hong lak ding pa ahi hi.

Late 31:21

Gal in khuapi a umcih bangin kei hong ki-umcih hun lai-in a itna kip a lamdangin kei tungah hong lak ahih manin Topa in thupha ngah tahen.

Mattiu 16:18

Keʼn kong genin ah: Nang pen suangneu a cihnopna Peter na hi hi. Hih suangpi tungah ka pawlpi ka lam dinga, sihna nangawn in zo zo ngei lo ding hi.

Isaiah 12:1

Ni khat ni ciangin mite in, “Topa aw, kei tungah na heh hangin na hehna dam ta a, kei hong hehnem na hih manin nang tungah lungdamna kong ko ding hi.

Isaiah 5:1

Ka lawm it paʼ tangin a leenggui lo a itna la keʼn hong sa ning: Ka lawm it pa in leitang a hoih mahmahna mual tung khat ah leenggui lo khat a nei hi.

Isaiah 2:20

Amah pen leitung a liingsak gawp dingin a hong kipat hun ciangin Topa kihtakna le a lian ama minthanna vang panin suanghawmpite sung le keenhawmte sungah a buk theih nadingun amauʼ bawl tawm ngun le kham milimte, buite le bakte a paih ding uh hi.

Isaiah 2:11

Miteʼ kiliatsakna pen kiniamkoih dinga, mihingteʼ kiphatsakna pen kiniamkhiat ding hi. Tua ni ciangin Topa bek a lianin kikoih ding hi.

Ezra 3:11

Tua ciangin amaute in Topa phatna le lungdamkohna a kidawngin sa uh a, “Topa hoih hi; bang hang hiam cih leh Israel-te hong itna kip tawntung hi,” a ci uh hi. Topaʼ biakinn bulpi kiphut khin ahih manin mi khempeuh in nakpi takin Topa phat uh hi.

Gamlak-vakna 21:17

Tua ciangin Israel mite in hih la sa uh hi: “Tuikhuk aw, phul in! La kong sak ding uh hi.

Isaiah 4:2

Tua ni ciangin Topa’ bul sel pen melhoihin minthang dinga, leitung panin a piang gahte pen, a suakta lai Israel miteʼ kiphatsakna le minthanna hi ding hi.

Isaiah 14:31

“Filistia khuapi kongpite aw, nakpi takin kap un; khuapite aw, kiko un. Filistia mi khempeuh aw, lau-in liing un! Bang hang hiam cih leh leilu lam panin galkap honteʼ hong paina leivui khu hong kitung a, tua galkapte a meidawi khat beek om lo hi,” hong ci hi.

Isaiah 31:5

A bu a hongin, a kot lamlam vasate bangin Vanglian Topa in Jerusalem dal ding hi. Amah in dalin khah khia dinga, amah susia loin suaktasak ding hi.

Isaiah 31:9

Amauʼ belh a kumpipa uh a launa hangin tai dinga, buaina hangin a uliante in a dialkhai uh taisan ding uh hi,” ama meikuang Zion ah a om, ama meikhuk Jerusalem khua ah a om Topa in ci hi.

Isaiah 33:5

A sangna munah teeng ahih manin Topa kipahtawi hi. Amah in thutang le thuman tawh Jerusalem dimsak ding hi.

Isaiah 33:6

Amah pen nangma hunte a kipna, hotkhiatna a kicinna, pilna le theihna hi ding hi. Topa kihtakna pen ama sumgum hi ding hi.

Isaiah 56:5

ka inn sung le ka huang sungah tanu le tapate sangin a hoih zaw phawkna le min ka pia dinga, a mang ngei nawn lo ding a kip tawntung min amaute tungah ka pia ding hi.

Isaiah 62:10

Jerusalem mite aw, kulh kongpite panin paikhia unla a hong ciahkik na mipihte uh adingin lam bawl khol un. Lam zik un; lam lianpi zikin suangtumte paikhia unla, miteʼ muh dingin lim khat khai to un.

Ezekiel 40:5

Ka muh pen biakinn na hi a, a kimkot ah kulh om hi. A mipa in pi sawm a pha tehna piciang la-in a kulh a teh hi. A teh ciangin pi sawm sahin, pi sawm mah sang hi.

Late 48:4

Ahi zongin, kumpite kikaikhawmin, a sim dingin hong kuan khawm uh hi.

Zekhariah 2:9

Topa mahmah in note hong su dinga, nidang a noteʼ na hong sepsak mite in tu-in noteʼ nate hong leh suhkik ding uh hi, hong cisak hi. Hih bangin thu hong pian ciangin Vanglian Topa in kei hong sawl ahih lamtak na thei ding uh hi.