Isaiah 24:8 - Tedim Bible Revision 2017

⁸ Lungdamna khuang gingte dai-in lungdam a gamlumnate om nawn lo a, lungdam a laiza tawh lasaknate a dai ta hi.

Tedim Bible

⁸ Lungdamna khuang gingte daii-in, lungdam a, gamlumnate om nawn lo a, lungdam a, laiza tawh la saknate daii ta hi.

Isaiah 24:8 Referans Kwoze

Hosea 2:11

Ama lungdam theihna, a kumsim pawite, a khasim pawite, a nipisim pawite, a biakna kikhop khempeuh ka beisak ding hi.

Mangmuhna 18:22

Harp lasakna a ging le la sateʼ awging, tamngai le peengkul awgingte, nang sungah kiza nawn lo ding hi. Nasem a tuamtuamte nang sungah kimu nawn lo dinga, an gawina a ging zong kiza nawn lo ding hi.

Ezekiel 26:13

Khuapi sungah lasakna awging ka beisak dinga, tum theih awgingte khempeuh zong kiza nawn lo ding hi.

Jeremiah 7:34

Tua ciangin Judah gam khuapite le Jerusalem khua kongzing lakah gualnopna le lungdamna awte le zi nei thakte le mothakteʼ awte ka gingsak nawn kei ding hi; bang hang hiam cih leh tua mun kinusia ding hi.

Jeremiah 25:10

Tua tham loin lungdamna le kipahna awte, zi nei thak pa le mothak nuʼ awte le an gawina suang gingte ka gingsak nawn kei dinga, meivak taangte ka sumit ding hi.

Jeremiah 16:9

Bang hang hiam cih leh Vanglian Topa, Israel miteʼ Pasian in hih bangin kong ci hi: En un, hih mun panin noteʼ muh teekteekin, noteʼ theih hunsung mahin gualnopna, lungdamna awte le zi nei thakte, pasal nei thakteʼ awte ka gingsak nawn kei ding hi.

Isaiah 5:12

Amaute in a pawi sung uh ah laiza lasakna le harp lasakna, khuang, tamngai le leenggahzu, tampi a nei uh hi. Ahih hangin amaute in Topa’ sepnate don lo uh a, a khut tawh a bawlte zong mu lo uh hi.

JOB (Job) 30:31

Nidangin lungdamna la a kisa ka zakna munah tu-in thumna le kahna aw bek ka za ta hi.

Late 137:2

Tua lai-a gialhek kungte tungah i laiza lasaknate i khai hi;

Isaiah 5:14

Tua ahih ciangin Leinuai in a duhna khangsakin bangmah tawh a kiteh thei lo zahin a kam ka beba a, Jerusalemʼ hoihna teng, a mipite, a mihonte, ama sunga a lungdam mite, a nawmvalh hi.

Isaiah 16:10

An tampi a pian ngeina lo lai ah lungdamna le nuamna om nawn lo hi. Leenggui lote ah lasakna om lo a, lungdam a kikona om nawn lo hi. Leenggah cilna ah kuamah in leengtui suk nawn lo a, leenggah lawh cianga kikona aw kidaisak ta hi.

Kah la 5:14

Puteekte khuapi kongpi ah tu nawn lo uh a, khangnote in la a sa nawn kei uh hi.

Ezekiel 28:13

Pasianʼ Eden huan sungah nang na teeng a, suangmanpha nam khempeuh tawh na kizem hi. Karnelian, topaz le jasper, khrisolait, beryl le onik, sapfaia, karbankel, le emerald suang manphate, nangma kizepna hi a, kham tawh kibawl kizepna tampi tak zong na nei lai hi. Hihte khempeuh nangma adingin na suah ni-in a hong kibawlsak ahi hi.

JOB (Job) 3:7

Tua zanin ta piang kei henla, lungdam otna awging tua zanin ging nawn kei hen.

Amos 6:7

Tua ahih ciangin note pen salin a pai masa pente na hi ding uh a, na nopsakna teng uh a bei ta ding ahi hi.