Isaiah 24:6 - Tedim Bible Revision 2017

⁶ Tua ahih ciangin Topa in leitung samsiatin susia a, a tunga a teeng mite in amauʼ mawhna hangun a thuak uh hi. Tua ahih ciangin leitungah a teeng mite tawm semsem hi.

Tedim Bible

⁶ Tua ahih ciangin Topa in leitung samsiatin susia a, a tunga teeng mite in amau’ mawhna hangun kangtum uh hi; tua ahih ciangin leitunga teeng mite tawm semsem hi.

Isaiah 24:6 Referans Kwoze

Malakhi 4:1

Vanglian Topa in hih bangin ci hi: “En un, mi kiphasak khempeuh le migilo khempeuh, a zung a hiang cih om loin buhtu bangin a kattum ding hun hong tung ding hi. Tua ni ciangin khat zong suakta loin a vekpi-in kaang tum khin ding uh hi.

Mattiu 7:14

Ahi zongin nuntak tawntungna tun nading kong kawcikin a lampi haksa a, mi tawmno bek in a zui zo uh hi.

ROM (Romans) 9:27

Isaiah in Israel miteʼ thu a genna ah, “Israel mite, tuipi gei-a sehnel zahin a tam hangin mi tawmno khat bek suakta ding uh hi.

Malakhi 4:6

Amah in pate le tate lemtuah in a kilemsakkik ding hi. Tua bang hikeileh keimah hong pai-in na gam khempeuh uh ka susia gawp ding hi,” ci hi, a ci hi.

Siampi Laibu 26:22

Keimah in noteʼ lakah gamsate hong khahin, amaute in na tate uh hong neksak ding uh a, na ganhingte uh susia-in, note mi tawmno khat hong suah dinga, noteʼ lampite zong gamkhing hong suak ding hi.

2 PETER NIHNA 3:10

Ahi zongin theih kholh lohpi-in guta bangin Topa hong pai ding Ni hong tung ding hi. Tua Ni ciangin nakpi takin a ging in vantungte maimang sakin, vantung nate mei in kangtumin maimang dinga, leitung le a tunga om na khempeuh a mangthang ding hi.

Malakhi 3:9

Na minam bupun keima neihsa hong guksak na hih manun note khempeuh tungah samsiatna hong tung hi.

Malakhi 2:2

Na gamtatna uh tawh kei nong zahtak ding uh hi. Ka thugente ngai loin, thupi takin na lak kei uh leh note tungah samsiatna ka hong tungsak dinga, siampi hihna tawh na ngah uh thuphate tungah samsiatna ka tungsak ding hi. A taktakin ci lehang, note in ka thupiaknate thupi lak lo na hih manun na thupha ngahte uh tungah samsiatna ka tungsak zo hi.

Ezekiel 5:3

Tua ciangin a multe tawmno khat la inla, na puan mongteep ah tun in.

Isaiah 1:31

A thahat mipa pen patlom tawh kibang dinga, ama nasepna pen mei-ek suak ding hi. Kuamah in phelh zo loin amau tegel kaang tum khawm ding uh hi.

Thu-hilhkikna 28:62

Note, vantung aksite zahin a tam na hihna sung uh ah tawmno bek na pha ding uh hi; bang hang hiam cih leh Topa na Pasian uh thu na mang kei uh hi.

Thu-hilhkikna 4:27

Topa in mite lakah note hong thehthang dinga, Topa in note hong hawlna minamte lakah mi tawmcik bek na om lai ding uh hi.

Mattiu 27:25

Tua ciangin mi khempeuh in, “Hih mipaʼ sihna hangin gim thuakna, kote a kipanin ka suan ka khakte dongun ka thuak ding uh hi,” ci-in a dawng uh hi.

Isaiah 5:24

Tua ahih ciangin mei in buhkung keute kaang tum a, meikuang sungah lopa keute a kattum bangin amauteʼ zung pen muat gawp dinga, amauteʼ pakpalhte leivui bangin vanah leeng to ding hi. Bang hang hiam cih leh amaute in Vanglian Topa’ thu nialin Israel-teʼ Siangtho Paʼ thu a simmawh uh hi.

Isaiah 9:19

Vanglian Topa’ hehna hangin meikuang bangin gam sung kaang a, mite pen mei a kicih sing tawh kibang uh hi. Kuamah in a sanggampa nangawn zah tuan lo hi.

Isaiah 34:5

Bang hang hiam cih leh ka namsau in vantungah a sep ding khempeuh a zawh khit ciangin, en un, a sia mang dinga ka seh sa Edom mite tungah thu a khen dingin hong kum suk ding hi.

Isaiah 43:28

Na uliante un ka biakinn mindaisak uh ahih manin Israel tungah siatna ka tungsak a, Jakob ka mindaisak hi,” a ci hi.

Jeremiah 5:14

Tua ahih manin Topa, Vanglian Pasian in hong hopih a, “Amaute, tu-a bangin kampau uh ahih manin na kam sungah mei bangin ka kuansak ka thute in sing tawh kibang hih minamte kaang tum gawp ding hi.

2 KUMPI NIHNATE 24:12

Tua ciangin Judah kumpipa Jehoiakhin in Babylon kumpipa tungah amah a kipan, ama nu, a nasemte, a uliante le a kumpi inn-a zaneite a kipia hi. Topa in a gen kholh sa bangin Babylon kumpipa in ama uk a kum giatna kumin thongkia-in amah la a, Topaʼ biakinn-a van manpha khempeuh pua khia-in, Kumpi Solomon in a bawl sa, Topaʼ biakinn sunga kham nazat khempeuh a satnen hi.

2 KUMPI NIHNATE 25:12

Ahih hangin a cingte a ukpa in leenggui lote a en ding le lokho dingin tua gam mi a zawng pente pawl khat nusia lai hi.

Isaiah 1:9

Vanglian Topa in eite tawmno khat a nungta-in hong siit hikeileh, eite pen Sodom khua bang khinin Gomorrah khua i bang khinta ding hi.

Jeremiah 12:4

Ka gam sung bang tanvei keucip ding ahi hiam? Mun khempeuh ah lopate bang tanvei vul cip ding ahi hiam? A teng miteʼ gitlohna hangin gamsate le vasate a mangthang khin uh hi. Bang hang hiam cih leh amaute in, “I gamtatnate Pasian in hong mu kei ngawn,” a ci uh hi.