Isaiah 24:5 - Tedim Bible Revision 2017

⁵ Ama tunga a teengte in leitung ninsak uh hi. Bang hang hiam cih leh amaute in thukhamte khialin ngeina kipte palsat uh a, tawntung thuciamna peel uh hi.

Tedim Bible

⁵ Ama tunga teengte in leitung ninsak uh hi; bang hang hiam cih leh amaute in thukhamte mang loin, ngeina kipte palsat uh a, tawntung thuciamna peel uh hi.

Isaiah 24:5 Referans Kwoze

Hebru 13:20

Ama sihna hangin Tuucing Lianpa suakin, a sisan tawh tawntung thuciamna a kipsak i Topa Jesu pen sihna panin a thokiksak, eite tungah nopsakna a hong pia Pasian in,

Hebru 9:1

A masa thuciamna nangawn in biak zia ding le biak nading mun tawh kisai ngeina na nei tei sam hi.

Daniel 7:25

“Amah in a Lianpen Pasian langpangin thu gen dinga, Pasianʼ mite a bawlsia ding hi. Amah in amauteʼ biakna tawh kipawl thukhamte le pawi bawlna hunte kheelsak ding hanciam dinga, ama khut sungah kum thum le alang sung Pasianʼ mite a om ding uh hi.

Luka 1:6

A nih tuakun Pasianʼ muhna ah a manin gamta uh a, Topaʼ thukhamte le a ngeina khempeuh a zui uh hi.

Micah 2:10

Tu-in ding unla paikhia un. Na khialhna hangun a lauhuai suksiatna tuak ding na hih manun, hih lai mun pen note adingin mun nuam hi lo hi.

Daniel 9:10

Topa Pasian aw, na nasem kamsangte tungtawnin koteʼ zuih ding thukhamte nong piak hangin, tua thu ka mang tuan kei uh hi.

Ezekiel 20:24

Hih bangin kiciamna ka bawlna pen, amaute in ka thupiaknate nialin, ka thukhamte zui lo uh a, ka Sabbath-te siasak uh hi. Tua banah a pu a pate un a biak milimte mah a biakna hang uh ahi hi.

Ezekiel 20:13

Ahi zongin Israel mite in gamlak nangawn ah kei hong dem uh a, a zui peuhpeuh in nuntakna a ngah nading uh ahi keima thukhamte le ka thupiaknate a nial uh hi. Ka Sabbath-te zong nakpi takin siasak uh hi. Tua ahih manin amaute a maiman nadingin ka hehna teng gamlak ah a thuaksak gawp dingin ka kithawi hi.

Jeremiah 50:5

Zion khua lampi a dong ding uh a, tua khua lam maingatin, ‘Hong pai un. A kimangngilh ngei nawn lo ding tawntung thuciamna khat Topaʼ tungah ciam khawm dih ni,’ a ci ding uh hi.

Isaiah 50:1

Topa in, “Amah ka ciahsakna, na nu a kimakna lai koi ah om ahi hiam? Tua ahih kei leh nang kong zuakna ka leibatnate koi pan ahi hiam? Nomau mawhna hangin note hong kizuak a, nomau khialhna hangin na nu uh kipaikhiasak hi.

Isaiah 10:6

Keima thu a ngaihsun lo minam le kei a hong hehsak miteʼ neihsa sutin laksakin, amaute pen kong lak buannawng bangin a tuancil dingin amaute sawlin thu ka pia hi.

Late 55:5

Launa le linna ka tungah hong tung a, launa in hong vukcip hi.

2 KHANG TANGTHU NIHNATE 33:9

Manasseh in Judah le Jerusalem-a teengte zol ahih manin, Israel miteʼ mai ah Topa in a suksiat minamte sangin amaute a sia tam zaw gamta uh hi.

2 SAMUEL NIHNA 23:5

Hi hi, ka innkuan zong Pasian tawh tua bangmah hi lo ahi hiam? Bang hang hiam cih leh amah in tawntung thuciamna kei tawh hong bawl a, na khempeuh a hoih a kipin hih hi. Bang hang hiam cih leh keimah hong huhin, ka deihna khempeuh tangtungsak ding hi lo ahi hiam?

Joshua 24:25

Tua ahih ciangin Joshua in Shekhem ah tua ni-in mite tawh thuciamna bawl a, amaute adingin thukham le biakna ngeina kipte a bawl hi.

Thu-hilhkikna 32:20

Amah in, ‘Amauteʼ kiang panin ka mai ka seel dinga, amauteʼ thumong bang hong hi hiam, ka en ding hi. Bang hang hiam cih leh amaute a lampial khang mite hi a, cihtakna a nei lo tate ahi uh hi.

Thu-hilhkikna 32:15

“Israel mite thau mahmah uh a, a lehdo thei mi suak uh hi. Note thau-in lianpi pha-in, na zol uh hi. Tua ciangin amaute a bawl Pasian amaute in nusia-in, amau a Hon khia pa thusim lo uh hi.

Siampi Laibu 20:22

“Tua ahih ciangin note in ka thukham khempeuh le ka biakna ngeina kipte khempeuh zui-in, tuate na sem ding uh hi. Tua pen note na ten nadingun kong paipih nading leitang in note hong luakkhiat loh nading ahi hi.

Daniel 9:5

“Kote ka hih uh leh ka gilo uh a, mawh khinin ka khial khin uh hi. Na hong sawlna bang ka mang kei uh a, na thupiakna le na thukhamte ka taisan khin uh hi.

Ezekiel 37:26

Amaute lungmuangin a om tawntungna ding uh thuciamna khat ka bawl dinga, amaute thupha pia-in a mi ka pungsak ding hi. Amauteʼ lakah a om tawntung dingin ka biakinnpi ka phut ding hi.

Isaiah 9:17

Tua ahih ciangin amauʼ tangvalte tungah Topa lungdam lo a, pa nei lote le a meigong numeite uh tungah hehpihna nei lo hi. Bang hang hiam cih leh mi khempeuh pen Pasianʼ thu a khual om loin siatna a bawl vive hi a, kam khempeuh in haina thu a gen uh hi. Hih thute khempeuh hangin ama hehna dam zo nai lo a, ama khut kizanlai hi.

Isaiah 30:9

Bang hang hiam cih leh amaute pen a lehdo mite, a zuau thei tapate, Topa’ thuhilhna a ngai nuam lo mite ahi uh hi.

Isaiah 33:8

Lam lianpite gambulak suak a, kuamah khualzinin pai ngam nawn lo uh hi. Thuciamnate kipeksatin, thukimna sate kipalsat a, khatlekhat kizahtakna om nawn lo hi.

Ezekiel 16:59

“Topa Pasian in hih bangin ci hi. Nang in i kamciamna le i thuciamna don lo na hih manin nangma gamtatna bangin nang tungah kong gamta hi.

Siampi Laibu 26:35

Ama tungah na ten laitakun na ngahsak loh uh tawlngakna ahi a sabbath-te, gamkhingin a om sungteng a tawlnga hi ding hi.

2 KUMPI NIHNATE 21:12

Tua ahih ciangin Israel Pasian Topa in hih bangin ci hi: En un, a za mite khempeuhʼ bilte a vut ding siatna Jerusalem le Judah tungah ka tungsak ding hi.

2 KUMPI NIHNATE 21:15

bang hang hiam cih leh a pu a pate uh Egypt panin hong paikhiat a kipan tu ni dongin keima muhna ah a sia gamta-in kei hong hehsak uh hi,” a ci hi.

Jeremiah 11:10

Ka thu a ngai nuam lo a pu a pate uhʼ mawhna lamah kilehhei khinzo uh a, pasian dangteʼ na a sem dingin a zui khinzo uh hi. Israel mite le Judah mite in a pu a pate uh tawh ka bawl sa uh thuciamna a palsat khinzo uh hi.

Hosea 6:7

Ahi zongin ka ciamna gam a tun uh ciangin amaute in Adam khua ah ka thuciamna palsat uh a, kei tungah hong thuman lo uh hi.