Isaiah 24:2 - Tedim Bible Revision 2017

² Mi khempeuhteʼ thuakna kibang kim ding hi. Siampite le mi mawkmawkte silate le a tote, van leite le van zuakte, sumneite le leibate, a hau a zawng, a thuakna uh kibang ding hi.

Tedim Bible

² Mi khempeuhte’ thuakna kibang kim ding hi. Siampite leh mi mawkmawkte, silate leh a tote, vanleite leh van zuakte, sum neite leh leibate, ahau azawng, a thuakna uh kibang ding hi.

Isaiah 24:2 Referans Kwoze

Hosea 4:9

Miteʼ thuak dingin a kilawm gimna mah siampite in zong thuak ding uh a, amauʼ gamtatna bangin gim pia-in amauʼ siatna bangin ka thukkik ding hi.

Kah la 4:13

Kamsangte le siampite in mawhna a bawl manun mi siangtho midikteʼ sihna a hong piang ahi hi.

Jeremiah 42:18

“Bang hang hiam cih leh Vanglian Topa, Israel miteʼ Pasian in kong cih in ah: Jerusalem khua ah a teeng miteʼ tungah ka hehna le ka thangpaihna a kibuak bangmahin Egypt gamah na pai uh leh note tungah ka hehna hong kibua ding hi. Mite in note hong lipkhap dinga, kihamsiatna-in hong zangin hong zahko ding uh hi. Note in hih mun na mukik nawn kei ding uh hi, ci-in gen hi,” ka ci hi.

Jeremiah 41:2

Nethaniahʼ tapa Ishmael le tua mi sawmte in, Babylon kumpipa in gam uk dingin a koih Ahikamʼ tapa, Shafanʼ tupa Gedaliah pen namsau tawh satin a that lum uh hi.

Isaiah 5:15

Mi khempeuh a niamin kikoih suk hi. A kiphasak mite kiniamkhiat suk hi.

Isaiah 2:9

Tua ahih ciangin mite kiniamkhiat sukin, mite a niamin kikoih suk hi. Amauteʼ mawhna maisak kei in.

2 KHANG TANGTHU NIHNATE 36:20

Amah in namsau panin a suakta mite Babylon ah salin la a, Persia kumpi in a uk hun mateng amah le a suanlekhakteʼ nasem a suak uh hi.

Piancilna 41:50

Kialpi kum hong tun ma-in Josef in On khua siampipa Potiferaʼ tanu Asenath tawh tapa nih nei hi.

Isaiah 24:3

Leitung kihawmsuak sakin kisiacip ding hi. Bang hang hiam cih leh Topa in hih thu gen khinzo hi.

Isaiah 28:7

Hih mite zong leenggahzu tawh hoi-in khamtheih zu tawh awn uh hi. Siampite le kamsangte nangawn zukhamin hoi uh hi. Kamsangte in zu kham lua uh ahih manin Pasianʼ muhsak maangmuhnate theithei lo uh a, siampite in zong zu kham lua uh ahih manin a thukhen dingte uh khen thei lo uh hi.

Kah la 4:6

Jerusalemʼ mawhna Sodom khuapiʼ mawhna sangin lian zaw ahih manin, thakhatin Pasianʼ khut sung pan kisiatna a ngah uh hi.

Kah la 4:16

Topa in amaute a zat nopna om nawn lo ahih manin amaute a thehthang hi. Amah in i makaite le i siampite a awlmawh nawn kei hi.