Isaiah 24:10 - Tedim Bible Revision 2017

¹⁰ Khuapi hawmsuak pen kisiacip ta a, kuamah a tum theih loh nadingin inn khempeuh kikhakcip hi.

Tedim Bible

¹⁰ Khuapi hawm suak pen kisiacip suk a, kuamah a tum theih loh nadingin inn khempeuh kikhakcip hi.

Isaiah 24:10 Referans Kwoze

Mangmuhna 18:2

Amah nakpi takin kiko a, “A Lian Babylon khuapi kicim, kicim! Tu-in dawiteʼ kua suak khinta-in, kha giloteʼ omna suak khinta a, a kihhuai, a muhdahhuai vasa namkim in omna-in nei ta uh hi.

Luka 21:24

Mi pawl khat, namsau tawh kithat dinga, pawl khat, galmatin gam dangah kiciah pih ding hi. Tua ciangin Gentail miteʼ uk hun a bei matengin Jerusalem khuapi a siacipin om ding hi.

Luka 19:43

Na kimkot ah na galte in a panmun ding uh hong to-in, hong umcihin hong nehcih hun hong tung ding hi.

Micah 3:12

Tua ahih manin noteʼ hangin lo khawh bangin Zion kikho-in, Jerusalem, nin kipaihna phualpi hong suak dinga, biakinn omna mual, gamlak a suak ding hi.

Micah 2:13

Pasian in note ading lampi hong honsakin hong paikhiatpih ding hi. Salsuahna khuapi kulh panin pai khia-in na suakta ding uh hi. Kumpi ahi Topa mahmah in note hong makai ding hi.

Jeremiah 52:7

Tua ciangin khua kulhpi kiphu let a, khuapi kimkot ah Khaldea mite om napi-in, zan laitakin kumpipaʼ huan gei-a kulh tegel kikal a kongpi tawnin galkapte tai khia sim uh a, Arabah gam lam a manawh uh hi.

Jeremiah 39:8

Babylon mite in kumpipaʼ inn le midangteʼ innte hal uh a, Jerusalem khua kulhpi a susia uh hi.

Jeremiah 39:4

Judah kumpipa Zedekiah le galkap khempeuh in amaute a muh uh ciangin a taisim uh hi. Zan laitakin kumpipaʼ huan sung tawnin kulh tegel kikal a kongpi kantanin khuapi sung pan paikhia uh a, Arabah gam lam a manawh uh hi.

Isaiah 34:11

Ahih hangin mu le sakuh in gam sungteng luah ding uh a, keising le va-akte om ding uh hi. Tua gam pen gam simtham suakin, hawmsuak ding hi.

Isaiah 32:14

Kumpi innte kinusia-in, mi tampi a omna kumpi khuapi kilawi ding hi. Mual le tausangte zong kisia gawp dinga, late le tuuhonte in gamtatna munin nei ding uh hi.

Isaiah 27:10

Bang hang hiam cih leh a muanhuai khuapi pen gamlak bangin amah guakin omin, miʼ teenna mun pen kitaisanin kinusia hi. Tua lai ah bawng no gamta-in lum a, sing hiangte a kheuh hi.

Isaiah 25:2

Bang hang hiam cih leh nang in khuapi ninbu lomtang na suah a, a muanhuai khuapi a sia na suaksak hi. Mi kiphasakteʼ kumpi inn pen khua bang nawn lo a, cikmah hunin kilamkik nawn lo ding hi.

Isaiah 24:12

Khuapi sungah gamkhinna bek om a, kongpite kisat khamin kisia mang khinta hi.

Isaiah 23:1

Taia khua tawh kisai thu hih bangin gen hi: Tarshish teembaw hawlte aw, Taia khua kisia a, inn le khawlmunte om nawn lo ahih manin kap un! Saipras gam panin amaute in hih thu hong za uh hi.

2 KUMPI NIHNATE 25:4

Tua ciangin khuapi kulh su let uh hi. Khaldea mite khuapi kiimah a om pi mahin, kumpipaʼ huan kiang lam kulhpi nih kikal kulh kongpi lampi zui-in kumpipa le a galhang mi khempeuh zanin a tai uh hi. Arabah lam manawhin amaute pai uh hi.

Piancilna 11:9

Tua ahih ciangin a min Babel kici hi. Bang hang hiam cih leh Topa in tua munah leitung khempeuhʼ kampau kitukalhsak hi. Tua lai mun panin Topa in leitung khempeuh ah amaute a thehthang hi.

Isaiah 32:19

(Tua ciangin tulak kolh siang dinga, a khuapi pen cim zan ding hi.)

Isaiah 26:5

Bang hang hiam cih leh amah in a kiphasak mite niamkhiat suk hi. Amauʼ teenna khuapi muanhuai suksiatsak a, a kulhpite den khap sakin leivui a suah hi.