Isaiah 23:1 - Tedim Bible Revision 2017

¹ Taia khua tawh kisai thu hih bangin gen hi: Tarshish teembaw hawlte aw, Taia khua kisia a, inn le khawlmunte om nawn lo ahih manin kap un! Saipras gam panin amaute in hih thu hong za uh hi.

Tedim Bible

¹ Tai-ar khua tawh kisai thu: Tarshish teembaw hawlte aw, Tai-ar khua kisia a, inn leh khawlmunte om nawn lo ahih manin, kap un! Saipras gam panin hih thu amaute in za uh hi.

Isaiah 23:1 Referans Kwoze

Piancilna 10:4

Javanʼ tapate: Elishah, Tarshish, Kittim le Dodanim ahi hi.

Jeremiah 47:4

Filistia mi khempeuh kisia-in, Taia le Sidon panin huhnate khaktanin, suksiat ding ni hong tung ta hi. Bang hang hiam cih leh Topa keimah in Filistia mite le Kaftor tuipi gei ah a omlaite ka susia ding hi.

Jeremiah 25:22

Taia kumpite khempeuh, Sidon kumpite khempeuh; tuipi gei-a kumpite khempeuh;

Isaiah 2:16

Tarshish teembaw khempeuh le teembaw hoih khempeuh a niamkoih hun ding ni khat a nei hi.

Jeremiah 2:10

Bang hang hiam cih leh nitumna lamah Saipras tuikulh mong dong kantan unla va en dih un. Nisuahna lamah Kedar gamah mi sawl unla limtakin kan dih un; tua bang thu a piang ngei peuhmah hiam, en dih un.

Isaiah 23:12

Amah in, “Sidon khuapi aw, na lungdamna teng bei khinta hi. Na mite in nenniamna thuak uh a, Saipras tuikulh ah a va tai uh hangin, tua lai nangawn ah lungnopna hun nei lo ding uh hi,” ci hi.

1 KUMPI MASATE 22:48

Jehoshafat in kham zongin Ofir ah a pai dingin Tarshish teembawte bawl hi. Ahih hangin Ezion-geber ah teembawte sia ahih manin amaute pai lo uh hi.

1 KUMPI MASATE 10:22

Bang hang hiam cih leh kumpipa in Hiramʼ teembaw honte tawh Tarshish teembaw hon khat tuipi ah a pai nei hi. Tarshish teembaw honte kum thumin khatvei hong pai-in kham, ngun, saiha, zawngmaw le utongte hong puak zel hi.

Daniel 11:30

Rom mite, teembaw tawh hong pai-in amah do ding uh ahih manin a lau ding hi. Tua ciangin amah kilehkik dinga, a thangpaihna tawh Pasianʼ miteʼ biakna suksiat ding a hanciam ding hi. Amah in tua biakna a nusia miteʼ zolsimna a mang ding hi.

Ezekiel 26:1

Zedekiah in a uk a kum sawm le kum khat kum, tua kha a ni masa ni-in Topa in kei kiangah thu hong gen a,

Jeremiah 25:15

Topa, Israel miteʼ Pasian in kei hong hopih a, “Ka khuttung panin hehna tawh a kidim hih leenggahzu hai la inla, kong sawlna gamte khempeuh dawnsak in.

Isaiah 60:9

Hih teembawte pen tuipi gei le tuikulh ah a om teembawte hi a, Tarshish teembaw lianpite in hong makaih hi. Topa in nangmah a minthang mahmah in hong bawl khin ahih manin gamlapi panin tua teembawte in nangma mite hong puak uh a, a ngun a khamte uh tawh hong puakkhawm uh hi. Topa, na Pasian, Israel-teʼ Siangtho Pa a pahtawina-in a hong puak uh ahi hi.

Isaiah 24:10

Khuapi hawmsuak pen kisiacip ta a, kuamah a tum theih loh nadingin inn khempeuh kikhakcip hi.

Isaiah 15:8

Bang hang hiam cih leh Moab gam kiim khempeuh ah kahna aw a ging hi. Kahna in Eglaim khua ban a, kahna in Beerelim khua zong a ban hi.

Late 48:7

Nisuahna huihpi tawh Tarshish kici teembaw liante nang na susia hi.

2 KHANG TANGTHU NIHNATE 9:21

Bang hang hiam cih leh Kumpi Hiramʼ nasemte tawh kumpipaʼ teembawte, Tarshish ah pai hi. Tarshish teembawte kum thum simin khatvei hong tungin kham, ngun, saiha, zawngmaw le utong hong puak zel hi.

1 KUMPI MASATE 5:1

Amaute in ama paʼ munah kumpi-in amah sathau a nilhna thu a zak ciangin Taia kumpi Hiram in a nasemte Solomon kiangah sawl hi; bang hang hiam cih leh Hiram in David it tawntung hi.

Joshua 19:29

Tua ciangin Ramah ah a gamgi kihei a, kulh a nei Taia khuapi a tung hi. Tua ciangin Hosah ah gamgi kihei a, tuipi ah a tawp hi. Mahalab, Akzib,

Gamlak-vakna 24:24

Ahih hangin Kittim panin teembawte hong pai-in Asshur le Eber gimsak dinga, amah in zong siatna tuak ding hi,” a ci hi.

Luka 10:13

Tua ciangin Jesu in, “Khorazin khuapi mite le Bethsaida khuapi mite aw, gimna lianpi na thuak ding uh hi. Bang hang hiam cih leh note khua sungah a hong kilak nalamdangte, Taia le Sidon khua sungah kilak hileh amaute in kisikna limin sawtpekin puanhampi silhin vut kinuh ding uh hi.

Isaiah 23:6

Tuipi gei-a teeng mite aw, Tarshish khua ah tai-in kap un!

Ezekiel 26:2

“Mihing ahi Ezekiel aw, Taia khuapi mite awngin hih bangin kiko uh hi. Amaute in, ‘Sumbawlna lam a i kidem pih Jerusalem khuapi zancip gawp hi. A kulhpite tu-in kihong kek a, amauteʼ guallelhna tu-in eima hauhna suak ding hi,’ ci uh hi.

Ezekiel 27:6

Nangmah hawh nadingin Bashan tawsaw singte la uh a, Grik tuikulh panin a kila taaksante tawh na sual ding bawl uh a, saiha pak tawh nang hong zem uh hi.

Ezekiel 27:30

Nangma hangin nakpi takin kap uh a, a lu uh leivui thehin vut lakah a bual uh hi.

Jonah 1:3

Ahih hangin Topaʼ kiang pan Jonah tai khia-in Tarshish khua lamah a taisim dingin a kithawi zawsop hi. Joppa khua ah pai suk a, Tarshish khua a zuan ding teembaw khat a mu hi. A sap man ding pia-in a tungah kah a, Topaʼ kiang pan a tai khia dingin teembaw hawlte tawh Tarshish khua ah a pai hi.