Isaiah 22:4 - Tedim Bible Revision 2017

⁴ Tua ahih ciangin keimah in, “Kei hong en kei unla, khitui tampi luangin hong kapkapsak un. Ka mi tampi a sihna hangin keimah hehnep ding hong hanciam kei un,” ka ci hi.

Tedim Bible

⁴ Tua ahih ciangin keimah in, “Kei hong en kei un la, khitui tampi luangin nakpi-in hong kapsak un; ka mite tampi a sihna hangin keimah hehnem ding hong hanciam kei un,” ka ci hi.

Isaiah 22:4 Referans Kwoze

Jeremiah 9:1

Ka lutang tuikhuk hong hi thei henla, ka mitte khitui nak hong hi thei leh ka miteʼ kithah lupna hangin a sun a zanin ka kapkap ding hi.

Mattiu 2:18

“Nakpi tak a kahna awging Ramah gam sungah kiza hi. Rachel in a tate kah a, a tate khempeuh si khin ahih manin a kah a tawp nadingin kikhem zo lo hi,” ci-in a genna thu a tun nading ahi hi.

Micah 1:8

Tua ahih manin kei kapin ka thum dinga, ka dahna thu ka lah nadingin khe guak le guaktangin ka vak ding hi. Gam-ui bangin ka ham dinga, vasa-kalaoh bangin ka tau ding hi.

Jeremiah 31:15

Topa in kong cih in ah: “Ramah khua ah aw khat kiza a, tauna le kah ngutngutna awging ahi hi. Rachel, a tate adingin a kap hi. A tate om nawn lo ahih manin kinem zo lo hi,” a ci hi.

Jeremiah 13:17

Ahih hangin ka thu nong ngaih kei uh leh na kisaktheihna uh hangin ka kap sim dinga, khitui luangin nakpi takin ka kidik ding hi. Bang hang hiam cih leh Topaʼ tuuhonte sal dingin kikai khia zo hi.

Late 77:2

Ka lungkham hunin keimah in Topa ka zong hi. Zanin thu ngenin gim het loin ka khut ka zan a, ahi zongin hehnepna ka ngah kei hi.

Luka 19:41

Jerusalem khua hong nai semsem a, a khuapi a muh ciangin Jesu in tamlawh a,

Luka 1:2

A kipat cil a kipanin amauʼ mit mahmah tawh a mu mite in hong gente uh a gelh uh ahi hi.

Mattiu 26:75

Tua ciangin, “Ak a khuan ma-in kei thum vei na hong nial ding hi,” ci-in Jesu in a gen thu, Peter in phawkkik ahih manin pai khia-in nakpi takin a kap hi.

Jeremiah 8:18

Ka dahna dam thei lo a, ka lungsim na mahmah hi.

Jeremiah 6:26

Topa in, “Ka miteʼ tanu aw, puanhampi silh inla, vut lakah kikhuk in. Tapa khat neihsun a si bangin kap vangvang in. Bang hang hiam cih leh a hong susia ding pa thakhatin hong tung ding hi.

Jeremiah 4:19

Aw, ka lungtang, ka lungtang! Na ka sa mahmah hi. Ka lungtang kisai vanvan a, ka om hithiat thei kei hi; bang hang hiam cih leh peengkul mutna aw, gal kisimna aw ka za hi.

Isaiah 33:7

En un, galhangte huhna ngenin kiko uh a, kilem nading palai semte nakpi takin kap uh hi.

Isaiah 15:3

Kongzing lakah amaute in puanhampi silh uh hi. Innkhum zang le kongzing lampi kituahnate ah mi khempeuh nakpi-in kapin khitui tawh a kawt uh hi.

Jeremiah 9:18

Mite in, “Va kinawhsak unla, i khitui a luan theih nading, i mitkhu a kawt theih nadingin eite hong kah uh hen,” a ci uh hi.

Kah la 2:11

Ka kahkahna-in ka mit paat gawp ta a, ka lungsim gim lua mahmah hi. Ka mite a kisiatna hangin dahin husamin ka bah gawp hi. Naupangte le nungakte kongzing lakah sibup uh hi.

Ezekiel 27:31

Nangma hangin a lu uh mettol uh a, dahna limin puanhampi silh uh a, na sa lua-in a kap uh hi.

Esther 4:1

Mordekai in hih thupiang teng a theih ciangin a puan bal kekin puanhampi silhin vut kibuak a, nakpi takin a kap kawmin khua sungah vak kawikawi hi.

Ezekiel 21:11

Tua namsau limtakin kipuah a, zat pah lian dingin kikoih hi. Mi that ding paʼ zat dingin kitat hiamin kipuah siang hi.