Isaiah 21:9 - Tedim Bible Revision 2017

⁹ En in, sakol tung tuangte a kopkopin hong pai!” a ci hi. A dang khat in, “Babylon cim hi, cim hi. A milim pasian-te khempeuh leilak dongah amah in suksiatsak hi,” ci-in a dawng hi.

Tedim Bible

⁹ En in, sakol leeng tuangte a kopkopin hong pai!” ci hi. A dang khat in, “Babilon cim hi, cim hi; ama milim pasiante khempeuh leilak dongah amah in suksiat sak hi,” ci-in dawng hi.

Isaiah 21:9 Referans Kwoze

Mangmuhna 18:2

Amah nakpi takin kiko a, “A Lian Babylon khuapi kicim, kicim! Tu-in dawiteʼ kua suak khinta-in, kha giloteʼ omna suak khinta a, a kihhuai, a muhdahhuai vasa namkim in omna-in nei ta uh hi.

Mangmuhna 14:8

Tua ciangin vantungmi a nihna in hong zui a, “A Lian Babylon khuapi kicim, kicim! Amah a huk a lanna leenggahzu, mi khempeuh tungah pia-in khamsak a, gimna thuaksak hi,” a ci hi.

Jeremiah 51:8

Thakhat thu-in Babylon puk a, kisia gawp hi. Ama adingin kap un. A liammate adingin zatui la un, dam zo kha thei lai ding hi.

Jeremiah 51:44

Babylon khuateʼ pasian Bel zong gim ka pia dinga, a na guk sa teng ka lak khiatsakkik ding hi. Gamdangte in amah bia nuam nawn lo ding uh hi. Babylon khua kulhpi kicim khinta hi.

Isaiah 13:19

Khaldea miteʼ hoihna, a kiphatsakpih, kumpi gam a minthang bel Babylon khuapi pen Pasian in Sodom le Gomorrah a siatsak lai hun bang ding hi.

Mangmuhna 18:21

Tua ciangin a thahat vantungmi khat in an gawina suang tawh a kibang suang lianpi khat la-in tuipi sung denna a, “A lian Babylon khuapi hih bangin kilawn dinga, kimukik ngei nawn lo ding hi.

Jeremiah 51:64

‘Babylon khuapiʼ gitlohna hangin a tungah gimna ka tungsak dinga, tu-a bangin Babylon khuapi zong tum sukin a hong dawkkik to nawn kei ding hi,’ ci-in gen in,” ka ci hi. Jeremiahʼ thugenna tu-a ciang ahi hi.

Jeremiah 51:52

Tua ahih manin en un, Topa in kong cih in ah, Babylon khua ah a om a milimte uh tungah thu ka khen ni hun hong tung dinga, gam sung khempeuh ah a liamte a tau ding uh hi.

Jeremiah 51:47

Tua ahih manin en un, Babylon khua-a milimte gim ka piak hun hong tung ding hi. A gam buppi ka zumhuaisak dinga, khua sungah kithatin a tuk ding uh hi.

Jeremiah 51:27

“Gal a sim dingin leitung bup thu pia unla, gamdangte kiangah peengkul mut un. Amah a sim dingin kithawisak un; Ararat, Minni le Ashkenaz gamte simsak un. Makai khat teel unla, kauphe honpi zahin a tam sakolte va la un.

Jeremiah 50:42

A thal uh le a teipi uh tawi uh a, gilo mahmah in hehpihna lungsim nei lo uh hi. A husa uh tuipi ging bang a, sakol tungah tuang uh hi. Babylon mite aw, note a hong sim gawp dingin hong kithawi uh hi.

Jeremiah 50:38

Guah zu kei henla, a gunte uh kang tahen! Bang hang hiam cih leh milim biakna gam hi a, milimte a hai lawh uh hi.

Jeremiah 50:29

“Babylon khua a sim dingin thalkap siam, thaltawi theite va sam un. Khuapi umcih unla, kuamah suaktasak kei un. Ama hihna tawh kituakin ama tungah hih un. Ama hih ngei bangmahin ama tungah bawl un. Bang hang hiam cih leh amah kisathei-in Topa ahi, Israel miteʼ Siangtho Pa a simmawh hi.

Jeremiah 50:9

Bang hang hiam cih leh en un, keimah in leilu lam panin gam pawl khat ka hanthawn dinga, Babylon ka simsak ding hi. Amaute in Babylon khua kimkot ah gal pangin tua khua a la ding uh hi. Galkap siamteʼ lot bangin a thaltangte un khak loh a nei kei uh hi.

Isaiah 14:4

Babylon kumpipa tungah hih zahkona kam na zang ding uh a, “Kumpi gilopa puk ta a, amah in kuamah nengniam zo nawn lo ding!

Isaiah 2:18

Milimte khempeuh mangthang khin ding hi.

Isaiah 21:7

Amah in a kopkopin sakol tung tuang mite, la tunga a tuangte, kalaoh tunga a tuangte a muh ciangin limtak, phatakin encik hen,” hong ci hi.

Isaiah 47:5

Babylon aw, gamdai takin tu inla, khua mialna sungah pai in; bang hang hiam cih leh nang pen kumpi gamteʼ tonu, hong kici nawn lo ding hi.

Isaiah 47:9

Aisan siamnate le mibum siamna vanglian pi na neih hangin ta khuaisuahna le meigonna, hih thu nihte thakhat thu-in ni khat sungin a kicing takin nangma tungah hong tung veve ding hi.

Isaiah 48:14

Note khempeuh hong kikhawm unla hong za un! Amaute sung panin kua in hih ka sep ding nate gen khol thei ahi hiam? Ka teel sa mipa in Babylon tungah keima ngimna sem dinga, Khaldea miteʼ lang khat ah kei ka pang ding hi.