Isaiah 21:12 - Tedim Bible Revision 2017

¹² Galvil pa keimah in, “Zing ni hong suak a, zan khua zong hong mial hi. Thukan nuam na hih leh hong paikik inla hong kan in,” ka ci hi.

Tedim Bible

¹² Gal vilpa in, “Zing ni hong suak a, zan khua zong hong mial hi. Thukan nuam na hih leh, hong paikik in la, hong kan in,” a ci hi.

Isaiah 21:12 Referans Kwoze

Ezekiel 7:12

A hun hong tung ta a, a ni hong nai ta hi. Mi khempeuh tungah ka hehna hong tung ta ding ahih manin sumzuak sumlei nasepnate a kimanna om nawn lo hi.

Ezekiel 7:10

“Siat nading hun hong tung ta hi. Na ngongtatna uh khang a, na kiphatsakna uh lian hi.

Isaiah 55:7

Migilo in ama gitlohna nusia henla, thuman lo mi in ama ngaihsutna nusia hen. Amah in a hehpih theih nadingin Topa eiteʼ Pasianʼ kiangah amah paisak un. Bang hang hiam cih leh a mawhna maisiangsak ding hi.

Isaiah 17:14

En un, nitakin hong lausak a, zingsang ma-in amaute bei ta! Hih bang thute pen eite hong susia-in eite a hong luh gawpte in a thuak ding uh ahi hi.

Jeremiah 50:27

A galkap hangte khempeuh uh thahsak un. Amaute in gimna thuak ding uh a, a thuak ni ding uh hong tung zo ta!”

Isaiah 21:11

Edom gam tawh kisai thu hih bangin gen hi: Seir mual tung panin khat in kei hong sam a, “Galvil pa aw, tu zan bangci hiam? Galvil pa aw, tu zan bangci hiam?” hong ci hi.

Isaiah 21:13

Arabia gam tawh kisai thu hih bangin gen hi: Dedan mi khualzin honte aw, Arabia gamlak ah na giak ding uh hi.

Obadiah 1:1

Obadiahʼ gen kholhna: Edom gam tawh kisai-in Topa Pasian in hih bangin gen hi: Minamte lakah kamtai khat kisawl zo a, “Kithawi un! Edom mite a sim gawp dingin kuan khia ni,” a cihna thu ka za zo hi.

Ezekiel 33:11

Amaute kiangah hih bangin gen in: Kei pen a nungta Topa Pasian ka hih mah bangin mawhnei mi khat a si ka muh ciangin nuam ka sa het kei hi. A mawh gamtatna khawlin a nuntak ding ka deih hizaw hi. Israel mite aw, na mawh gamtatnate uh khawl un. Bang hangin si nuam se na hi uh hiam?