Isaiah 20:3 - Tedim Bible Revision 2017

³ Ashdod khua a kilak khit ciangin Topa in, “Egypt le Ethiopia lang khat ah lim le siahil dingin ka nasem pa Isaiah tangguak le kheguak tawh kum thum sung lam a pai mah bangin,

Tedim Bible

³ Ashdod khua a kilak khit ciangin Topa in, “Izipt leh Ethiopia’ lang khatah lim leh siahil dingin ka nasempa Isaiah tangguak leh kheguak tawh kum thum sung lam a pai mah bangin,

Isaiah 20:3 Referans Kwoze

Isaiah 8:18

En un, Topa in kei hong piak ka tate le keima pumpi pen Zion Mual tungah a teeng Vanglian Topa’ tung panin Israel miteʼ sungah lim le kihilna ka hi uh hi.

Isaiah 43:3

Bang hang hiam cih leh kei pen Topa na Pasian, Israel-teʼ Siangtho Pa, nangmah hong honpa ka hi hi. Nangmah tat nadingin Egypt ka pia a, nangmah khek nadingin Ethiopia le Seba ka pia hi.

Isaiah 37:9

Tu-in, Ethiopia kumpi Tirhakah in Assiria gam a sim dingin Egypt galkap honpi tawh a hong kuanna thu Assiria mite in a za uh hi. Hih thu a zak ciangin Assiria kumpipa in Hezekiah kiangah kamtaite sawl a,

Gamlak-vakna 14:34

Na gam vaan sung uh ni phazah tawh kizui-in, ni sawm li, ni khat ciangin kum khat, note in na mawhna uh kum sawm li sung na thuak ding uh a, keima lungkim lohna na thei ding uh hi,’ ci hi.

Ezekiel 4:3

Tua ciangin sik peek khat la inla, nang le khuapi kikalah kulh lim dingin koih in. Tua ciangin khuapi lam en in. Tua khuapi a ki-umcih hi-in, nang pen a umcihteʼ lim ding na hi hi. Hih pen Israel mite adingin lim hi ding hi.

Ezekiel 12:6

Amauteʼ muhin na van na liangko ah kisuan to inla, na pai nading mun na muh theih loh nadingin na mit tun sa-in khuamial lakah paikhia in. Hih bangin na gamtatna pen Israel mite adingin hilhkholhna khat hi ding hi,” a hong ci hi.

Ezekiel 30:6

“Leilu lam a om Migdol khuapi panin leitaw lam Siene khuapi dong, Egypt gam a hute khempeuh gal sungah si mang ding uh a, Egyptʼ kiphatsakpih a galkap teng si mang ding hi, ci-in Topa Pasian in ka gen khin hi.

Zekhariah 3:8

Tua ahih ciangin siampi lianpen pa Joshua aw ngai in: Ama siampi pih ahi no a dangte in zong ngai un. Note pen mailam thuhoihna ding lim na hi uh hi. Sing bangin A Sel a kici min nei khat kong paisak ding hi.

Isaiah 19:4

A thuak hak topaʼ khut sungah Egypt mite ka pia dinga, a kihtakhuai mahmah a gilo kumpipa in amaute uk ding hi, Topa, Vanglian Topa in ci hi.

Jeremiah 13:1

Topa in kei tungah, “Pai inla patpuan dialkaih khat na lei khit ciangin kawtsak loin teeng in,” hong ci hi.

Ezekiel 4:1

Tua khit ciangin, “Mihing ahi Ezekiel aw, leiseek khat la-in na mai ah koih inla, Jerusalem khuapi lahna-in tua leiseek tung git in.

Ezekiel 30:4

Egypt gamah galpi tung dinga, Ethiopia gamah lungkhamna lianpi om ding hi. Egypt gamah mi tampi kithat dinga, a neihsa khempeuh uh kipua khia-in, gam hawmguakin kinusia ding hi.

Zefaniah 2:12

No Ethiopia mite zong, Topa in hong that ding hi.