Isaiah 20:2 - Tedim Bible Revision 2017

² Tua hun ma kum thum laitakin Topa in Amozʼ tapa Isaiah tungtawnin thu genin, “Na puanhampi suah inla, na khe panin na khedapte suah in,” a ci hi. Amah zong tua mah bangin gamta-in, tangguak le kheguak tawh lam a pai hi.

Tedim Bible

² Tua hun ma kum thum lai takin Topa in Amoz’ tapa Isaiah tung tawnin thu genin, “Na puanhampi suah in la, na khe panin na khedapte suah in,” a ci hi. Amah zong tua mah bangin gamta-in, tangguak leh kheguak tawh lam pai hi.

Isaiah 20:2 Referans Kwoze

Mattiu 3:4

Johan in kalaoh mul kigan puan silhin, savun kawnggak tawh a kawng gak a, kauphe le gamlak khuaizu tawh a kivak hi.

Micah 1:8

Tua ahih manin kei kapin ka thum dinga, ka dahna thu ka lah nadingin khe guak le guaktangin ka vak ding hi. Gam-ui bangin ka ham dinga, vasa-kalaoh bangin ka tau ding hi.

1 SAMUEL MASA 19:24

Amah in zong a puante suah khia-in Samuelʼ mai ah laamin awng a, tua sun tawntung le tua zan tawntung a guaktangin a om hi. Tua hun a kipanin, “Saul zong kamsang suak khin ahi hiam?” kici hi.

Zekhariah 13:4

Tua ni hong tun ciangin kamsangte in a maangmuh theihna uh kisialh pih ngam nawn loin, kamsangte bangin zong puan silh ngam nawn loin, kamsang zong kineih ngam nawn lo ding uh hi.

Ezekiel 24:23

Lukhu khu-in khedap na bulh ding uh a, thum lo, tau loin na om ding uh hi. Noteʼ gitlohna hangin note maimangin, a tau khawm litlit ding na hi uh hi.

Ezekiel 24:17

Miteʼ zakin zong na kidik kei dinga, dahna limin lukhu khu lo, khedap bulh lo, cih bangin zong na om kei ding hi. Na mai zong na khuh kei dinga, a dahteʼ annekte pawl zong na ne kei ding hi,” a hong ci hi.

Micah 1:11

Shafir khua ah a teeng mite aw, guaktangin maizumna tawh salin pai un. Zanaan khua-a teeng mite, a hingin paikhia ngei lo ding hi. Bethezel khua miteʼ kahna le thumna na zak uh ciangin, tua khua sungah belh ding mun muanhuai a om lohna na thei ding uh hi.

Isaiah 13:1

Amozʼ tapa Isaiah in Babylon siat nading tawh kisai a thumuhnate:

Mangmuhna 11:3

Ka teci nihte puanhampi silhin ka paisak dinga, amaute in ni tul khat za nih sawm guk sung Pasianʼ thu a gen ding uh hi,” hong ci hi.

Sawltak 19:16

dawi lutna mipa in amaute buan gawpin zo gawp ahih manin, a liam a bai, puan kek sa-in tua mipaʼ inn panin a tai khia uh hi.

Johan 21:7

Tua ciangin Jesu in a it nungzui pa in Peter kiangah, “Topa hi!” a ci hi. Simon Peter in Topa ahihna thu a zak ciangin (a nga betna uh ah a puante uh suah khia uh ahih manin) a puan silh buatbuatin tui sungah a leeng khia hi.

Mattiu 16:24

Tua ciangin Jesu in a nungzuite kiangah, “Mi khatpeuh ka nungzui a suahnop leh, ama deihna bangin gamta nawn loin, a singlamteh kisuanin hong zui ding hi.

Ezekiel 4:5

ni za thum le ni sawm kua sung na thuak ding hi. Bang hang hiam cih leh amauʼ gimthuak ding kum khat sung dingin ni khat, amauʼ thuak ding kum zah nangmah in a ni-in na thuak ding hi.

2 KUMPI NIHNATE 1:8

Amaute in amah dawngin, “Amah in samul puan khat silh a, a kawng ah savun kawnggak gak hi,” a ci uh hi. Tua ciangin amah in, “Amah pen Tishbe mi Elijah ahi hi,” a ci hi.

2 SAMUEL NIHNA 6:20

Tua ciangin a innkuante thupha a pia dingin David a ciah hi. Ahih hangin David a dawn dingin Saulʼ tanu Mikhal hong paikhia a, “Tu ni-in Israel kumpipa, mi mawkmawkte khat maizum loin a guak om bangin, a nasemteʼ numeiteʼ muhna ah tu ni-in a tangguakin omin, a mahmah bangci kipahtawi ahi hiam?” a ci hi.

Joshua 5:15

Tua ciangin Topaʼ galkapte a ukpa in Joshua kiangah, “Na khe panin na khedapte suah in. Bang hang hiam cih leh na dinna mun a siangtho leitang ahi hi,” a ci hi. Tua bangmahin Joshua a gamta hi.

Paikhiatna 3:5

Tua ciangin amah in, “A nai ah hong pai kei in. Na khe panin na khedapte suah khia in. Bang hang hiam cih leh nangma dinna mun, leitang siangtho ahi hi,” a ci hi.

Sawltak 21:11

Koteʼ kiangah amah hong pai-in Paulʼ kawnggak hong laksak a, tua kawnggak tawh ama khut le a khete a gakcip khit ciangin, “Kha Siangtho in, ‘Jerusalem khua sungah hih bangin Jew mite in hih kawnggak nei pa hencip dinga, Gentail miteʼ khut sungah pia ding hi,’ ci hi,” a hong ci hi.

2 SAMUEL NIHNA 15:30

Ahih hangin Oliv Mual tung kah tohna ah David pai to a, khe guak le lu tuam sa-in a pai kawmin kap hi. Amah tawh a om mi khempeuh zong lu khuh sa-in a pai toh kawmun a kap uh hi.

Late 30:11

Topa ka Pasian aw, nangma tungah lungdamna ka hong koh tawntung theih nading, ka lungsim in nang hong phat theih nading, a dai om mawk loh nadingin ka thumna le ka taunate lamna tawh nong heisak a, dahna lim ahi ka puanhampi hong suah khiatsakin nuamna na hong guan hi.

Isaiah 1:1

Judah gam kumpi ahi Uzziah, Jotham, Ahaz le Hezekiah-teʼ hun lai-in Amozʼ tapa Isaiah in Judah gam le Jerusalem khua tawh kisai a maangmuhnate:

Isaiah 37:2

Tua ciangin amah in inn sung saipa Eliakim, lai-at pa Shebna le siampi khangham teng dahna limin puanhampi silh kawmin Amozʼ tapa kamsang pa Isaiah kiangah a sawl hi.

Jeremiah 48:37

“Mi khempeuh in a lu uh mettol uh a, a khamul uh kiat siang uh hi. A khutte uh kuikek uh a, a kawng uh ah puanhampi a teeng uh hi.

Ezekiel 4:1

Tua khit ciangin, “Mihing ahi Ezekiel aw, leiseek khat la-in na mai ah koih inla, Jerusalem khuapi lahna-in tua leiseek tung git in.