Isaiah 2:8 - Tedim Bible Revision 2017

⁸ Amauʼ gam sung milimte tawh kidim a, amauʼ khut tawh a bawl sate uh amaute in a bia uh hi.

Tedim Bible

⁸ Amau gam in milimte tawh kidim hi; amau’ khut tawh a bawlsate, a khutmete tawh a bawlsate amaute in bia uh hi.

Isaiah 2:8 Referans Kwoze

Mangmuhna 9:20

Hih gimna tawh a si lo midangte pen amauʼ gamtatna sa panin kikhelkik nuam lo uh hi. Dawi a biaknate uh, khua a mu thei lo, khua a za thei lo, lam a pai thei lo ngun, kham, sumngo, suang le sing a kibawl milim a biakte uh khawl tuan lo uh hi.

Jeremiah 2:28

“Note-aʼ dinga na bawl uh na pasian-te uh koi ah om ahi hiam? Haksatna na tuah uh ciangin a hong hon thei ahihleh kihonsak ta un; bang hang hiam cih leh Judah gam aw, na khuapi zahzah uh pasian na nei tazen uh hi.

Isaiah 37:19

amauteʼ pasian-te pen meikhuk sungah paihsak khin hi. Bang hang hiam cih leh tuate pen pasian hi loin miteʼ khut tawh a kibawl sing le suangte ahi uh hi. Tua ahih ciangin tuate kisusia hi.

Sawltak 17:16

Paul in Athen khua ah Silas le Timoti ngakin a om laitakin tua khua sungah milim a dimin a om lamtak mu ahih manin a lungsim om mawk thei lo hi.

Hosea 14:3

Assiria mite in hong hon khia zo ngei lo dinga, sakol galkapte in zong hong hu zo ngei lo ding uh hi. Koteʼ bawl sa milimte pen Pasian hi, ka ci nawn kei ding uh hi. A cimawh mite in nangma tung panin hehpihna a ngah lamtak uh ka thei uh hi,” ci-in thu ngen un.

Hosea 13:2

Tua hi napi-in amaute khial thuah semsem uh a, a biak ding uh milim a bawl uh hi. Amauʼ ngunte milimin bawl uh a, a hoihtakin khutsiamte a bawlsak uh hi. Tua ciangin, “Hihte tungah biakna pia un,” a ci uh hi. Mihing in milim bia-in nam tazen uh hi.

Hosea 12:11

Gilead gamah milim biakna om a, tuate a kimanna om lo hi. Gilgal gamah bawngtal tawh bia uh a, lokhote in a suang deih loh teng uh a phualphualin a cian kawikawi tawh kibangin, a biakna taute uh bangmahin kimang lo ding hi.

Jeremiah 11:13

Bang hang hiam cih leh, Judah aw, na khua om zahzah uh pasian na nei uh a, Jerusalem khua kongzing om zahzah mah, meihal biakna tawh Baal biakna ding a zumhuai biakna taute na bawl tazen uh hi.

Isaiah 17:8

Amaute in amau khut tawh a bawl sa uh biakna taute don lo ding uh a, amauʼ bawl sa Asherah milimte hitaleh paknamtui halna biakna taute hitaleh muanin nei nawn lo ding uh hi.

2 KHANG TANGTHU NIHNATE 27:2

A pa Uzziah hih sa khempeuh bangin Topaʼ mitah a man gamta hi. Ahih hangin a pa bangin Topaʼ biakinn sungah amah va mawk lut lo hi. Ahih hangin mite in a sia gamtatnate zui lai uh hi.

Thu-hilhkikna 4:28

Note in tua lai munah miteʼ khut in a bawl, khua mu thei lo, khua za thei lo, a ne thei lo, a nam thei lo sing le suang pasian-teʼ na na sem ding uh hi.

Hosea 8:6

Israel sunga om mi khat in tua milim bawl a, tua milim pen Pasian hi lo hi. Samaria mite in a biak milim kisuzan ding hi.

1 KUMPI MASATE 16:7

Tua tham loin Jeroboam innkuan bangin ama nasepna tawh hehsakin Topaʼ muhna ah a sia a gamtatna khempeuh hang le amah in Jeroboam le a innkuan a suksiatna hangin Hananiʼ tapa kamsang Jehuʼ tungtawnin Baasha le a innkuan langpangin Topaʼ thu hong tung hi.

Isaiah 26:13

Topa, koteʼ Pasian aw, nang ahi lo to dangte in ko tungah hong uk hangin, nangmah bek mah koteʼ Topa na hi hi.

Isaiah 40:19

Milim tawh tehtheih ding hi lo hi. Milim a bawlpa in sungin, kham seek pa khat in tua milim kham tawh zut a, tua milim adingin ngun khainiangte a sunsak hi.

Isaiah 41:29

Amaute khempeuh zuaupi vive hi a, amauʼ nasepnate a mawkna ahi hi. A kisung amauʼ milimte pen huih hawmpi bang ahi uh hi.

Jeremiah 1:16

Ka mite in kei hong taisan uh ahih manin a mawhna uh hangin amauʼ tungah thu ka khen ding hi; pasian dangte tungah meihal biakna pia uh a, a khut uh tawh a bawl sa uh milimte a bia uh hi.

2 KUMPI NIHNATE 17:10

Amaute in amau adingin mual sang tung khempeuh le singniim nuai khempeuh ah biakna songte le Asherah milimte a phut uh hi.

2 KUMPI NIHNATE 17:16

Amaute in Topa a Pasian uh thupiakte khempeuh nusia-in amau adingin a kisung bawng no lim nih bawl uh hi. Amaute in Asherah milim khat bawl uh a, vantung a om nate khempeuh bia-in Baal milim na sem uh hi.

Micah 5:12

Na mitphial siamte uh susia gawpin, ai a san thei mi kong omsak nawn kei ding hi.