Isaiah 2:2 - Tedim Bible Revision 2017

² Nidang ciangin Topa’ inn a omna mual pen mual liante lakah a sang penin kikipsak dinga, mual neute tungah kisangsak ding hi. Tua lai ah minam khempeuh pai muamua ding uh a,

Tedim Bible

² Nidang ciangin Topa’ inn omna mual pen, mual liante lakah a sang penin kikipsak ding a, mual neute tungah kisangsak ding hi; tua-ah minamte khempeuh pai muamua ding uh a,

Isaiah 2:2 Referans Kwoze

Isaiah 56:7

ka mual siangtho ah paipihin keima thungetna inn sungah ka lungdamsak dinga, amauteʼ meihal biakna le a biakpiaknate uh ka biakna tau tungah kisang ding hi. Bang hang hiam cih leh ka inn pen mi khempeuh adingin thungetna inn kici ding hi.

Isaiah 27:13

Tua ni ciangin peengkul lianpi khat kitum dinga, Assiria gam sunga a mangthang mite le Egypt gam sunga a kihawl khia mite hong pai-in Jerusalem mual siangtho tungah Topa hong bia ding uh hi.

Zekhariah 8:3

Ka khuapi siangtho Jerusalem ah ciahkikin ka teeng ding hi. A citak khuapi, ci-in minthang dinga, Vanglian Topaʼ mual pen mual siangtho kici ding hi.

Mangmuhna 11:15

Tua ciangin a sagihna vantungmi in a peengkul hong tum a, vantungah nakpi takin aw hong ging a, “Leitung uk nading aana neihna pen i Topa Khris aʼ hong suak khin a, amah in a tawntungin uk paisuak ding hi,” hong ci hi.

2 PETER NIHNA 3:3

A masa penin na theih ding uh panin: Hun nunung lam ciangin amau pumpi deihna zui-in a gamta mi pawl khat hong om dinga, amaute in note hong zahpih bawlin,

2 TIMOTI NIHNA 3:1

Nitawp ni hun pen a lauhuai hun ahih ding lamtak phawk in.

Daniel 2:45

Kuama lawn lohpi-in mual tung pan hong tuk suk suangtum in sik, sumngo, tungman, ngun le kham tawh kibawl milim a den paih na mu hi. A lian Pasian in mai lamah bang hong piang ding cih Kumpipa tungah a hong hilh ahi hi. Na mangmat pen ahi bang teekteekin kong gen a, a khiatna zong a man bangin kong gen zo hi,” a ci hi.

Daniel 2:35

Thakhatin sik, tungman, sumngo, ngun le khamte kitam nen gawp a, khuakhal lai-a ansi zap bangin a leeng mang hi. Huih in leen mang khin ahih manin themkha beek a kimu nawn kei hi. Ahih hangin tua suangtum hong khangkhang a, mual cia hong pha-in leitung khempeuh a dim hi.

Isaiah 66:20

Israel mite in beel siangtho sungah an tawh amau biakpiakna tawi-in Topa’ biakinn ah hong paipih uh mah bangin amaute in minam khempeuh lak panin Topa’ tungah piak dingin na sanggamte khempeuh uh, sakolte, leengte, taalte le late, kalaoh hatte tungah hong pua-in ka mual siangtho Jerusalem ah hong paipih ding uh hi, Topa in ci hi.

Isaiah 11:10

Tua ni ciangin Jessiʼ zung pen mihingteʼ tungah lim khat hi ding hi. Minamte in amah zong ding uh a, ama omna mun minthang mahmah ding hi.

Late 86:9

Topa aw, na bawl sa minam khempeuh hong pai-in na mai ah hong kun ding uh a, nangma min hong phat ding uh hi.

Mangmuhna 20:4

Tua ciangin tokhom tungah a tu mi pawl khat ka mu a, tua mite tungah thukhen nading aana a kipia ahi hi. Jesu thu a genna le Pasian thu hangin a kithat miteʼ kha zong ka mu hi. Tua mite in ganhing ahi a, a lim ahi zongin bia lo uh hi; a taltang uh ah ahi a, a khut tung uh ah ahi zongin ganhing ciaptehna nei lo uh hi. Amaute hong hingkik uh a, Khris tawh kum tul khat sung ukna aana a neikhawm uh hi.

Hebru 1:2

Ahi zongin tu hun nunung ciangin leitung vantung na khempeuh a bawlin a zat, a tawpna ah na khempeuh a luah dingin a seh a Tapa zangin eite tungah thu hong gen hi.

Sawltak 2:17

‘Pasian in hih bangin gen hi: Nitawp ni ciangin, mi khempeuh tungah ka Kha ka sung dinga, na tanute uh le na tapate un keima thu taangko ding uh hi; na tangvalte un maang mu ding uh a, na puteekte un mang man ding uh hi.

Malakhi 3:12

Tua ciangin na gam uh, ten nadingin a hoih mahmah leitang hong suak ding ahih manin, minam dang khempeuh in note pen a nuamsa minam hong ci ding uh hi,” a ci hi.

Daniel 10:14

Mailam hunah na mipihteʼ tunga hong tung ding thu a hilh khol dingin a hong pai ka hi hi. Hih pen mailam a hong piang lai ding maangmuhna ahi hi,” a hong ci hi.

Daniel 2:28

Ahih hangin thusim a lak thei vantungah Pasian khat a om hi. Amah in mai lamah bang thu hong piang ding cih nangmah Nebukhadnezzar kumpipa tungah a hong hilh zo hi.

Jeremiah 3:17

Tua hun ciangin Jerusalem khua pen Topaʼ kumpi tokhom kici dinga, Jerusalem khua Topaʼ omna ah gam khempeuh hong kikhawmin, amaute in amauʼ mawhnopna lungsim uh a zui tentan nawn kei ding uh hi.

Isaiah 30:29

Ahi zongin no Pasianʼ mite in ahihleh biakna pawi a kikham ni zan a bangin la na sa ding uh hi. Israel-te a hu Topa’ biakinn ah a pai dingin tamngai aw ginna zui-in a kuan khiate bangin na lungdam ding uh hi.

Late 2:8

Keima tungah hong ngen in; nangma luah dingin minamte ka bawl dinga, leimong dongin na neihsa ka hisak ding hi.

Gamlak-vakna 24:14

“Tu-in en in, ka mipihte kiangah ka pai ding hi. Hong pai in; nidang ciangin hih mite in na miteʼ tungah a bawl dingte kong theisak ding hi,” a ci hi.

Ezekiel 38:16

khuapi huih in gam sung a nawk gawp bangin keima mi Israel-te na sim ding hi. A hun a tun ciangin, nangmah zangin na ka sepna tawh minamte lakah ka sianthona ka lah theih nadingin keima gam a sim dingin kong sawl ding hi.

Jeremiah 49:39

“Ahih hangin nidang ciangin Elam gam nidang a a ngei bangin omsakin ka hausakkik ding hi, Topa in ka ci hi,” a hong ci hi.

Jeremiah 48:47

“Ahih hangin Topa in kong cih in ah, nidang ciangin Moab gam a ngei bangsakin ka hausakkik ding hi,” a ci hi. Moab tungah thukhenna tu-a zah ahi hi.

Jeremiah 30:24

A lungsim sunga a tupna teng a tangtunsak matengin, Topaʼ hehna a lauhuaipi kilehkik lo ding hi. Hong pai ding hunte ah note in na tel zaw semsem ding uh hi.

Jeremiah 23:20

A lungsim sunga a tupna teng a tangtunsak matengin Topaʼ hehna damkik lo ding hi. Hong pai lai ding hunte ah note in siangtakin na tel zaw semsem ding uh hi.

Isaiah 49:6

Amah in, “Jakob minamte a laam to ding le a suakta lai Israel mite a ngei uh a bangsakkik dingin keima nasem na hihna pen a baih lua mahmah nasep ahi hi. Keima hotkhiatna in leimong dong a phak theih nadingin minam dangte tungah khuavak ahi dingin nang kong pia ding hi,” hong ci hi.

Late 72:8

Ama ukna, tuipi khat pan tuipi khat, Gunpi panin leimong dongin om tawntung tahen.

Late 22:27

Leitung mi khempeuh in phawkin Topaʼ lamah kihei ding uh a, minam khempeuh in ama mai ah bia ding uh hi.

JOB (Job) 19:25

“Ahi zongin a tawpna ah kei hong panpih ding a nungta tawntung khat vantungah a omna thu ka thei hi.

Piancilna 49:1

Tua ciangin Jakob in a tapate sam a, “A hong tung ding hunte ah noteʼ tunga hong tung ding thu kong gen theih nadingin note hong kikhawm un.

Isaiah 25:6

Vanglian Topa in hih mual tungah mi khempeuh adingin an lim nekna pawi, a ciil mahmah leenggahzu nekna pawi, guhngek tawh a kidim annekna, a siangtho leenggahzu ciil nekna pawi bawl ding hi.

Isaiah 56:5

ka inn sung le ka huang sungah tanu le tapate sangin a hoih zaw phawkna le min ka pia dinga, a mang ngei nawn lo ding a kip tawntung min amaute tungah ka pia ding hi.

Isaiah 65:11

“Ahih hangin kei a hong nusia, ka mual siangtho a mangngilh, Gad pasian adingin sabuai phahin, Meni pasian adingin zu hel sa hai sungah a dim note pen,

Jeremiah 16:19

Aw Topa, ka hatna le ka kulhpi, lungkham hun ciangin ka bukna pa aw, leimong panin gamdang mite nangma kiangah hong pai ding uh a, “Ka pu ka pate un zuau thu le bangmahin a kimang lo milimte longal bangmah dang a luah kei ding uh hi.

Jeremiah 26:18

“Judah kumpipa Hezekiah in a uk laitakin Moresheth khuami Mikah in Judah mi khempeuhteʼ kiangah, ‘Lo dingin Zion mual a kikho ding hi. Jerusalem khua kisia zan dinga, biakinn mual, gamlak a suak ding hi, ci-in Vanglian Topa in gen hi,’ ci hi.

Jeremiah 31:12

Amaute hong pai-in Zion mual tungah ngaih takin la sa ding uh a, Topaʼ hehpihna ahi, buh, leenggahzu, sathau le tuuno, bawngnoteʼ hangin amaute a lungdam mahmah ding uh hi. A nuntakna uh, tui a kibuak huan bang dinga, lungkham nawn lo ding uh hi.

Jeremiah 51:44

Babylon khuateʼ pasian Bel zong gim ka pia dinga, a na guk sa teng ka lak khiatsakkik ding hi. Gamdangte in amah bia nuam nawn lo ding uh hi. Babylon khua kulhpi kicim khinta hi.

Ezekiel 40:2

Ka maang sungah, Pasian in Israel gamah hong paipih a, mual sang khat tungah hong koih hi. Khuapi tawh a kibang inn honpi bang khat ka mai ah ka mu hi.

Hosea 3:5

Tua khit ciangin Israel mite in Topa amauʼ Pasian le a kumpipa uh David lamah hong kiheikik ding uh hi. Tua hun ciangin amaute in Topa zahtakin, ama letsongte a ngah ding uh hi.

Zekhariah 8:22

A vanglian a thahat minamte zong Vanglian Topa a bia ding le ama tung panin thupha a ngen dingin Jerusalem ah hong pai ding uh hi.

Zekhariah 14:9

Tua ciangin Topa pen leitung khempeuhʼ kumpi suak dinga, mi khempeuh in amah bek thei-in bia ding uh hi.

Zekhariah 14:10

Leilu lam Geba khua panin leitaw lam Rimmon khua dong, leitung khempeuh, zanglei suak ding hi. Ahi zongin Jerusalem khuapi pen bangmah ci loin a sangpi-in om dinga, Benjamin Kongpi pan a kipan nidang a kongpi a omnasa Kiu Kongpi dong le Hananel Tausang panin kumpipaʼ leenggah cilna phual ciang dong a ban ding hi.

Late 22:28

Bang hang hiam cih leh ukna pen Topa aʼ hi a, minamte tungah amah in a uk hi.

Late 48:2

Kumpi lianpaʼ khuapi, leilu lam a a om ama mual siangtho hoihin a sang mahmah Zion mual pen leitung khempeuhʼ lungdamna ahi hi.

Late 68:17

Leeng muanhuai tul sawm nih, vantungmi a tultul tawh, Sinai mual pan siangtho munah Topa hong pai hi.

Late 87:1

Mual Siangtho tungah ama phuh sa khuapi om hi.

Late 87:2

Topa in Israel gam mun dang khempeuhte sangin Zion kulh kongpi it zaw hi.

Late 102:23

Amah in kei a khangtung kimlai ka thahatna hong suk tat sakin, ka hunte hong khiapsak hi.

Isaiah 60:3

Nangma khuavak sungah minam dangte hong pai ding uh a, nangma taan khiatna sungah kumpite hong pai ding uh hi.

Isaiah 66:23

Khadet khat pan Khadet khat, keimah bia dingin Jerusalem ah mi khempeuh hong pai ding uh hi, Topa in ci hi.