Isaiah 2:11 - Tedim Bible Revision 2017

¹¹ Miteʼ kiliatsakna pen kiniamkoih dinga, mihingteʼ kiphatsakna pen kiniamkhiat ding hi. Tua ni ciangin Topa bek a lianin kikoih ding hi.

Tedim Bible

¹¹ Mite’ kiliatsakna pen kiniam koih ding a, mihingte’ kiphatsakna pen kiniam khiat ding hi; tua ni ciangin Topa bek a lianin kikoih ding hi.

Isaiah 2:11 Referans Kwoze

Late 18:27

Bang hang hiam cih leh miniamte na hon khia a, ahih hangin mi kiphasakte na niamsak hi.

Isaiah 2:17

Miteʼ kiliatsakna kiniamkhiat dinga, miteʼ kiphatsakna a niamin kikoih suk ding hi. Tua ni ciangin Topa bek a lianin kikoih ding hi.

Malakhi 4:1

Vanglian Topa in hih bangin ci hi: “En un, mi kiphasak khempeuh le migilo khempeuh, a zung a hiang cih om loin buhtu bangin a kattum ding hun hong tung ding hi. Tua ni ciangin khat zong suakta loin a vekpi-in kaang tum khin ding uh hi.

Isaiah 24:21

Tua ni ciangin Topa in vantung a om mihonpite le leitung kumpite gim pia ding hi.

Isaiah 13:11

Leitung mite a tatsiatna hangun gim ka pia dinga, migilote a mawhna hangun gim ka thuaksak ding hi. Mi kihisakteʼ kiphatsakna beisiang sakin, a kisatheiteʼ kiliatsakna ka niamkhiat ding hi.

Isaiah 12:4

Ni khat ni ciangin mite in, “Topa’ tungah lungdam ko unla, ama hong huh ding ngen un. Minam khempeuh lakah ama septe kitheisak unla, ama min kiliansak hi, ci-in gen un.

Micah 4:6

Topa in hih bangin ci hi: Keimah in gim ka piak ahi, sal a om gimna a thuak mite, ka kaihkhopkik hun hong tung ding hi.

Hosea 2:18

Tua ciangin, ka mite a suksiat loh nadingun gamlak a om gamsate, huihlak a leeng vasate le leitungah a bokvak ganhingte tawh thuciamna ka bawl dinga, thalte, namsaute, galhiam khempeuh, leitung panin ka phiat khia ding hi. A lungmuang hithiatin ka mite ka omsak ding hi.

Ezekiel 39:22

Tua khit a kipanin amauteʼ Topa Pasian ka hihna thu, Israel mite in hong thei ding uh hi.

1 PETER MASA 5:5

Tua mah bangin no khangno zaw deuhte in zong a khanghamteʼ thu na mang un. Lai Siangtho in, “Pasian in a kiphasak mite nial a, a kiniamkhiat mite a hehpih hi,” a cih mah bangin na vekpi-un kiniamkhiatna puan bangin silhin, khatlekhat na na kisepsak un.

2 KORIN NIHNA 10:17

Lai Siangtho in, “Mi khat peuhpeuh a kisialh nop leh Topaʼ nasepnate bek kisialh pih hen,” na ci hi.

2 KORIN NIHNA 10:5

Miteʼ ngaihsutna a man lote ka thal nial gawp zo uh a, Pasianʼ thu theih nading a khaktan thei nate ka susia gawp uh a, mi khempeuhʼ ngaihsutna zo gawpin Khrisʼ thu a mang dingin ka bawl uh hi.

Luka 18:14

Keʼn kong cih in ah, hih mipa pen Pasian tawh a kilem sa-in a inn ah ciah a, a khat pa pen tua bangin ciah lo hi. Bang hang hiam cih leh a kiliansakte pen kiniamkhiat suk dinga, a kiniamkhiatte pen a lianin kibawl ding hi,” a ci hi.

Zekhariah 9:16

Tuucingpa in a tuuhonte lauhuaina panin a hotkhiat bangin, tua ni ciangin Topa, amauʼ Pasian in a mite a hon khia ding hi. Kumpi lukhu tungah a om suang manphate bangin ama gam sungah a mite taang ding uh hi.

Zefaniah 3:16

Tua ni ciangin Jerusalem khuapi kiangah, “Zion khuapi aw, lau kei in. Na khut tha zawsak kei in,” kici ding hi.

Zefaniah 3:11

Tua hun ciangin ka mite in kei nong lehdona hangun maizum nading bangmah om nawn lo ding hi. Note lak panin a kiphasak, a kihisak mite ka hawl khia dinga, Jerusalem khua-a ka mual siangtho tungah kei nong lehdo nawn kei ding uh hi.

Micah 5:10

Topa in hih bangin ci hi: Tua hun ciangin na sakolte uh hong paih khiatsakin, na leengte uh ka susia ding hi.

Obadiah 1:8

Topa in: “Tua ni ciangin Edom sung pan a mipilte ka susia dinga, Esauʼ gamah pilna ka beisak ding hi,” a ci hi.

Amos 9:11

Tua ciangin inn tawh kibangin a sia sa David ukna gam keimah in ka puahkik dinga, a vang teng hu-in, a sia teng ka puahkik dinga, a nidang a a ngeina lui mah uh ka bangsakkik ding hi.

Joel 3:18

Tua hun ciangin mual tung khempeuh leenggui lo hi dinga, mual neute khempeuh tungah bawng hon dim dinga, Judah gam sung khempeuh ah tui tampi om ding hi. Topaʼ biakinn panin luitui khat hong luang khia dinga, Shitthim kuam sung khempeuh a kawtsak ding hi.

Hosea 2:21

Tua ni ciangin keima mi Jezreel-teʼ thungetna ka pia dinga, leitungah guah ka zusak ding hi.

Hosea 2:16

Tua ciangin kei pen, ka pasal, hong cikik dinga, kei pen, ka Baal pasian, hong ci nawn lo ding hi.

Ezekiel 39:11

Topa in, “Hih thu hong pian ni ciangin Israel gam sung Si Tuipi nisuahna lamah a om Khualzin Miteʼ Kuam a cihna sungteng, a kivui nadingun Gog ka pia ding hi. Gog le a galkap honpite, tua lai munah kivui ding ahih manin khualzin miteʼ lampi khaktan dinga, tua mun pen, ‘Gog Galkapteʼ Kuam,’ kici ding hi.

Ezekiel 38:19

Tua ni ciangin ka hehluatna tawh Israel gamah nakpi takin zin liing hen, ka ci ding hi.

Ezekiel 38:14

Tua ciangin Topa Pasian in kei kiangah, “Mihing ahi Ezekiel aw, hih bangin thu gen in hong ci hi: Keima mi Israel-te lungmuang takin a om hun laitakin nangmah na kihanthawn tawm dinga,

Jeremiah 9:24

A kisatheite in, keimah, leitungah migitna, thuman le thutang a zang ka hihna le tuate sungah nuam a sa pa ka hihna thu hong theihna uh ah kisathei uh hen. Topa in hih thu kong gen khin hi,” a ci hi.

Isaiah 52:6

Tua ahih ciangin ka mite in keima min hong thei ding uh a, thu a gen pa pen keimah ka hihna tua ni ciangin amaute in hong thei ding uh hi. Keimah, hih lai ah ka om hi,” a ci hi.

Isaiah 37:23

Nang in kua zahko-in kua a simmawh na hi hiam? Nang in kuaʼ tungah na aw sangsakin kiphasak na hi hiam? Israel-teʼ Siangtho Pa, keiʼ tungah a hong tua ci na hi hi.

Isaiah 30:23

Khaici na tuh nadingun amah in guah hong zusak dinga, lei panin a piang an hoih tampi tak hong pia ding hi. Tua ni ciangin gankhahna, mun zaina ah na ganhingte un lopa ne ding uh hi.

Isaiah 29:18

Tua ni ciangin bilngongte in laibu sunga thute za dinga, lungzinna le khua mialna sung panin mittawteʼ mit in mu ding uh hi.

Isaiah 28:5

Tua ni ciangin Vanglian Topa pen ama mi a omlaite adingin minthanna kumpi lukhu le hoihna lukhu hi ding hi.

Isaiah 26:1

Tua ni ciangin Judah gam sungah hih la kisa ding hi: Khuapi muanhuai khat i nei a, Topa mahmah in i kulhte le i panmun kipte hong hutsak hi.

Isaiah 25:9

Tua ni ciangin, “En un, amah pen eima Pasian ahi hi. Eite a hong hon dingin amah i ngak hi. Amah pen eima Topa ahi hi. Amah i ngak hi. Amah in eite hong hon khia ahih manin lungdamin kipak ni,” kici ding hi.

Isaiah 12:1

Ni khat ni ciangin mite in, “Topa aw, kei tungah na heh hangin na hehna dam ta a, kei hong hehnem na hih manin nang tungah lungdamna kong ko ding hi.

Isaiah 4:1

Tua ni ciangin nupi sagih in papi khat neikhawm ding uh a, “Kote in komauʼ an ciat ne-in, komauʼ puan ciat mah ka silh ding uh hi. Kote pen, nangma zi cih min bek hong puasak in; ka min siatna teng uh hong hum in,” ci ding uh hi.

2 SAMUEL NIHNA 22:28

Nangmah in miniamte na hon khia a, ahih hangin a kiphasakte na niamkhiat hi.

Late 20:8

Amaute kinawmsawmin puk gawp ding uh a, ahih hangin eite tho-in i ding tang ding hi.

Late 46:10

“Om hithiat unla, Pasian ka hihna thei un. Minamte lakah keimah hong kisangsak a, leitung khempeuh ah ka min hong kithangsak hi,” a ci hi.

Paunak 30:13

Mihoih pha mahmah in a kingaihsun, a kiliansak mahmah mi pawl khat om hi.

Isaiah 23:9

A Vanglian Topa’ vaihawm ahi hi. Mi lianteʼ kiphatsaknate a beisak nading le a kipahtawi uliante a niamkhiat nadingin a bawl ahi hi.

Isaiah 30:18

Tua ahih ciangin note hong hehpih nuamin Topa in hong ngak a, note tungah hehpihna hong lah ding amah kipakta hi. Bang hang hiam cih leh Topa pen a thutang Pasian hi a, amah a muangte khempeuh thupha ngah ahi hi.

Micah 2:3

Tua ahih ciangin Topa in hih bangin ci hi: Noteʼ tungah gimna tunsak ding ka ngaihsun a, tua gimna tawh na kipelh thei kei ding uh hi. Note adingin hunhoih lo hi ding ahih manin kiphatsakna tawh na gamta nawn kei ding uh hi.

Late 18:28

Nangmah in keima mei nong vaksak a, Topa ka Pasian in ka khuamial na vaksak hi.

Late 46:11

Vanglian Topa, eite tawh hong om khawm a, Jakobʼ Pasian, eima belh ahi hi.

Late 94:2

Tho in, leitung thukhen pa aw, a kiphasak mite tungah amauʼ ngah ding a kilawm gimna pia ta in.

Paunak 16:5

Topa in a kihisak mite mudah a, amaute in gimna thuak hamtang uh hi.

Isaiah 10:12

Topa in Zion Mual le Jerusalem khua ah ama nasep ding teng a zawh khit ciangin Assiria kumpipa kiphasakin a kisialhna le a kiphatsakna hangin gim a pia ding hi.

Isaiah 14:15

Ahih hangin nang pen Leinuai thuk penna Leihawm sungah hong kikoih suk ding hi.

Isaiah 40:23

uliante a mawkna suaksakin, leitung ukte pen bangmah lo a suaksak pa amah ahi hi.

Jeremiah 12:9

Ka mite pen, sasial ne vasa gial khat, sasial ne vasa dangte in a kimkot panin a tuk huan nainai uh tawh a kibang uh hi. Gamsate aw, hong kikhawm unla, pawi hong siim un.

Daniel 4:34

Tua ciangin kumpipa in, “A kiseh sa hun a cin ciangin keimah Nebukhadnezzar in vantung lam ka en to a, khua ka phawkkik hi. A nungta tawntung a Lianpen Pasianʼ min phatin, zahtakna le minthanna ka pia hi. “Amah in a tawntungin uk dinga, ama gam kip tawntung ding hi.