Isaiah 19:3 - Tedim Bible Revision 2017

³ Egypt miteʼ lungsim hawmsuak dinga, amauʼ geelnate ka siasak ding hi. Amaute in milimte, vankah theite le aisan theite tungah thu dong ding uh hi.

Tedim Bible

³ Izipt mite’ lungsim hawmsuak ding a, amau’ geelnate ka siasak ding hi; amaute in milimte leh khongkhai theite, vankah theite leh aisan theite thu dong ding uh hi;

Isaiah 19:3 Referans Kwoze

Isaiah 8:19

Amaute in note kiangah, “Phun suausuau-in a pau mualmual vankah theite le aisan theite kiangah thu dong un. Mite in amauʼ pasian-te thu dongin, mihingteʼ thu pen misite dot ding mah hi lo ahi hiam?” hong ci ding uh hi.

Daniel 2:2

Tua ahih ciangin bang mang man cih a hilh dingin mitphial siamte, mibum theite le khongkhai siamte a samsak hi.

1 KHANG TANGTHU MASATE 10:13

Tua ahih ciangin Saul a thuman lohna hangin a si hi. Amah in Topaʼ thupiakna a zuih lohna le vankah khat thu dongin a lamlah ding a zonna,

Daniel 5:7

Amah in mitphial siamte, aisan siamte, aksi et siamte va sam pak un, ci-in a kiko hi. Tua mite a hong tun uh ciangin kumpipa in, “Hih lai kigelh a sim thei, a khiatna a hong gen thei peuhmah kumpi puanpi silhsakin, minphatna khamkhi a ngawng ah ka oksak dinga, kumpi gam sungah a za lian a thumna-in ka koih ding hi,” a ci hi.

Ezekiel 22:14

Tua bangin kong hih ciangin hang nawn dingin ki-um a, na khuttum lik ngam lai dingin ki-um na hi hiam? Topa ahi keimah in thu ka gen khin a, ka gen bangin ka gamta ding hi.

Ezekiel 21:7

Tua bangin na omna thu mite in hong dot ciangin mailam a thupiang ding hangin a tua ci om na hihna thu gen in. Tua hun ciangin a lungsim uh launa tawh kidimin, launa hangin a khut uh liingcipin, a hanna lungsim uh bei-in, lau-in a khuk uh a liin kelkelna ding thu le, tua hun ding pen tu-in a hong tung ta ahihna thu gen in,” Topa Pasian in a hong ci hi.

Jeremiah 46:15

Bang hangin na bawngtal pasian uh Apis guallelin tai mang ahi hiam? Topa in amah a vattuk hang ahi hi.

Isaiah 57:16

Ka mite tungah nuntakna ka pia hi. Amaute ka mawhsak paisuak kei dinga, amaute tungah ka heh tawntung kei ding hi.

Isaiah 47:12

Na neu lai a kipan na sep na mi bumna le na aisannate ah kip takin om in. Phattuamna na ngah kha dinga, mite na lausak zo kha ding hi.

Isaiah 44:25

Zuau thu genteʼ hilhkholhna limte a siasak pa, aisante pen mihai a suaksak pa, mipilte leh heikikin, amauʼ thutheihte haina a suaksak pa;

Isaiah 19:1

Egypt tawh kisai thu hih bangin gen hi: A manlang mahmah meii tungah Topa tuangin Egypt gamah a pai hi. Ama mai ah Egypt gam milimte lau-in liing ding uh a, Egypt miteʼ hanna bei ta ding hi.

Isaiah 15:2

A sangna munte ah a kap dingin Dibon khua mite pai to uh hi. Nebo le Medeba khuateʼ hangin Moab mite nakpi takin kap uh hi. Dahna limin lu khempeuh kimettol a, khamul khempeuh zong kimetmai hi.

Isaiah 14:27

Vanglian Topa in ngim khin ahih manin kua in phiat zo ding ahi hiam? Ama khut kizan khin ahih manin kua in kaitonkik zo ding ahi hiam?

Paunak 21:30

Mihingteʼ pilna, a thutheihna le a thugente khempeuh, Topaʼ deihna tawh a kituah kei leh a kimanna om lo hi.

Late 107:27

Amaute zukham bangin hoi suk hoi to uh a, a cih nading mel uh thei nawn lo uh hi.

2 SAMUEL NIHNA 17:23

Ahithofel in ama thugen a kizuih loh a muh ciangin a la tutphah vawhin ama khuapi a inn ah nuak ciah hi. Tua ciangin amah in a innkuan vai hawmsak a, a man ciangin a mahmah gui-awk hi. Amah si a, a paʼ hanah kivui hi.

2 SAMUEL NIHNA 17:14

Tua ciangin Absalom le Israel mite khempeuh in, “Arkhi mi Hushaiʼ thugen pen Ahithofelʼ thugen sangin hoih zaw hi,” a ci uh hi. Bang hang hiam cih leh Topa in Absalomʼ tungah siatna a tunsak theih nadingin Ahithofelʼ thugen hoih in a lelh ding Topa in a seh sa ahi hi.

2 SAMUEL NIHNA 15:31

Tua laitakin David kiangah, “Ahithofel zong mi sawmsimte lakah Absalom tawh om hi,” ci-in kigen hi. Tua ahih ciangin David in, “Topa aw, kong thum hi; Ahithofelʼ thugente haina-in na heisak in,” a ci hi.

1 SAMUEL MASA 25:37

Zingsang ciang, Nabalʼ zukhamna a ven ciangin a zi in ama kiangah hih thute gen a, thakhatin a lungtang si-in amah suangtum bang hi.

Late 33:10

Topa in minamteʼ thungaihsutna a mawkna suahin, miteʼ geelna a khaktan hi.

Daniel 1:20

Kumpipa in bangbang thuhaksa nono a dot hangin, hih mi lite pen ama gam sung khempeuh a mitphial siamte le aisan theite khempeuh sangin a zah sawmin a siam zawk lam uh a mu hi.

2 KUMPI NIHNATE 1:2

Samaria-a a inn dei tungnung innliim panin Ahaziah kia-in a liam hi. Tua ahih ciangin amah in kamtaite sawlin amaute kiangah, “Pai un, hih natna panin ka damkik zo ding hiam cih thu Ekron pasian, Baal-zebub kiangah va dong un,” a ci hi.