Isaiah 19:21 - Tedim Bible Revision 2017

²¹ Topa in Egypt mite tungah a mahmah kitheisak ding hi. Tua ni ciangin Egypt mite in Topa thei-in biakpiakna le meihal biakna tawh bia ding uh a, amaute in Topa’ tungah thuciamna bawlin, tua thuciamnate sem ding uh hi.

Tedim Bible

²¹ Topa in Izipt mite tungah amahmah kitheisak ding hi; tua ni ciangin Izipt mite in Topa thei-in biak piakna leh meihal tawh bia ding uh a, amaute in Topa’ tungah thuciamna bawl-in, tua thuciamnate sem ding uh hi.

Isaiah 19:21 Referans Kwoze

Malakhi 1:11

Leitung khempeuh ah a om minam khempeuh in kei hong zahtak uh a, kei adingin mun khempeuh ah paknamtui halin, a kisang thei ding biakpiakna hong pia uh hi. Mi khempeuh in kei hong zahtak uh hi.

Isaiah 11:9

Ka mual siangtho buppi tungah amaute khatlekhat kiliamsak lo ding uh a, kisusia lo ding uh hi. Bang hang hiam cih leh tuite in tuipi omna a tuamcip mah bangin leitungah Topa’ thutheihna kidim ding hi.

1 PETER MASA 2:9

Ahi zongin note pen Pasian in a hong teelkhiat minam, Kumpi siampi pawl, a siangtho minam, Pasianʼ mite na hi uh a, khuamial sung panin a lamdang mahmah ama khuavak sungah a hong sam khia paʼ nasepna a lamdangte a gen khia dingin Pasian in a hong teel mite na hi uh hi.

1 PETER MASA 2:5

Note zong nuntakna a pia thei suangpi mah bangin kha thu tawh kisai biakinn lam nadingin na kizang unla, Jesu Khris hangin Pasianʼ san theih biaknate a pia dingin a siangtho siampi na suak un.

Johan 17:3

Nang bek a man Pasian na hihna thu le nangmah in na hong sawl Jesu Khris hong theihna pen amaute adingin nuntak tawntung ngah nading lampi ahi hi.

Zefaniah 3:10

A gamlapi Ethiopia gam pekah a om, a kithehthang ka mite nangawn in biakna hong puak ding uh hi.

Habakkuk 2:14

Tuipi, tui tawh a kidim mah bangin Topa’ minthanna theihna tawh leitung kidim ding hi.

Jonah 1:16

Tua ciangin tua mite in Topa kihta mahmah uh a, Topaʼ tungah biakna pia-in thuciamna a bawl uh hi.

Isaiah 56:7

ka mual siangtho ah paipihin keima thungetna inn sungah ka lungdamsak dinga, amauteʼ meihal biakna le a biakpiaknate uh ka biakna tau tungah kisang ding hi. Bang hang hiam cih leh ka inn pen mi khempeuh adingin thungetna inn kici ding hi.

Isaiah 55:5

Tu-in note in na theih ngei loh uh minam dangte na sam ding uh a, amah in note hong min thangsak zo ahih manin, Topa noteʼ Pasian, Israel-teʼ Siangtho Paʼ hangin note hong thei lo minamte note kiangah hong tai ding uh hi.

Isaiah 44:5

“Khat in, ‘Kei pen Topa ka hi hi,’ ci-in, a dang khat in Jakob min tawh ama min lo dinga, a dang khat leuleu in, ‘Topa-aʼ, ci-in ama khut tungah gelhin, Israel min tawh a mahmah kinophuah ding hi,” ci hi.

Isaiah 37:20

Tua ahih ciangin Topa koteʼ Pasian aw, nang bek Topa na hihna thu leitung kumpi gam khempeuh in a theih nadingin, tu-in ama khut sung panin kote hong hon khia in,” a ci hi.

Thuhilh-sia 5:4

Pasianʼ tungah thu na ciam ciangin manlangin tungsak pah in. Amah in mihaite diksa lo hi. Na thuciamna bangin tungsak in.

Late 67:2

Leitungah nangma deihna, minam khempeuhte lakah na vanglian hotkhiatna kithei tahen.

1 KUMPI MASATE 8:43

na teenna vantung panin za inla, tua gamdang mipa in nang tungah hong ngetna khempeuh tawh kizui-in hih in. Nangma mi Israel-te mah bangin leitung mi khempeuh in na min thei-in nang hong zahtak nading le hih ka lam sa biakinn pen nangma min tawh a kilo ahihna a theih nading uh ahi hi.

1 SAMUEL MASA 17:46

Tu ni-in Topa in ka khut sungah nang hong pia dinga, keimah in nang hong sattukin na lu ka tan khia ding hi. Tua ciangin tu ni-in huihlak vasate le leitung ganhingte tungah Filistia mi a siteʼ luanghawmte ka pia ding hi. Israel sungah Pasian khat a om lam leitung mi khempeuh in a theih nading,

Late 61:8

Tua ciangin nisimin ka thuciamnate bangin gamta-in, na minphatna ka sasa ding hi.

Late 68:31

Egypt gam panin sumngo la khiasak inla, Pasianʼ tungah thungetna-in Ethiopia gam a khut zansak mengmeng in.

Isaiah 11:11

Tua ni ciangin Topa in Assiria gam, Egypt gam, Pathros gam, Ethiopia gam, Elam gam, Shinar gam, Hamath gam le tuipi gei-a gamte panin ama mi a omlaite a ngahkik nadingin a vangliatna zangkik ding hi.

Isaiah 27:13

Tua ni ciangin peengkul lianpi khat kitum dinga, Assiria gam sunga a mangthang mite le Egypt gam sunga a kihawl khia mite hong pai-in Jerusalem mual siangtho tungah Topa hong bia ding uh hi.

Isaiah 45:14

Topa in Israel tungah, “Egyptʼ hauhna le Ethiopia sumbuk vante le a tun a sang Seba mite nangma kiangah hong pai-in nangma aʼ hong hi ding uh a, amaute in nang hong zui ding uh hi. Amaute sikkhau kibulh sa-in hong pai ding uh a, nangma kiangah hong kun ding uh hi. Amaute in nangma kiangah thumna hong bawl ding uh a, ‘Nangmah bek tawh Pasian om khawm a, kuamah dang om loin, amah sim loh pasian dang om lo hi,’ hong ci ding uh hi.

Isaiah 49:7

Israel a honpa le ama Siangtho Pa ahi Topa in nakpi takin simmawhna a thuak, minamte in a muhdah, gam ukteʼ nasem pa tungah: “Nangmah a hong teel Israel-teʼ Siangtho Pa, a thuman Topa’ hangin mite na hotkhiatna thu kumpite in a muh uh ciangin zahtakna tawh na mai ah hong ding ding uh a, na mai ah uliante hong kun ding uh hi,” hong ci hi.

Isaiah 60:7

Kedar gam tuuhonte khempeuh nang kiangah hong kipua dinga, Nebaioth miteʼ tuutalte nangma deih nana ah kizang ding hi. Ka biakna tau tungah piak dingin tuate hong kipaipih dinga, keimah in a minthang ka biakinn ka min thangsak semsem ding hi.

Isaiah 66:23

Khadet khat pan Khadet khat, keimah bia dingin Jerusalem ah mi khempeuh hong pai ding uh hi, Topa in ci hi.

Late 68:32

Leitung kumpi gamte aw, Pasianʼ tungah la sa un. Vantung, tanglai vantung a a tuang Topa phatna la sa un. Ngai un, ama aw, a vanglian mahmah ama aw hong ging khiasak hi.