Isaiah 19:2 - Tedim Bible Revision 2017

² Egypt mite amau le amau ka kitawngsak ding hi. Mi kim in ama veengte ciat do dinga, khua khatlekhat kido-in, mi khatlekhat kumpi za kituh ding hi.

Tedim Bible

² Izipt mite amau leh amau ka kitawngsak ding hi, mi kim in sanggam khat leh khat ama vengte ciat do ding a, khua khat leh khua khat kido-in, mi khat leh khat, kumpigam khat leh khat kumpi-za kituh ding hi;

Isaiah 19:2 Referans Kwoze

Thukhente 7:22

Amaute in peengkul za thumte a tum uh ciangin, Topa in a galte khempeuh a namsau uh tawh amau le amau kisat gawpsak hi. Tua ciangin a galte uh Zererah gei Beth-shittah ciang le Tabbath kiang Abel-meholah gamgi dong tai uh hi.

1 SAMUEL MASA 14:20

Tua ciangin Saul le amah tawh a om mi khempeuh kikhawmin gal phualah pai uh hi. A galte khempeuhʼ namsau in amauʼ lawmte mah hih ciat a, kitawhnawina lianpi khat na om hi.

Mattiu 10:36

Mi khat adingin a gal lian penpen ama innkuan pih mite mah hong hi ding hi.

Mattiu 12:25

Jesu in amauteʼ ngaihsutna thei ahih manin amaute kiangah, “Gam khat peuhpeuh, a gam mite kiphelkhamin pawl khat le pawl khat kido le-uh tua gam a sia suak ding hi; khua khat ahi a, innkuan khat ahi zongin kiphelkhamin kido le-uh kip lo ding hi.

Mattiu 10:21

Unau le unau, pa in a ta, tate in a nu a pate langpangin sihna a thuak dingin khatlekhat kiheek ding uh hi.

Ezekiel 38:21

Gimna a tuamtuamte tawh Gog ka lausak gawp ding hi. Topa Pasian in hih thu ka gen khin hi. Ama mite khatlekhat namsau tawh kisat gawp ding uh hi.

Isaiah 9:21

Manasseh in Efraim, Efraim in Manasseh ne-in, tua tegel in Judah langpang khawm uh hi. Hih thute khempeuh hangin ama hehna dam zo nai lo a, ama khut kizanlai hi.

1 SAMUEL MASA 14:16

Benjamin-teʼ gam sunga Gibeah-a Saulʼ galvilte in a et uh ciangin hih lam hua lamah mihonte a kikhiin muaimuai a mu uh hi.

Thukhente 9:23

Pasian in Abimelek le Shekhem mite kikalah kigalneihna omsak a, Shekhem mite in Abimelek lehdo uh hi.

Mattiu 24:7

Gam khat le gam khat, kumpi khat le kumpi khat hong kido dinga, mun tuamtuam ah kialpi hong tungin, zin hong liing ding hi.

Jeremiah 46:12

Gamdangte in na zumhuaina uh hong za khin uh a, leitung bupah na kahna aw uh kiza hi. Na galkapte uh khatlekhat kiphu kha-in, a nihun a pukkhawm uh hi,” a hong ci hi.

Jeremiah 51:46

Gam sungah kamdawn a kigen sawnte hangin lungkia kei un; lau kei un. Kum khatin thu khat kigen a, a kum kik ciangin thudang khat kigen lel hi. Gam sungah ngongtatna thu om a, kumpi khat le kumpi khat kidona thu kigen thei hi.

Zekhariah 8:10

Tua hun ma-in mi ahi a, ganhing ahi zongin na a sem dingin kuamah in cial zo lo a, galte kihtakna hangin kuamah a ututin om thei lo hi. Mi khatlekhat ka kidosak hi.

1 KUMPI MASATE 16:21

Tua ciangin Israel mite pawl nihin kikhen uh hi. Mi pawl khat in kumpi-in a bawl dingin Ginathʼ tapa Tibni zui uh a, a pawl khat in Omri zui uh hi.

2 KHANG TANGTHU NIHNATE 15:6

Pasian in lungkhamna nam khempeuh tawh buaisak ahih manin minam khat le minam khat, khuapi khat le khuapi khat kido-in amaute kitam kham uh hi.

Isaiah 3:5

Mite khatlekhat, mi khempeuh in a lawmte ciat, mi khempeuh in a veengte ciat, hih gawp ding uh hi. Khangnote pen uhamte tungah, migina lote pen mi liante tungah kiphasak ding uh hi.

Marka 3:24

Gam khat peuhpeuh phel nih kisuahin kido le-uh tua gam kip lo ding hi.