Isaiah 19:1 - Tedim Bible Revision 2017

¹ Egypt tawh kisai thu hih bangin gen hi: A manlang mahmah meii tungah Topa tuangin Egypt gamah a pai hi. Ama mai ah Egypt gam milimte lau-in liing ding uh a, Egypt miteʼ hanna bei ta ding hi.

Tedim Bible

¹ Izipt gam tawh kisai thu: A manlang mahmah meii tungah Topa tuangin Izipt gamah pai hi; ama mai-ah Izipt gam milimte liing ding a, Izipt mite’ han’na bei ding hi.

Isaiah 19:1 Referans Kwoze

Paikhiatna 12:12

“Bang hang hiam cih leh keimah in tua zanin Egypt gam ka nawk dinga, Egypt leitang tungah mihing hitaleh ganhing hitaleh tacil khempeuh ka vatlum dinga, Egypt pasian-te khempeuh tungah thu ka khen ding hi. Kei pen Topa ka hi hi.

Mangmuhna 1:7

En un, amah hong paita dinga, meiipi tawh hong tonkhawm ding hi. Teipi tawh amah a sunte a kipan mi khempeuh in a mu ding uh hi. Amah a hong pai ciangin leitung mi khempeuh lau-in a kap ding uh hi. Hih ka gen bangin hong piang takpi ding hi. Amen.

Joel 3:19

“Amaute in Judah gam simin, mawhnei lo mite that uh ahih manin, Egypt gam, sehnel gam suakin, Edom gam, gam sia suak ding hi.

Joshua 2:11

Tua thu ka zak phetun ka lungsim uh bei a, noteʼ hangin miteʼ lungsimah hanna bei hi; bang hang hiam cih leh Topa na Pasian uh, tunga om vantung le nuai-a om leitungah Pasian ahi hi.

Ezekiel 30:13

“Milim khempeuh ka susia dinga, Memfis khuapi ah a om pasian man lote ka beisak ding hi. Egypt gam a uk ding kuamah om nawn lo dinga, mi khempeuh lausakin ka liingsak gawp ding hi.

Jeremiah 51:44

Babylon khuateʼ pasian Bel zong gim ka pia dinga, a na guk sa teng ka lak khiatsakkik ding hi. Gamdangte in amah bia nuam nawn lo ding uh hi. Babylon khua kulhpi kicim khinta hi.

Jeremiah 50:2

“Gam khempeuh ah genin taangko unla, dial khai unla im kei un. ‘Babylon khuapi kia ta hi. Bel pasian maizum ta a, Merodak pasian kitan gawp ta hi. A milimte uh maizum ta a, a pasian-te uh kisia gawp ta hi,’ ci-in taangko un.

Isaiah 13:1

Amozʼ tapa Isaiah in Babylon siat nading tawh kisai a thumuhnate:

Late 104:3

Van a om tui tungah na inn na lam a, na leeng dingin meiipite na bawl a, huih khate tungah nang na tuang hi.

Thu-hilhkikna 33:26

“Israel aw, nangmah huh dingin vantungah a tuang a liatna tawh vanpi ah a om, Pasian tawh a kibang kuamah dang om lo hi.

Zekhariah 14:18

Tua gualzawhna pawi a bawl dingin Egypt mite a painop kei leh, tua bangin a pai nuam lo minamteʼ thuak ding gimnate mah, amauʼ tungah a tung ding hi.

Zekhariah 10:11

Amaute in lungkhamna tuipi a phutkhak uh ciangin keimah in tuihualte ka vatmai dinga, Nail gun tui thukte kangcip ding hi. Assiria mite ka niamkhiat dinga, Egypt in a vangliatna taan ding hi.

Jeremiah 25:19

Egypt kumpipa Faro le a nasemte, a kumpi uliante;

Isaiah 21:9

En in, sakol tung tuangte a kopkopin hong pai!” a ci hi. A dang khat in, “Babylon cim hi, cim hi. A milim pasian-te khempeuh leilak dongah amah in suksiatsak hi,” ci-in a dawng hi.

Isaiah 19:16

Tua ni ciangin Egypt mite, numei bang ding uh a, Vanglian Topa in amaute a khut a sinsanna hangin lau-in liing ding uh hi.

Isaiah 13:7

Tua ahih ciangin khut khempeuh zaw-in, mi khempeuhʼ lungsim tui suak dinga, amaute lungkia ding uh hi.

Late 104:34

Topa in hong lungdamsak ahih manin ka lasaknate in zong amah lungdamsak tahen.

Late 68:4

Pasianʼ tungah la sa unla, ama minphatna la sa un. Meiite tungah a tuang pa la sak un. Ama min pen Topa ahi hi; ama mai ah lungdamin diang un!

Joshua 2:24

Amaute in Joshua kiangah, “Topa in leitang khempeuh eiteʼ khut sungah hong pia taktak hi. Tua tham loin tua gam a teeng mi khempeuh eiteʼ hangin lungmang uh hi,” a ci uh hi.

Joshua 2:9

tua mite kiangah, “Topa in noteʼ tungah hih leitang hong piak khitna ka thei a, note ka hong kihta mahmah uh hi. Hih gam sunga a teeng mi khempeuh noteʼ hangin lunggim uh hi.

Late 18:9

Amah in vanpi niamsakin hong kum suk a, ama khe nuai ah meii vom sahpi a om hi.

Jeremiah 4:13

En un, meii bangin i gal pa hong pai a, a sakol leengte pingpei tawh kibang a, a sakolte muvanlai sangin manlang zaw hi. Gimna i thuak ding hi; bang hang hiam cih leh gal lel ding ihi ta hi.

Jeremiah 44:8

Note si-in, leitung a minam dang khempeuhte in hamsiatna-in a hong zat ding uh le hong simmawh nadingun bang hangin na khut uh tawh milim bawlin, na ten nadingun na zuat uh Egypt gamah pasian dangteʼ kiangah paknamtui halin kei hong hehsak na hi uh hiam?

Nahum 1:1

Hih pen Nineveh khua tawh kisai thu genna hi a, Elkosh khuami Nahumʼ maangmuhna a kiciaptehna lai ahi hi.

Nahum 1:3

Topa lungduai mahmah a, a vang zong lian mahmah a, ahih hangin mimawhte khah khong ngei lo hi. A paina peuhpeuh ah huihpi nungin pingpei kipei a, ama paina hanga leivui leeng meiipi kai tawh kibang hi.

Gamlak-vakna 33:4

Topa in amauteʼ lakah a thah lup tacil khempeuh Egypt mite in a vui laitak uh ahi hi. Topa in amau pasian-te zo gawp hi.