Biblia Todo Logo
Bib sou entènèt

- Piblisite -




Isaiah 18:3 - Tedim Bible Revision 2017

3 Leitung a teeng mi khempeuh, leitung a om mi khempeuh aw, mualte tungah lim khat hong kilah ciangin en un! Peengkul hong kimut ciangin ngai un!

Gade chapit la Kopi

Tedim Bible

3 Leitunga teeng mi khempeuh, leitang tunga om mi khempeuhte aw, mualte tungah lan khat hong kilah ciangin, en un! Peengkul hong kimut ciangin, ngai un!

Gade chapit la Kopi




Isaiah 18:3
20 Referans Kwoze  

Amah in a gamlapi-a om minam khat a sapna-in lim khat lak a, leimong panin hong pai nadingin a sam hi. Manlang takin tua mite hong pai pah hi.


Topa aw, amaute gim na piak ding lamtak na galte in thei lo uh hi. Amaute maizumna thuaksak inla, amaute adingin na geel sa gimnate amaute thuaksak in. Na mite na itna thu na galte tungah kilangsak in.


Ahi zongin noteʼ mit in mu-in na bil un za ahih manin a hampha mahmah na hi uh hi.


“Zak nading bil a neite in hih thu na za ta un,” ci-in Jesu in a thugen a khum hi.


Ama mite tungah Topa kilang dinga, a thaltang lotte khuaphia bang ding hi. Topa Pasian in peengkul tum dinga, leitaw lam panin a hong pai huihpi tawh a va kuan khia ding hi.


Topa, zahtak ding kilawm hi. Khua sungah amah hong kiko a, “Ngai un, khuapi sungah a hong kikhawm mite aw.


No mual liante le a kip tawntung leitung bulpite aw, Topaʼ thu ngai un. Topa in ama mite tawh thu nei a, Israel tawh thu kiseel ding hi.


Aw ka gam, ka gam aw, Topaʼ kammal ngai dih veʼn!


Ngai un, mihonpi lungdam bangin mualtungte ah gamlumna! Ngai un, minamteʼ kumpi gamte kikhawmin a gamlumna! Vanglian Topa in galdo dingin mihon khat kai khawm hi.


Mual kolh tungah lim khat lak to unla, galkapte tungah nakpi takin kiko un. Mi lianteʼ kongpi ah amaute va pai-in a sim nadingun amaute khut vaan un.


“Tua ni ciangin Egypt luiteʼ nak ah a om Egypt mite, thopi hon bangin hong pai nading le Assiria mite, a gam panun khuaipi hon bangin hong pai nadingun Topa in sam ding hi.


Vantungte aw, na za un; leitung aw, na ngai in; bang hang hiam cih leh Topa in thu hong gen khinzo a, “Ka pattah sa ka tate in kei hong lehdo uh hi.


Vanglian, Topa Pasian hong pau khia a, nisuahna le nitumna kikal leitung mi khempeuh a khawm hi.


Amauʼ belh a kumpipa uh a launa hangin tai dinga, buaina hangin a uliante in a dialkhai uh taisan ding uh hi,” ama meikuang Zion ah a om, ama meikhuk Jerusalem khua ah a om Topa in ci hi.


Topa Pasian in, “En in, minamte tungah ka khut ka laam to dinga, mite tungah ka lim ka lak to ding hi. Amaute in a ang sung uh ah na tapate tawi-in hong paipih ding uh a, a liangko tung uh ah na tate hong pua ding uh hi.


“Gal a sim dingin leitung bup thu pia unla, gamdangte kiangah peengkul mut un. Amah a sim dingin kithawisak un; Ararat, Minni le Ashkenaz gamte simsak un. Makai khat teel unla, kauphe honpi zahin a tam sakolte va la un.


No minam khempeuhte aw, hih thu za un: Leitungah a teeng mi khempeuhte aw, hih thu ngai un: Noteʼ lang khat ah Topa Pasian in teci pang a, a vantung biakinn panin thu hong gen hi.


Amah in minamte adingin lim khat koih dinga, Israel mi a kihawl khiate kaikhawmin, leitung kiu li panin Judah mi a kikhenthangte kaikhawm ding hi.


Swiv nou:

Piblisite


Piblisite