Isaiah 17:8 - Tedim Bible Revision 2017

⁸ Amaute in amau khut tawh a bawl sa uh biakna taute don lo ding uh a, amauʼ bawl sa Asherah milimte hitaleh paknamtui halna biakna taute hitaleh muanin nei nawn lo ding uh hi.

Tedim Bible

⁸ amaute in ama’ khut tawh a bawlsa uh biakna taute don lo ding uh a, amau’ khutme tawh a bawlsa uh Asherah milimte hita leh paknamtui halna biakna taute hita leh suang ding uh hi.

Isaiah 17:8 Referans Kwoze

Isaiah 30:22

Tua ciangin note in ngun tawh a kizut na milimte uh le kham a kiluan, a kisung na milimte uh na ninsak ding uh hi. Nin bangin tuate na thehthang ding uh a, tuate tungah, “Bei mang ta un!” na ci ding uh hi.

Isaiah 27:9

Israel in suang tawh a kibawl biakna tau khempeuh suangkang satvui a batsak ciangin Asherah milimte le paknamtui taute a ding lai om nawn lo hi. Hih thu hangin Jakobʼ mawhna kimaisakin a mawhna kilak khiatsak hi.

Isaiah 2:8

Amauʼ gam sung milimte tawh kidim a, amauʼ khut tawh a bawl sate uh amaute in a bia uh hi.

Zekhariah 13:2

Tua ni ciangin gam sung panin milim khempeuh ka phiatsiang dinga, kuamah in a milim min nangawn uh phawk kha nawn lo ding uh hi. Kamsang zuautheite zong phiatin, milim biaknopna lungsim ka beisak ding hi.

Zefaniah 1:3

Mihing le ganhing, van a leeng vasa le tui sunga ngasa, a vekpi-in ka susia ding hi. Migilote ka susia dinga, leitung a om mihing khempeuh ka susia ding hi. Topa ahi keimah in hih thu ka gen khin hi.

Hosea 14:8

Israel mite in milim bia kha nawn lo ding uh hi. Amauteʼ thungetna pia-in amaute ka kem ding hi. Amaute, a hing tawntung singkung kep bangin ka kem ding hi; amauteʼ thupha ngah khempeuh keima kiang pan ahi hi,” a ci hi.

Ezekiel 36:25

Note tungah tui siangtho kong theh dinga, na milim biakna uh le note hong ninsak na dang khempeuh panin kong siangsak ding hi.

Isaiah 44:15

Tua ciangin tua kung pen mi khat adingin mei sing a suak hi. Amah in tua sing kim khat la-in khua lum nadingin mei-in cih a, amah in mei tawhin moh a em hi. Amah in pasian khat zong bawlin bia a, amah in milim khat bawlin tua milim mai ah a kun hi.

Isaiah 1:29

Bang hang hiam cih leh tawsaw kungte na biakna hangun note na maizum ding uh a, biakna huan na bawlna hangun zahhuai-in na mai uh san ding hi.

2 KHANG TANGTHU NIHNATE 34:4

Tua ciangin amah in Baal-teʼ biakna taute ama muhna ah su paisak hi. Tua ciangin amah in tuate tungah a om paknamtui biakna taute phuk a, Asherah milimte le a kiseek le a kisung milimte sukhamin gawivui a, tuateʼ tungah biakna a pia miteʼ han tungah tua a vuite a theh hi.

2 KHANG TANGTHU NIHNATE 14:5

Amah in Judah khuapi khempeuh panin mual dawna biakpiakna munte le paknamtui biakna taute zong la khia hi. Tua ciangin ama khutnuai ah kumpi gam sung gal dai hi.

Paikhiatna 34:13

Nangmah in amauʼ biakna taute phelin, amauʼ biakna khuamte kuaitanin, amauʼ Asherah milimte na phukpai ding hi.

Thu-hilhkikna 7:5

Amaute tungah hih bangin note na gamta ding uh hi: A biakna taute uh phelsakin, a biakna songte uh deng zanin, amauʼ Asherah milimte phuksakin, a kiseek a milimte uh mei tawh na hal ding uh hi.

2 SAMUEL NIHNA 22:42

Amaute khuadak uh a, ahih hangin a hon khia ding kuamah om lo hi. Topaʼ tungah hong ko uh a, ahih hangin amah in amaute dawng lo hi.

Isaiah 10:20

Tua ni a kipan Israel a omlaite, Jakob innkuan a suakta laite in amau a su gawp pa suang nawn loin, Topa ahi, Israel Siangtho Pa pen thuman tawh suanin nei ding uh hi.

Isaiah 17:9

Tua ni ciangin amauʼ khuapi muanhuaite pen Hiv mite le Amor mite in Israel miteʼ hangin a nusiat uh munte tawh kibang dinga, gamkhing a suak ding hi.

Isaiah 37:19

amauteʼ pasian-te pen meikhuk sungah paihsak khin hi. Bang hang hiam cih leh tuate pen pasian hi loin miteʼ khut tawh a kibawl sing le suangte ahi uh hi. Tua ahih ciangin tuate kisusia hi.

Isaiah 41:29

Amaute khempeuh zuaupi vive hi a, amauʼ nasepnate a mawkna ahi hi. A kisung amauʼ milimte pen huih hawmpi bang ahi uh hi.

Jeremiah 17:2

A tate un singniim nuai khempeuh le mual sangteʼ tunga a biakna taute uh le a nusian uh Asherah milimte phawk veve uh a,

2 KHANG TANGTHU NIHNATE 31:1

Tu-in hihte khempeuh a man ciangin, tua lai-a a om Israel khempeuh Judah khuapite ah pai-in biakna songte sat khamin Asherah milimte phukin, Judah le Benjamin sung le Efraim le Manasseh sunga mual dawna biakpiaknate le biakna taute a suksiat khit mateng uh phelkek uh hi. Tua ciangin Israel mi khempeuh, a mikimin amauʼ inn omna a khuapi ciat uh ah a ciah uh hi.

Hosea 14:9

Mipil, thu ngaihsun theite in hih thute thei telin limtakin ciamteh tahen. Topaʼ lampi tang mahmah a, a thutang mite in tua lampi a tawn uh hi. Mawhneite in tua lampi tawn lo ahih manin a puk uh hi.