Isaiah 17:1 - Tedim Bible Revision 2017

¹ Damaskas tawh kisai thu hih bangin gen hi: En un, Damaskas pen khuapi hi nawn loin ninbu lomtang suak ding hi.

Tedim Bible

¹ Damaskas tawh kisai thu:— En in, Damaskas in khuapi hi nawn loin, ninbulomtang suak ding hi.

Isaiah 17:1 Referans Kwoze

Zekhariah 9:1

Topaʼ thugenna: Hadrak gam miteʼ gimtuahna ding Topa in thu khen zo a, Damaskas khuapi in zong tuak ding hi. Israel minam khempeuh, Topa-aʼ ahih mah bangin leitung minam khempeuh zong Topa-aʼ mah ahi hi.

Isaiah 25:2

Bang hang hiam cih leh nang in khuapi ninbu lomtang na suah a, a muanhuai khuapi a sia na suaksak hi. Mi kiphasakteʼ kumpi inn pen khua bang nawn lo a, cikmah hunin kilamkik nawn lo ding hi.

Sawltak 9:2

Topaʼ thu a zui mi numei pasal a muh peuhpeuh manin Jerusalem khua ah a ciahpih theih nadingin Damaskas khua-a Jew mi kikhopna inn ukte kiangah a lah dingin lai a ngen hi.

Micah 1:6

Tua ahih ciangin Topa in hih bangin ci hi: Samaria khuapi, gamlak a ninkholna mun, leenggui suanna mun lel dingin ka bawl ding hi. A khua sunga suangte zong guam sungah ka nil suk dinga, a khuapi bulpite ka dawksak ding hi.

Jeremiah 49:2

Tua ahih manin, Topa in kong cih in ah, Ammon gam Rabbah khua kisimin, galdona aw a kizak hun ka tungsak ding hi. Tua khuapi kisusia mang dinga, a khuaneute a kihal tum ding hi. Tua ciangin Topa in kong cih in ah, Israel mite in a gam uh a laksakteʼ kiang panin a gam uh a ngahkik ding uh hi.

Isaiah 7:8

Bang hang hiam cih leh Syriaʼ lutang, Damaskas khuapi hi a, Damaskasʼ lutang, Rezin ahi hi. (Kum sawm guk le kum nga sungin minam ahi zo nawn lo zah dongin Efraim kitamzan gawp ding hi.)

Piancilna 14:15

Amah in zan hunin ama pawlte, amah le a nasemte, amaute a do dingin khenin amaute zo a, Damaskas leilu lam Hobah ciang dong a delh uh hi.

Micah 3:12

Tua ahih manin noteʼ hangin lo khawh bangin Zion kikho-in, Jerusalem, nin kipaihna phualpi hong suak dinga, biakinn omna mual, gamlak a suak ding hi.

Isaiah 37:26

“‘Sawt pek a kipan ka ngaihsut sa ahih lamtak za ngei nai lo na hi hiam? Nang in khuapi muanhuaite susia gawpin ninbu lomtang na suahsakna ding, a sunga teeng mite a thahatna uh bei-in, lungkia-in a om mawk nading, amaute pen lo lai-a om kungnote le lopa ngeekte, innkhum zang ah a po, a khan khit ma-in a keutum lopate tawh a kibatna ding, tu-in ka tunsak ding thute pen tanglai pek panin ka ngaihsut sa thu ahi hi.

Isaiah 19:1

Egypt tawh kisai thu hih bangin gen hi: A manlang mahmah meii tungah Topa tuangin Egypt gamah a pai hi. Ama mai ah Egypt gam milimte lau-in liing ding uh a, Egypt miteʼ hanna bei ta ding hi.

Isaiah 15:1

Moab gam tawh kisai thu: Zan khat thu-in Ar khua kisiasak ahih manin Moab gam a bei hi. Zan khat thu-in Kir khua kisiasak ahih manin Moab gam a bei ta ahi hi.

Isaiah 13:1

Amozʼ tapa Isaiah in Babylon siat nading tawh kisai a thumuhnate:

Isaiah 10:9

Kalno khuapi pen Karkhemish khuapi tawh kibang hi lo ahi hiam? Hamath khuapi pen Arpad khuapi tawh kibang hi lo ahi hiam? Samaria khuapi pen Damaskas khuapi tawh kibang hi lo ahi hiam?

Isaiah 8:4

Bang hang hiam cih leh naungek in, ‘Nu aw, pa aw,’ a cih theih ma-in Damaskas khuaʼ hauhna le Samaria khua sunga a om a kisut vante, Assiria kumpipa in la-in masuan ding hi,” hong ci hi.

2 KHANG TANGTHU NIHNATE 28:23

Bang hang hiam cih leh amah a zo Damaskas-teʼ pasian-te tungah biakna pia-in, “Syria kumpiteʼ pasian-te in amaute huh ahih manin amaute in kei hong huh theih nadingun amauʼ tungah biakna ka pia ding hi,” ci hi. Ahih hangin tua pasian-te pen amah le a mipihte khempeuhʼ siatna ahi hi.

2 KHANG TANGTHU NIHNATE 28:5

Tua ahih ciangin Topa in Syria kumpipa khut sungah amah pia a, amah in zo-in mi tampi salin Damaskas ah a ciahpih hi. Israel kumpipaʼ khut sungah zong amah kipia a, amah zo-in a mite tampi tak a that hi.

2 KUMPI NIHNATE 16:9

Tua ciangin Assiria kumpipa in ama thu ngai hi. Assiria kumpipa zong Damaskas a sim dingin hong kuan to-in tua khua la a, a mite galmatin Kir ah pua a, amah in Rezin a that hi.

Piancilna 15:2

Ahih hangin Abram in, “Topa Pasian aw, bang hong pia ding na hi hiam? Ta nei loin ka om lai hi. Ka inn a luah ding pa pen Damaskas mi Eliezer ahi hi.

1 KHANG TANGTHU MASATE 18:5

Zobah kumpi Hadadezer a huh dingin Damaskas a Syria mite hong pai ciangin David in Syria mite tul sawm nih le tul nih that hi.

1 KUMPI MASATE 11:24

Amah in ama kiimah mi khawmin miteʼ na a sut pawl a makai a suak hi. Amaute Damaskas ah pai-in tua lai munah teeng uh a, Damaskas ah amah kumpi-in bawl uh hi.

Thu-hilhkikna 13:16

Note in van kinusiate khempeuh khua laizang mun awngah khawmin, Topa na Pasian uh tungah khuapi le van kinusia khempeuh meihal biakna bupin mei tawh na hal ding uh hi. Tua khuapi pen nin kikholna hi tawntung dinga, kilamkik nawn lo ding hi.

Isaiah 7:16

Bang hang hiam cih leh naupang in a hoih lote nialin a hoihte a teel theih hun ma-in na kihtak uh kumpi nihteʼ gam kinusiacip ding hi.