Isaiah 16:2 - Tedim Bible Revision 2017

² A bu a kipaih khiatsak ciangin a cih nading thei loin a leng kawikawi vasate bangin Arnon gun tui ngahmun ah Moab mite om uh hi.

Tedim Bible

² A bu a kipaih khiatsak ciangin cih nading thei loin a leeng kawikawi vasate bangin, Arnon guntui ngahmun ah Moab mite om uh hi.

Isaiah 16:2 Referans Kwoze

Paunak 27:8

Inn panin gamlapi ah a zin khia mipa a bu panin a leeng khia vasa tawh kibang hi.

Thukhente 11:18

Tua ciangin sehnel gam tawnin amaute khualzin uh a, Edom gam le Moab gam kimkotin pai-in Moab gam nisuahna lam pangah tung uh a, Arnon gun gal khat ah phual sat uh hi. Ahih hangin Moab gam sungah amaute lut lo uh hi. Bang hang hiam cih leh Arnon gun pen Moab gamgi ahi hi.

Jeremiah 48:20

Moab gam kisia khinzo a, zumhuaina thuak khinzo hi. Thum unla kah un! Arnon gun dungah, Moab gam kisiatna thu va gen un.

Isaiah 13:14

A kidelh sanang le a cing om lo tuu bangin mi khempeuh amauʼ miteʼ lam ciatah kihei-in, amauʼ gam ciatah tai ding uh hi.

Joshua 13:16

Tua ahih ciangin amauʼ gamh pen Arnon kuam gei-a a om Aroer pan le kuam laizang a om khuapi le Medeba kiang a mualzang khempeuh,

Thu-hilhkikna 3:12

“Tua hunin hih leitang i luah ciangin, Reuben mite le Gad mite tungah Arnon kuam mong a a om Aroer pan le Gilead mual tung gam kim khat a khuapite tawh ka pia hi.

Thu-hilhkikna 3:8

“Tua ahih ciangin tua hun laitakin, Jordan gal khat a om Amor kumpi nihteʼ khut sung pan, Arnon kuam panin Hermon Mual dong

Thu-hilhkikna 2:36

Arnon kuam mong a a om Aroer le tua kuam sunga om khuapi Gilead ciang dongah eite adingin khuapi kulh a sang lua khat beek om lo a, Topa i Pasian in a vekpi-in eiteʼ khut sungah hong pia hi.

Gamlak-vakna 21:29

Moab! Gimna na ngah hi. Khemosh mite! Na mangthang uh hi. Amah in a tapate galtai-in, a tanute galmatin, Amor kumpipa Sihon adingin hong bawl hi.

2 KUMPI NIHNATE 3:4

Moab kumpipa Mesha pen tuu khawi pa ahi hi. Amah in Israel kumpipa tungah kum simin tuuno tul za khat le tuutal tul za khatʼ mul a piak ding ahi hi.

Paunak 26:2

Thu om lopi a hong kisamsiatna pen bangmah a hong cih thei lo, khawlna mun mel a nei lo, a leeng suk a leeng to phialphiah tawh kibang lel hi.

Jeremiah 48:9

Moab mite a leenkhiat theih nadingun a kha ding uh pia un. A khuapite uh gamlak suak dinga, kuamah a teeng kei ding hi.

Jeremiah 48:46

Moab aw, gimna na thuak ding hi. Khemosh pasian a bia mite si khinta uh hi. Na tapate uh sal dingin kipaipih khin a, na tanute uh zong thong kia dingin kipaipih hi.