Isaiah 15:4 - Tedim Bible Revision 2017

⁴ Heshbon khua le Elealeh khua kiko uh a, amauʼ kahna awging Jahaz khua dongah kiza hi. Tua ahih ciangin Moab mi galhiam tawite lau-in nakpi takin kiko uh a, amaute a liing uh hi.

Tedim Bible

⁴ Heshbon khua leh Elealeh khua kiko a, amau’ kahna awging Jahaz khua ciang dongah kiza hi; tua ahih ciangin Moab gammi galhiam tawite lau-in nakpi takin kiko uh hi; amaute liing uh hi.

Isaiah 15:4 Referans Kwoze

Jeremiah 48:34

“Heshbon khua panin Elealeh khua le Jahaz dongah, Zoar khua panin Horonaim khua le Eglath-shelishiah khua dongah miteʼ kahna aw kiza hi. Bang hang hiam cih leh Nimrim tui nangawn keu ta a, kisusia ta hi.

Mangmuhna 9:6

Tua hun ciangin mite in a sih theih nading uh a zonzon uh hangin sih theih nading lampi mu lo ding uh a, si nuam mahmah napi-un si thei het lo ding uh hi.

Jonah 4:8

Ni hong suah ciangin Pasian in nisuahna lam panin huih a sa mahmah nungsak a, ni in zong Jonahʼ luzang kap suk veva ahih manin a gim mahmah hi. Tua ciangin amah in, “Ka nuntak sangin si leng kei adingin hoih zaw hi,” ci-in a sih nading thu a ngen hi.

Jonah 4:3

Tua ahih ciangin Topa aw, tu-in ka nuntakna hong la in, ci-in kong thum hi. Bang hang hiam cih leh ka nuntak sangin si leng kei adingin a hoih zaw hi,” a ci hi.

Jeremiah 20:18

Gimna le dahna a mu ding le nisim a maizum den dingin bang hangin a gil sung panin suak khia sese ka hi hiam?

Jeremiah 8:3

Hih a gilo minamteʼ lakah a om lai sunteng in ka hawl khiatna munah nuntak ding sangin sih ding a teel zaw ding uh hi, Vanglian Topa in kong ci hi.

1 KUMPI MASATE 19:4

Ahih hangin a mahmah gamlak ah ni khat lam pai lai-in poding kung nuai khat ah a tu hi. Tua ciangin amah in a sih nading thu ngenin, “Pha zo hi; tu-in Topa aw, ka nuntakna hong la ta in; bang hang hiam cih leh ka pate sangin kei ka hoih zaw kei hi,” a ci hi.

Thukhente 11:20

Ahih hangin Sihon in ama gam a nawk dingin Israel-te muang lo hi. Tua ahih ciangin Sihon in a mite khempeuh kaikhawmin Jahaz ah giahphual sat a, Israel-te na sim hi.

Joshua 13:18

Jahaz, Kedemoth, Mefaath,

Thu-hilhkikna 2:32

Tua ciangin Sihon le a mite khempeuh eite a do dingin Jahaz ah hong pai uh hi.

Gamlak-vakna 21:23

Ahih hangin Sihon in Israel mite ama gam kantansak lo hi. Amah in a mite khempeuh kaikhawmin, Israel-te a do dingin gamlak ah pai-in Jahaz mun tunga, Israel-te a do hi.

Gamlak-vakna 11:15

Hih bangin kei hong bawl ding na hih leh, ka gentheihna ka kimuh loh nadingin nong hehpih zawh leh, thakhatin hong that zaw in,” a ci hi.

Piancilna 27:46

Tua ciangin Rebekah in Isaac kiangah, “Esauʼ zi Hit numeiteʼ hangin ka lung gimin ka cimtak hi. Jakob in hih gam numeite khat ahi Hit numeite khat teenpih leh kei adingin bang nuntak tham nawn ding ahi hiam?” a ci hi.

Gamlak-vakna 21:28

Heshbon panin mei piang khia a, Sihonʼ khuapi panin meikuang piang khia hi. Moab miteʼ khuapi Ar, Arnon mual sang a ukte kaang tum hi.

Jeremiah 48:21

“Pasianʼ thukhenna, mual tung gam teng le Holon khua, Jahzah khua, Mefaath khua,