Isaiah 15:3 - Tedim Bible Revision 2017

³ Kongzing lakah amaute in puanhampi silh uh hi. Innkhum zang le kongzing lampi kituahnate ah mi khempeuh nakpi-in kapin khitui tawh a kawt uh hi.

Tedim Bible

³ kongzing lakah amaute in puanhampi teng uh hi; innkhumzang leh kongzing lampi kituahnate ah mi khempeuh nakpi-in kapin khitui tawh kawt uh hi.

Isaiah 15:3 Referans Kwoze

Mattiu 11:21

“Khorazin khuapi mite le Bethsaida khuapi mite aw, gimna lianpi na thuak ding uh hi. Bang hang hiam cih leh note khua sungah a hong kilak nalamdangte, Taia le Sidon khua sungah kilak hileh amaute in kisikna limin sawtpekin puanhampi silhin vut kinuh ding uh hi.

Jeremiah 19:13

Jerusalem khua-a innte le Judah kumpiteʼ innte a kipan, innkhum zang ah vantung a aksite khempeuh tungah paknamtui hal biakna a kipiakna innte le pasian dangte tungah dawn ding biakna a kibuakna innte khempeuh a vekin Tofeth mun bangin a nin a suak ding hi, ci hi, va ci in,” hong ci hi.

Isaiah 22:4

Tua ahih ciangin keimah in, “Kei hong en kei unla, khitui tampi luangin hong kapkapsak un. Ka mi tampi a sihna hangin keimah hehnep ding hong hanciam kei un,” ka ci hi.

Isaiah 22:1

Maangmuhna Kuam tawh kisai thu hih bangin gen hi: Kikona tawh a kidim, a gamlum khuapi, lungdamin a diang khua aw, note khempeuh, innkhum zang ah na kah toh uh bang na cihnopna uh ahi hiam? A kithat nangma mite pen namsau tawh a kithat hi lo a, gal sung a si hi lo uh hi.

Isaiah 15:2

A sangna munte ah a kap dingin Dibon khua mite pai to uh hi. Nebo le Medeba khuateʼ hangin Moab mite nakpi takin kap uh hi. Dahna limin lu khempeuh kimettol a, khamul khempeuh zong kimetmai hi.

2 KUMPI NIHNATE 6:30

Kumpipa in tua numeiʼ thugente a zak ciangin ama puante bal kek hi. Kulhzang ah kumpipa pai kawikawi a, mite khuadakin amah a et uh ciangin amah in a sung lamah puanhampi a silh mu uh hi.

2 SAMUEL NIHNA 3:31

Tua ciangin David in Joab le amah tawh a om mi khempeuh kiangah, “Na puan uh bal kekin puanhampi silh unla, Abnerʼ mai ah kap un,” a ci hi. Kumpipa David in hankuang a zui hi.

Thu-hilhkikna 22:8

“Na inn tung panun mi khat kia-in mi sihna hanga mawhna na inn sung uh ah na tunsak khak loh nadingun inn thak na lam uh ciangin na inn khumzang uh ah tangban na khung ding uh hi.

Jeim 5:1

A haute aw, tu-in ka thugen hong ngai dih un. Note tungah a hong tung ding lungkhamna hangin kapin thum un.

1 SAMUEL MASA 5:12

A si lo sunte in uilut vei uh a, khuapi sunga kahna awging vantung dongah kiza to hi.

Isaiah 3:24

Paknamtui tangin uihna, kawnggak tangin khauhual pi, limtak a kizem sam tangin lu kolhna, puan hoih tangin puanhampi, melhoihna tangin maizumna hun hong tung ding hi.

Jeremiah 48:37

“Mi khempeuh in a lu uh mettol uh a, a khamul uh kiat siang uh hi. A khutte uh kuikek uh a, a kawng uh ah puanhampi a teeng uh hi.

Kah la 2:10

Jerusalem puteekte pau loin leilak ah tu uh a, dahna lim lahna-in puanhampi silhin a lu zang uh leivui a buak uh hi. Jerusalem nungaknote a kun ngelhngalh uh hi.

Ezekiel 7:18

Amaute in dahna limin puanhampi silh ding uh a, pumlin gawp ding uh hi. A sam uh kimettolsak dinga, a mindai ding uh hi.

Amos 8:10

Na lungdam pawite uh dahna ka suaksak dinga, na lasaknate uh kahna awging ka suaksak ding hi. Dahna limin puanhampi na silh ding uh a, na sam uh zong na mettol ding uh hi. A tapa khat neihsun a sihsuah nupa na bang ding uh hi. Tua hun pen a tawp dongin nasia semsem ding hi.