Isaiah 15:1 - Tedim Bible Revision 2017

¹ Moab gam tawh kisai thu: Zan khat thu-in Ar khua kisiasak ahih manin Moab gam a bei hi. Zan khat thu-in Kir khua kisiasak ahih manin Moab gam a bei ta ahi hi.

Tedim Bible

¹ Moab gam tawh kisai thu: Zan khat thu-in Ar khua kisiasak ahih manin Moab gam bei hi; zan khat thu-in Kir khua kisiasak ahih manin Moab gam bei hi.

Isaiah 15:1 Referans Kwoze

Isaiah 11:14

Ahih hangin amaute in nitumna lam a om Filistia mite simkhawm ding uh a, nisuahna lam a om mite luh khawm ding uh hi. Amaute in Edom mite le Moab mite zo gawp ding uh a, Ammon mite in amauʼ thu mang ding uh hi.

Gamlak-vakna 21:28

Heshbon panin mei piang khia a, Sihonʼ khuapi panin meikuang piang khia hi. Moab miteʼ khuapi Ar, Arnon mual sang a ukte kaang tum hi.

Isaiah 25:10

Bang hang hiam cih leh Topa in hih Zion Mual hu dinga, ahi zongin Moab mite ahihleh ninkholna dum sungah buhkungte a kisikcip bangin kisikcip gawp ding hi.

Isaiah 16:11

Tua ahih ciangin Moab gam hangin laiza lasakna bangin ka lungsim kisat gaihgaih a, Kir-hareseth khuapi hangin kei mahmah zong ka kisat gaihgaih hi.

Isaiah 16:7

Tua ahih ciangin a thuakna uh hangin Moab mite kap henla, mi khempeuh zong Moab miteʼ hangin kap ta uh hen. Nakpi takin gimna a thuak laitakun Kir-hareseth khua ah a an lim nekte uh a phawk khak uh ciangin khasia-in a kap uh hi.

Isaiah 14:28

Kumpi Ahaz a sih kumin thu hong tung a,

Jeremiah 9:26

Egypt mite, Judah mite, Edom mite, Ammon mite, Moab mite le a sam uh a mettom sehnel gam a omte khempeuh zong gim ka pia ding hi. Bang hang hiam cih leh hih gamte khempeuh in a vun uh at lo uh a, Israel mi khempeuh zong a lungsim sung uh ah vun at lohpi ahi uh hi,” a ci hi.

Isaiah 13:1

Amozʼ tapa Isaiah in Babylon siat nading tawh kisai a thumuhnate:

2 KUMPI NIHNATE 3:25

Tua ciangin amaute in khuapite lawnthal uh a, a suang in a khuhcip dongin leitang tung khempeuh ah mi khempeuh in suang lawn uh hi. Amaute in tuinak khempeuh khakcip uh a, singkung hoih khempeuh phuk uh hi. Kir-hareseth ah a suangtumte bek a om dongin suanglotna a tawite in umcihin vat gawp uh hi.

Thu-hilhkikna 2:18

‘Tu ni-in Ar khua santak ah Moab gamgi a kantan ding na hi uh hi.

Thu-hilhkikna 2:9

Topa in kei kiangah, ‘Amauʼ leitang na neih dingun noteʼ tungah hong pia lo ding ka hih manin Moab mite gimsak kei unla, amaute tawh galin kido kei un; bang hang hiam cih leh a neih dingun Lotʼ suanlekhakte tungah Ar khua ka pia zo hi,’ hong ci hi.

Isaiah 25:12

Amah in Moab miteʼ kulh muanhuaite suksiatsakin leilak denna dinga, leivui suak khin mang ding hi.

Thu-hilhkikna 2:19

Ammon miteʼ leitang na neih dingun khat zong hong pia lo ding ka hih manin, Ammon miteʼ gamgi na nai uh ciangin amaute gimsak kei unla, amaute tawh kido kei un; bang hang hiam cih leh a neih dingun Lotʼ suanlekhakte tungah ka pia khin hi,’ hong ci hi.

Isaiah 16:6

Tua ciangin Judah mite in, “Moabʼ kiphatsakna thu i za khinta hi. Amah kiphasak mahmah hi. A kiliatsakna, a kiphatsakna, a kihihsakna, ama kisialhnate khempeuh a mawkna ahi hi,” a ci uh hi.