Isaiah 14:3 - Tedim Bible Revision 2017

³ A haksa nasep hong kisepsakna, gimna le lungkhamna panin Topa in note tungah tawldamna hong piak ciangin,

Tedim Bible

³ A haksa nasep hong kisep sakna, gimna, salsuahna leh lungkhamna panin Topa in note tungah tawldamna hong piak ciangin,

Isaiah 14:3 Referans Kwoze

Jeremiah 30:10

“Tua ahih manin Topa in kong cih in ah: Ka nasem pa Jakobʼ suante aw, lau kei un. Israel mite aw, patau kei un. Bang hang hiam cih leh gamlapi gam panin no kong hon khia dinga, na suan na khakte uh a saltanna uh panin ka hon khia ding hi. Jakobʼ suante hong ciah ding uh a, nuam takin a tengkik ding uh hi. Kuamah in amaute a lausak nawn kei ding hi.

Isaiah 32:18

Ka mihingte pen kilem takin a teenna, lungmuang takin a omna, daitakin a tawlngakna munah om ding uh hi.

Zekhariah 8:8

Jerusalem khua sungah ka tunpihkik ding hi. Amaute pen keima mi hi-in, kei zong amauʼ Pasian ka hi dinga, amau tawh ka thuciamnate limtakin ka zui ding hi.

Mangmuhna 18:20

Vantung aw, ama siatna hangin lungdam in. Mi siangthote, sawltakte le kamsangte aw, note tungah hong gamtatna hangin Pasian in ama tungah thukhenna pia khinta ahih manin lungdam ta un,” a ci uh hi.

Ezekiel 28:24

Tua ciangin Topa in kei kiangah, “A kimkot a om Israel mi a simmawh minam dangte in tu-in simmawh nawn lo ding uh a, Israel mite sunin a nasak thei ding ling le lingkung tawh kibang nawn lo ding uh hi. Tua ciangin Topa ka hihna hong thei ding uh hi,” a hong ci hi.

Jeremiah 50:34

Ahih hangin amaute a hon khia pa hat mahmah a, Vanglian Topa kici hi. Amah in leitungah kilemna a omna ding le Babylon mite in gimna a ngah nadingin, amaute adingin a sem ding hi.

Isaiah 12:1

Ni khat ni ciangin mite in, “Topa aw, kei tungah na heh hangin na hehna dam ta a, kei hong hehnem na hih manin nang tungah lungdamna kong ko ding hi.

Isaiah 11:10

Tua ni ciangin Jessiʼ zung pen mihingteʼ tungah lim khat hi ding hi. Minamte in amah zong ding uh a, ama omna mun minthang mahmah ding hi.

Thu-hilhkikna 28:48

Topa in noteʼ langah a hong sawl ding na galte uhʼ na, gilkialna le dangtakna, pum guakin omna le na khempeuh kitangsapna tawh, na sem ding uh hi. Na galte un note hong suksiat matengin noteʼ ngawng ah sik hakkol hong thuah ding uh hi.

Zekhariah 8:2

amah in, “Jerusalem mite ka itluatna hangin Jerusalem khuapi ka huh nuam mahmah a, hih banga ka itluatna in a galte tungah ka heh hong suaksak hi.

Isaiah 40:2

Dam takin Jerusalem mite hopih un. Amauʼ gimna hun bei ta a, amauʼ mawhna kimaisakin, amauʼ khialhnate hangin Topa in a kicingin gim pia khinzo ta hi, ci-in amau tungah gen un.

Jeremiah 17:4

Note kong piak na gam uh zong na taan ding uh a, na theih ngei loh uh gam khat ah na galte uhʼ na ka hong semsak ding hi. Bang hang hiam cih leh ka hehna kitawhkuang a, a mit nawn kei ding hi,” a ci hi.

Jeremiah 30:8

“Vanglian Topa in kong cih in ah, tua ni ciangin amauʼ ngawng panin a hakkolte uh ka kuaihtansak dinga, a khaute ka su tat ding hi. Amaute, gamdang miteʼ salin a om nawn kei ding uh hi.