Isaiah 13:8 - Tedim Bible Revision 2017

⁸ Amaute in gim mahmahna le nat velvalna thuak ding uh a, numei nausuak ding bangin na sa ding uh hi. Amaute khatlekhat lamdangsakna tawh ki-en ding uh a, a maitangte un gimna mel pua ding hi.

Tedim Bible

⁸ amaute lau ding uh hi. Amaute in gim mahmahna leh nat velvalna thuak ding uh a, numei nausuak ding bangin na sa ding uh hi. Amaute khat leh khat lamdang sakna tawh ki-en ding uh a, a maitangte uh meikuang bang ding hi.

Isaiah 13:8 Referans Kwoze

1 THESALONIKA MASA 5:3

Mite in, “Thu khempeuh a hoih laitak hi a, bangmah patauh nading om lo hi,” a cih laitakin thakhat thu-in amaute tungah siatna hong tung vat ding hi. Nausuah natna bangin gimna thuak ding uh a, kuamah suakta lo ding uh hi.

Nahum 2:10

Nineveh khuapi kisusia a, kinusiacipin gamkhing suak hi. Launa lungsim tawh kidimin khukte liing kelkel a, mi khempeuh lunggimin a mai ah sisan teeng lo hi.

Isaiah 26:17

Topa aw, nangma hangin kote pen naupaii numei a hun a nai ciangin na sa-in kiheek a, a kap tawh ka kibang uh hi.

Johan 16:21

Numei in a ta a suah hun a tun ciangin na sa ahih manin a dah hi. Ahi zongin a ta a suah khit ciangin leitungah naungek khat a piangsak khin ahihna hangin lungdamin a natna teng a mangngilh ta hi.

Joel 2:6

Amaute hong pai ciangin mi khempeuh lau uh a, a maitang uh daang gawp hi.

Jeremiah 50:43

Babylon kumpipa in tua thu za khinzo a, bangmah a cih thei kei hi. Lungkhamin lumcip a, nupi nausuak ding bangin na a sa hi.

Jeremiah 30:6

Tu-in ngaihsun dih un. Pasalte nau a suak ngei uh hiam? Tua ahihleh bang hangin pasal khempeuh in numei nausuak dingte bangin a tai uh hum ahi uh hiam? Bang hangin a mai uh ah si teeng lo ahi hiam?

Jeremiah 4:31

Nau a suak ding numei a kiko bang khat ka za a, tacil a suak numeiʼ tauna tawh kibang hi. Zionʼ tanu husam liangin a kikona aw na hi a, a khut tegel zakin, “Gimna ka thuak ding hi. Kei hong that ding uh hi,” a ci hi.

2 KUMPI NIHNATE 19:26

a sunga teengte a hatna teng kilakhia-in, lungkia-in cih nading thei loin, gamlak singnote le lo ngeekte bangin, innkhum zanga lopate bangin a om laitak, a khan khit ma-in a sih ding ka geel sa ahi hi.

Jeremiah 13:21

Nangma lawm dingin na bawl mite teekteek in nang hong uk ni ciangin bang na ci ding hiam? Numei nausuakte in na a sak velval uh bangin nang zong na na sa ding hi.

Jeremiah 46:5

“A bangci mawk ahi hiam? Amaute lungmangin a nungkik ta uh hi. A galkapte uh kilehhawl a, lau-in tai keek mang mawk uh hi. Kinunglehheikik lo uh hi; mun khempeuh ah launa vive!

Jeremiah 48:41

A khuapite kila-in a kulhpite zong kila ding hi. Tua ni ciangin Moab galkapte nupi nausuak ding bangin a lau ding uh hi.

Jeremiah 49:22

En un, muvanlai bangin manlang takin galte hong leengin Bozrah khua a sim dingin tua khua tungah a kha hong zal ding uh hi. Tua ni ciangin Edom galkapte pen nupi nausuak dingte bangin a lau ding uh hi,” a ci hi.

Jeremiah 49:24

Damaskas khua mite tha zaw mahmah uh a, a tai mang dingin a kithawi uh hi. Lungkhamna, dahna le launa in amaute lencip a, nupi nausuak ding bangin a om uh hi.

Jeremiah 51:30

Babylon galkapte in do nawn lo uh a, a phualpi uh ah a khawl uh hi. A tha uh om nawn lo a, numei tawh a kibang uh hi. A innte uh kihalsak a, a khua kongpi a kikalhna siktawnte a kitan hi.

Ezekiel 20:47

Leitaw lam tulakte kiangah thu gen inla, Topaʼ thugen ngai un. Topa Pasian in hih bangin ci hi: ‘En un, tu-in gam hal a kipan ding ka hi a, na sunga om singkung a hing, a keu-in kaang tum mang ding hi. Kuamah in tua meikuang phelh zo lo ding hi. A taw panin a khung dongin kaang tum mang ding hi.

Hosea 13:13

Israel mite, naungek bangin a suahkhiat hun tung napi-in, a hai luat manun suak khia loin a nu uh sung mahah omom lai uh hi.

Late 48:7

Nisuahna huihpi tawh Tarshish kici teembaw liante nang na susia hi.