Isaiah 13:6 - Tedim Bible Revision 2017

⁶ Topa’ ni hong nai ta ahih manin nakpi takin kap un. Vanglian paʼ kiang panin suksiatna hong tung ta ding hi.

Tedim Bible

⁶ Topa’ ni hong nai ahih manin nakpi-in kap un; Vanglian Pa’ kiang panin suksiatna hong tung ta ding hi.

Isaiah 13:6 Referans Kwoze

Joel 1:15

Kalai! A hun hong nai ta! Topaʼ ni hong nai ta a, Vanglian paʼ suksiatna hun hong nai ta hi.

Zefaniah 1:7

Topa Pasianʼ mai ah gamdai takin om un! Topaʼ ni hong nai ta hi. Topa in biakna-a sa gawh bangin a mite a go dingin kithawi a, a gawh ding mite siansuah khin hi.

Amos 5:18

Topaʼ ni hong tun ding a ngaklah note adingin bangzah takin lauhuai ding ahi hiam? Note adingin tua ni a hoihna hong om ding ahi hiam? Tua ni pen lungzin ni hi a, lungtaii ni hi lo hi.

Isaiah 13:9

En un, leitung gamkhing suaksakin, leitung mawhneite a susia dingin hehna le sinsona tawh nasia takin Topa’ ni hong tung ding hi.

Mangmuhna 18:10

Ama thuakna kihta-in a gamlapi ah om ding uh a, “Hih a vanglian Babylon khuapi in a thuakna, bangzah takin lauhuai-in, bangzah takin nasia! Nai khat sung bekin hih zah gimna thuak!” ci ding uh hi.

Joel 2:11

Ama mihonpite tam mahmah uh ahih manin amaute thu pia-in a mai uh ah Topa awng a, ama thupiakna bangin a semte hat mahmah uh hi. Topaʼ ni ding kihtakhuai mahmah ahih manin a thuak zo ding kua om ding ahi hiam?

Jeremiah 51:8

Thakhat thu-in Babylon puk a, kisia gawp hi. Ama adingin kap un. A liammate adingin zatui la un, dam zo kha thei lai ding hi.

Isaiah 34:8

Topa in Zion a hotkhiat ding, a galte a thuksak ding hun khat a nei hi.

Isaiah 2:12

Bang hang hiam cih leh Vanglian Topa in a kiphasak le a kiliansak khempeuh, a kisangsak le a sangte khempeuh;

Jeim 5:1

A haute aw, tu-in ka thugen hong ngai dih un. Note tungah a hong tung ding lungkhamna hangin kapin thum un.

Malakhi 4:5

“Ahi zongin tua a lauhuai lian mahmah Topaʼ ni hong tun ma-in note kiangah kamsang Elijah kong paisak ding hi.

Zefaniah 1:14

Topaʼ ni hong nai ta a, nai mahmah in hong tung hathat hi. Tua Topaʼ ni hong tun ciangin galhang pente nangawn cimawhin kap ding uh hi.

Joel 2:31

Topaʼ ni, tua a lauhuai hun a hong tun ma-in ni hong mialin, kha, sisan hong bang ding hi.

Joel 1:13

Siampite aw, puanhampi silhin kap un; biakna tau-a nasemte aw, thumin tau un. Ka Pasianʼ na a semte aw, biakinn sungah tum unla, zan thapai-in dahna lim puanhampi silh un. Noteʼ Pasianʼ biakinn sungah piak ding an le leenggahzu khat zong om nawn lo hi.

Joel 1:5

No zukhamte aw, tho unla kap un. No leenggahzu nete aw, thumin tau un. Na zunek ding teng uh bei mang khinta hi.

Isaiah 14:31

“Filistia khuapi kongpite aw, nakpi takin kap un; khuapite aw, kiko un. Filistia mi khempeuh aw, lau-in liing un! Bang hang hiam cih leh leilu lam panin galkap honteʼ hong paina leivui khu hong kitung a, tua galkapte a meidawi khat beek om lo hi,” hong ci hi.

JOB (Job) 31:23

Pasianʼ gimpiak ding kihta ka hih manin, tua bang peuhmah ka gamta ngei kei ding hi.

Joel 1:11

Lokhote aw, dah un; leenggui ciingte aw, kap un; mangbuh le mangbuhham, lo an khempeuh a bei ta hi.

Ezekiel 21:12

Mihing ahi Ezekiel aw, awng inla kiko in. Hih namsau pen ka mihingte le Israel makai khempeuh a kisawmna ahi hi. Amaute pen ka mite khempeuh tawh a kithat khawm ding ahi hi. Dahna tawh na dip hum in.

Jeremiah 49:3

Heshbon khua mite aw, kap un! Ai khua kisia khinta! Rabbah khua numeite aw, kap un! Puanhampi silh unla kap un. Khua lakah lung-amin kawi taitai un. Bang hang hiam cih leh na Milkom pasian uh le a siampite le a uliante hong kilak khiatsak ding hi.

Isaiah 65:14

Ka nasemte in lungdamin la sa ding uh a, note in lungsim na sa-in kiko-in, lungsim gimna hangin na tau ding uh hi.

Isaiah 52:5

Tu-in Babylon ah tua bangmahin amaute tungah piang leuleu hi. Thu om lopi-in salin om uh hi. Amau a ukte, kihihsakna tawh awng uh a, sun thapai-in keima min kisimmawh hi.

Isaiah 23:1

Taia khua tawh kisai thu hih bangin gen hi: Tarshish teembaw hawlte aw, Taia khua kisia a, inn le khawlmunte om nawn lo ahih manin kap un! Saipras gam panin amaute in hih thu hong za uh hi.

Jeremiah 25:34

“No makaite aw, tau unla, kap un; vut lakah kikhuk un, no uliante aw. Bang hang hiam cih leh hong kithahlup ni ding le na kikhenthang ni ding uh hong tung zo hi; tuutal teelte bangin hong kithat lum ding hi.

Isaiah 10:3

Gimpiak ni hun, gamlapi panin huihpi hong nun ciangin note in bang cih ding na hi uh hiam? Huhna ngenin kua kiangah tai dinga, na neihsa uh koi lai ah koih ding na hi uh hiam?

Isaiah 10:25

Bang hang hiam cih leh a sawt loin note tungah ka thangpaihna bei dinga, ka hehna amauteʼ tung tu-in, amaute sia ding uh hi.

Isaiah 14:23

Saphulipteʼ om nadingin tua khuapi bawlin, bualtui ka suaksak dinga, siatna munphiah tawh ka phiat khia siang ding hi,” Vanglian Topa in ci hi.

Isaiah 34:2

Bang hang hiam cih leh minam khempeuh tungah Topa lunghamin, amaute khempeuh tungah heh mahmah a, a si mang dingin amaute koihin, thah dingin a pia khinta hi.

Isaiah 47:11

Ahih hangin nangmah in na beisak theih loh lungkhamna na tungah hong tung dinga, nangmah in maisakna na ngah theih loh gimna nang tungah hong tung ding hi. A thu na theih het loh siatna na tungah hong tung vat ding hi.

Isaiah 61:2

Topa in a mite hon khia-in, a galte a guallelhsak ding hun a tunna thu a gen ding, a thum mi khempeuh a hehnem ding,

Ezekiel 13:5

Amaute in kulh a kicipna munte cing lo uh a, a kicimte ciangkik lo uh ahih manin Topaʼ ni-in gal hong tun ciangin Israel-te hu zo lo ding uh hi.

Daniel 5:9

Tua tak ciangin kumpi Belshazzar lungkham mahmah in a mel daang semsem a, a mi liante in a cih nading mel a thei kei uh hi.

Daniel 5:26

A khiatna zong hih bang ahi hi: Mene pen kisim a cihna hi a, Pasian in na gam ukna hong simsak a, a beisak ta hi, cihna ahi hi.

Zekhariah 14:1

Topa in na hong sep hun hong tung ding hi. Jerusalem khuapi kiluh gawpin, noteʼ muh mahmah in a na lakte uh hawm ding uh hi.

Isaiah 63:4

Ka mite ka hotkhiat ding hun ta ka sa a, a galte uh gimpiak ding a hun hi ta hi, ci-in ka ngaihsun hi.

Joel 2:1

Zion mual tungah peengkul tum unla, Pasianʼ mual siangtho tungah pataukohna tum un. Topa ni hong nai ta ahih manin gam sung mi khempeuh lau ta uh hen.