Isaiah 13:10 - Tedim Bible Revision 2017

¹⁰ Bang hang hiam cih leh vantung aksite le amauʼ aksi honpite in khuavak pia khia lo ding hi. Ni a suah tung a kipan mial dinga, kha in zong khuavak taang khiasak lo ding hi.

Tedim Bible

¹⁰ Bang hang hiam cih leh vantung aksite leh amau’ aksi honpite in khuavakna piakhia lo ding hi; ni a suah tung akipan mial ding a, kha in khuavak taangkhia sak lo ding hi.

Isaiah 13:10 Referans Kwoze

Mattiu 24:29

“Tua gimna hun a tun khit phetin ni hong mialin kha hong taang nawn lo dinga, vantung panin aksite hong kia dinga, vantung a om nate a pai ngei-in pai thei loin lampial gawp ding hi.

Marka 13:24

“Tua haksatna hun khit ciangin ni hong mial dinga, kha hong taang nawn lo ding hi.

Joel 2:31

Topaʼ ni, tua a lauhuai hun a hong tun ma-in ni hong mialin, kha, sisan hong bang ding hi.

Mangmuhna 8:12

A lina vantungmi in a peengkul hong tum a, ni seh thum suah seh khat kisat khia-in, kha zong seh thum suah seh khat mah kisat khia a, aksi zong seh thum suah seh khat mah kisat khia ahih manin a taanna uh seh thum suah seh khat ciat a bei hi. Sunin hun seh thum suah seh khat tang khua vak lo a, zanin zong hun seh thum suah seh khat tang mah kha le aksi taang lo hi.

Luka 21:25

“Ni, kha le aksite tungah lim hong om ding hi. Tuipi ging le tuihual liante kihtakna hangin leitung mi khempeuh lau-in lunggim ding uh hi.

Joel 3:15

Ni le kha mial ta a, aksite zong taang nawn lo hi.

Isaiah 5:30

Tua ni ciangin amaute in tuipi ging bangin Israel ngik ding uh hi. Mi khatpeuh in hih gam sung en leh khuamial le lungzinna bek om a, meiite in khua a mialsak hi.

Joel 2:10

Amauʼ mai ah leipi liing a, vanpi nangawn liing damdam hi. Ni le kha zong mial ta a, aksite zong taang nawn lo hi.

Isaiah 24:23

Tua ciangin khapi mial dinga, ni taang nawn lo ding hi. Bang hang hiam cih leh Vanglian Topa in Zion Mual tung le Jerusalem khua sungah uk dinga, ama upateʼ mai ah ama minthanna vang kilangsak ding hi.

Isaiah 24:21

Tua ni ciangin Topa in vantung a om mihonpite le leitung kumpite gim pia ding hi.

Sawltak 2:20

Topaʼ ni, a lian thupi ni, hong tun ma-in ni hong mialin, kha, sisan hong bang ding hi.

JOB (Job) 9:7

Amah in ni a suak lo dingin thu pia a, aksite sincip hi.

Thuhilh-sia 12:2

Lungkham hun i cih in: Nang adingin nitaang, khataang, aksi taangte a dialh hun, meiipi kai a then nawn loh hun,

Isaiah 47:5

Babylon aw, gamdai takin tu inla, khua mialna sungah pai in; bang hang hiam cih leh nang pen kumpi gamteʼ tonu, hong kici nawn lo ding hi.

Isaiah 50:3

Vantungte khuamial ka silhsak a, amauʼ kituam nadingin puanhampi ka bawl hi,” a ci hi.

Amos 5:20

Topaʼ ni pen khuavak ni hi loin khuamial ni hi a, maitaina a om lo lungzin ni ahi hi.

Nahum 1:8

Tuikhang in a suksiat bangin a langte susia gawp a, a galte khempeuh khuamial sungah a nawt khia hi.

Zekhariah 14:6

Tua ni hong tun ciangin khua dam, vuk kiat cihte om nawn lo dinga,