Isaiah 13:1 - Tedim Bible Revision 2017

¹ Amozʼ tapa Isaiah in Babylon siat nading tawh kisai a thumuhnate:

Tedim Bible

¹ Amoz’ tapa Isaiah in Babilon siatna ding tawh kisai a muhnate a genna:

Isaiah 13:1 Referans Kwoze

Jeremiah 50:1

Khaldea miteʼ gam sungah a om Babylon khuapi tawh kisai-in Topa in hih bangin kei tungah a hong gen hi:

Isaiah 1:1

Judah gam kumpi ahi Uzziah, Jotham, Ahaz le Hezekiah-teʼ hun lai-in Amozʼ tapa Isaiah in Judah gam le Jerusalem khua tawh kisai a maangmuhnate:

Daniel 5:28

Parsin pen kikhen cihna hi a, na gam kikhen khamin Media le Persia-te a kipia zo hi, a cihna ahi hi,” a ci hi.

Daniel 5:6

Tua ciangin kumpipa lau lua mahmah a, a mai daang gawpin a khut a liing kauhkauh hi.

Isaiah 15:1

Moab gam tawh kisai thu: Zan khat thu-in Ar khua kisiasak ahih manin Moab gam a bei hi. Zan khat thu-in Kir khua kisiasak ahih manin Moab gam a bei ta ahi hi.

Isaiah 14:28

Kumpi Ahaz a sih kumin thu hong tung a,

Isaiah 13:19

Khaldea miteʼ hoihna, a kiphatsakpih, kumpi gam a minthang bel Babylon khuapi pen Pasian in Sodom le Gomorrah a siatsak lai hun bang ding hi.

Malakhi 1:1

Topa in Malakhi tungtawnin Israel-te tungah thu gen hi.

Zekhariah 9:1

Topaʼ thugenna: Hadrak gam miteʼ gimtuahna ding Topa in thu khen zo a, Damaskas khuapi in zong tuak ding hi. Israel minam khempeuh, Topa-aʼ ahih mah bangin leitung minam khempeuh zong Topa-aʼ mah ahi hi.

Habakkuk 1:1

Hih pen kamsang Habakkuk tungah Topa in maangmuhna sungah a gen thu ahi hi.

Nahum 1:1

Hih pen Nineveh khua tawh kisai thu genna hi a, Elkosh khuami Nahumʼ maangmuhna a kiciaptehna lai ahi hi.

Ezekiel 12:10

Topa Pasian ahi keimah in amaute kiangah ka gen thu tu-in gen in. Tua thu pen Jerusalem khua sung a uk ulian pa le Jerusalem khua sungah a teeng mi khempeuhte ading ahi hi.

Isaiah 43:14

Israel-teʼ Siangtho Pa, note a hong hon Topa in hih bangin ci hi: “Noteʼ hangin Babylon ah galkapte puakin, khua kongpi sikzawl khempeuh ka kuaitan dinga, Khaldea miteʼ kikona pen tauna awging ka suaksak ding hi.

Isaiah 22:25

Tua ni ciangin mun hoihna a a kikhen vankhai in lel ding hi. Topa in gen khin ahih ciangin, amah pen kitanin kia dinga, ama tunga van gik kikhai teng kisia ding hi,” Vanglian Topa in hong ci hi.

Isaiah 22:1

Maangmuhna Kuam tawh kisai thu hih bangin gen hi: Kikona tawh a kidim, a gamlum khuapi, lungdamin a diang khua aw, note khempeuh, innkhum zang ah na kah toh uh bang na cihnopna uh ahi hiam? A kithat nangma mite pen namsau tawh a kithat hi lo a, gal sung a si hi lo uh hi.

Isaiah 21:13

Arabia gam tawh kisai thu hih bangin gen hi: Dedan mi khualzin honte aw, Arabia gamlak ah na giak ding uh hi.

Isaiah 19:1

Egypt tawh kisai thu hih bangin gen hi: A manlang mahmah meii tungah Topa tuangin Egypt gamah a pai hi. Ama mai ah Egypt gam milimte lau-in liing ding uh a, Egypt miteʼ hanna bei ta ding hi.

Isaiah 17:1

Damaskas tawh kisai thu hih bangin gen hi: En un, Damaskas pen khuapi hi nawn loin ninbu lomtang suak ding hi.

Zekhariah 12:1

Vanpi zalin leitung piangsak a, mihingte tungah nuntakna a pia Topa in Israel mite tawh kisai-in thu gen a,

Mattiu 1:11

Josiah ta Jekhoniah le a sanggamte hi a, Babylon gamah Israel mite salin a kipaipih hun pawlin a suak ahi uh hi.

Mangmuhna 14:8

Tua ciangin vantungmi a nihna in hong zui a, “A Lian Babylon khuapi kicim, kicim! Amah a huk a lanna leenggahzu, mi khempeuh tungah pia-in khamsak a, gimna thuaksak hi,” a ci hi.

2 KUMPI NIHNATE 9:25

Jehu in amah a huhpa Bidkar kiangah, “Amah tawm to inla, Jezreel mi Nabothʼ neihsa lo lai ah amah paai in; bang hang hiam cih leh nang le kei, a pa Ahabʼ nungah mai kimin i tuan laitakin amah langpangin Topa in hih thu a genna phawk in:

Isaiah 20:2

Tua hun ma kum thum laitakin Topa in Amozʼ tapa Isaiah tungtawnin thu genin, “Na puanhampi suah inla, na khe panin na khedapte suah in,” a ci hi. Amah zong tua mah bangin gamta-in, tangguak le kheguak tawh lam a pai hi.

Jeremiah 24:1

Babylon Kumpi Nebukhadnezzar in Jerusalem khua panin Jehoiakimʼ tapa Judah kumpipa Jehoiakhin le Judah kumpi uliante, khutsiamte le sikseek siamte, Babylon khua ah sal dingin a paikhiatpih khit ciangin Topa in hih maang hong musak hi. Topaʼ biakinn mai ah theigah bawm nih dim ka mu hi.

Jeremiah 28:8

Nang le keiʼ ma-in a om, tanglai-a kamsangte in gam tampi le gam lianteʼ tungah gal ahi zongin, kial ahi zongin, pulnatna ahi zongin hong tung ding hi, ci-in a gen khol zo uh hi.

Jeremiah 51:51

Note in, ‘Kote in maizumna ka thuak uh a, simmawhna kam ka za khin uh hi. Min siatna in ka maitang uh hong tuam khin hi. Bang hang hiam cih leh Topaʼ biakinn siangtho gamdang mite in a hong laksak uh hi,’ na ci uh hi.