Isaiah 12:6 - Tedim Bible Revision 2017

⁶ Zion-a teeng mite aw, nomauʼ lakah Israel-teʼ Siangtho Pa lianin om ahih manin lungdamin awng unla, lungdamin la sa un,” a cih hun uh hong tung ding hi.

Tedim Bible

⁶ Zion-a teeng mite aw, nomau’ lakah Israelte’ Siangtho Pa lianin om ahih manin awng un la, lungdamin la sa un,” a cih hun uh hong tung ding hi.

Isaiah 12:6 Referans Kwoze

Zekhariah 2:5

Tua khuapi a hu dingin mei kulh bangin Topa mahmah a omna ding le tua khua sungah a minthanna tawh a ten nading thu, Topa in kamciam zo hi, ci-in va gen in,” a ci hi.

Late 9:11

Zion ah a om Topa phatna la sa un! Ama nasepnate miteʼ lakah gen un!

Isaiah 41:14

Lungno bang ahi lel Jakob, no Israel mite aw, lau kei un! Note kong huh ding hi, Topa in ci hi. Note hong honpa pen Israel-teʼ Siangtho Pa ahi hi.

Ezekiel 48:35

Khuapi kimkot a sauna pi tul sawm thum za nih sawm li pha a, tu a kipanin hih khuapi min pen, ‘Hih lai ah Topa om hi,’ kici ding hi,” hong ci hi.

Isaiah 54:1

Ta a nei lo, a ciing mi aw, lungdamin la sa in. Nausuak natna a thuak ngei lo mi aw, la sa khia inla, a gingin kiko in! Bang hang hiam cih leh a kinusia numeiʼ tate pen a kiteen pih numeiteʼ tate sangin tam zaw ding hi, Topa in ci hi.

Isaiah 41:16

Amaute na haih ding uh a, huih in amaute mut khia dinga, huihpi in amaute thehthang ding hi. Tua ciangin Topa’ hangin na lungdam ding uh a, Israel-teʼ Siangtho Paʼ hangin na minthang ding uh hi.

Isaiah 40:9

Jerusalem aw, mual sang dawnah kah to-in lungdamna thu kiko in. Zion aw, nakpi takin awng inla, lungdamna thu taangko in. Nakpi takin kiko inla, lau kei in. Judah gam khuapite tungah, “Na Pasian uh hong pai ta hi,” ci-in gen ta un.

Late 71:22

Ka Pasian aw, na thumannate hangin kei zong harp lasakna tawh nangmah kong phat ding hi. Israel-teʼ Siangtho Pa aw, laiza lasakna tawh nangmah phatna ka sa ding hi.

Zefaniah 2:5

Tuipi gei ah a gual ten, no Filistia gam mite aw, gimna na ngah ding uh hi. Filistia miteʼ teenna Kanaan leitang aw, Topa in nang tungah thu hong khen zo hi. Mi khempeuh a bei mang dongin hong susia ding hi.

Ezekiel 43:7

“Mihing ahi Ezekiel aw, hih lai munah ka kumpi tokhom om hi. Israel mite lak hih lai munah ka teng dinga, amaute ka uk tawntung ding hi. Israel mite le a kumpite un pasian dang biakna tawh ahi a, a kumpi si sate uh phawk nading mual bawlna tawh ahi zongin ka min siangtho daisak ngei nawn lo ding uh hi.

Isaiah 49:26

Nang hong nengniam mite pen amauʼ satak mah ka nesak dinga, zukham bangin amauʼ si mah a kham ding uh hi. Tua ciangin kei pen Jakobʼ Vanglian Pa, nang hong Tan khia pa, nang hong Hon Topa ka hihna mi khempeuh in hong thei ding uh hi,” a ci hi.

Isaiah 33:24

I gamah a teeng mite kuamah in, “Ka ci na hi,” ci nawn lo ding uh a, mawhna khempeuh kimaisak ding hi.

Isaiah 30:19

Jerusalem khua sunga a teeng, Zion sunga om mite aw, note na kap nawn kei ding uh hi. Noteʼ kahna aw hangin Topa in hong hehpih taktak dinga, amah in a zak ciangin note hong dawng ding hi.

Isaiah 24:23

Tua ciangin khapi mial dinga, ni taang nawn lo ding hi. Bang hang hiam cih leh Vanglian Topa in Zion Mual tung le Jerusalem khua sungah uk dinga, ama upateʼ mai ah ama minthanna vang kilangsak ding hi.

Isaiah 10:24

Tua ahih ciangin Topa, Vanglian Topa in thu gen a, “Zion ah a teeng ka mihingte aw, Egypt miteʼ hih bangin amaute in molhtum tawh hong satin a ciangkhut uh hong liik ciangin Assiria mite kihta kei un.

Isaiah 8:18

En un, Topa in kei hong piak ka tate le keima pumpi pen Zion Mual tungah a teeng Vanglian Topa’ tung panin Israel miteʼ sungah lim le kihilna ka hi uh hi.

Late 132:14

“Hih mun pen ka om tawntung nading ahi hi; hih mun deih ka hih manin hih lai ah ka teeng ding hi.

Late 89:18

Kote a hong hu Topa hi a, Israel-teʼ Siangtho Pasian nangmah in ka kumpipa uh nong pia hi.

Late 68:16

Dawnzum tampi a nei mual aw, Pasian in ama om nadingin a deih mual Pasianʼ om tawntung nading mun bang hangin simmawh et na hi hiam?

Late 46:5

Ama laizang ah Pasian om a, amah a kiliing kei ding hi. Pasian in phalvak tungin amah huh ding hi.

Late 99:2

Zion khuapi ah Topa lian a, amah in leitung mi khempeuh uk hi.

Isaiah 1:24

Tua ahih ciangin, Topa, Vanglian Topa, Israel-teʼ Vanglian Pasian in hih bangin ci hi: “Ah, ka lang ahi noteʼ tungah ka hehna kong khah khia dinga, ka gal ahi note tungah keimah in kong thuk ding hi.

Isaiah 24:14

A suakta sun mite in lungdamin la sa ding uh hi. Nitumna lam a om mite in Topa a liat mahmahna thu gen ding uh hi.

Isaiah 60:16

Nupi khat in a ta nawi pia-in limtakin a kep bangin, minamte le kumpite in nang hong vakin hong kem ding uh hi. Tua ciangin kei pen Topa, nangmah a hong Honpa, nangmah a hong Tan khia pa, Jakobʼ Vanglian Pa ka hihna na thei ding hi.

Jeremiah 10:6

Topa aw, nang tawh a kibang kuamah om lo hi. Nang na lian a, na min vanglian mahmah hi.

Ezekiel 35:10

“Kei pen Israel le Judah miteʼ Topa Pasian hi napi-in, hih minam nihte nangma aʼ in ngaihsunin a luah dingin na kigen hi.

Ezekiel 39:7

Keima mi Israel-te lakah ka min siangtho ka kitheisak dinga, keima min a daii dingin ka omsak nawn kei ding hi. Tua ciangin keimah pen a Siangtho, Israel-teʼ Pasian ahi Topa ka hihna thu minam khempeuh in hong thei ding uh hi,” hong ci hi.

Ezekiel 48:8

“Tuate zomah Pasian adingin a kipia leitang hi dinga, a zaina pen leilu lam panin a kipan leitaw lam tai sawm hi ding hi. A dunglam pen gambup nisuahna gamgi panin gambup nitumna gamgi dong, minam dangteʼ ngah zah tan mah hi dinga, a laizang sanah biakinn om ding hi.

Hosea 11:9

Ka heh manin gim kong pia kei dinga, no Israel-te kong susia kei ding hi. Bang hang hiam cih leh keimah, mihing hi loin, Pasian ka hi hi. Kei a Siangtho Pa, note tawh kong om khawm a, a hehsa-in note kiangah kong pai kei ding hi.

Gamlak-vakna 23:21

Amah in Jakob mite tungah mawhna mu lo a, Israel mite tungah gamtat siatna mu lo hi. Topa amauʼ Pasian, amaute tawh om a, kumpipa phatna awging amauteʼ lakah om hi.

Thu-hilhkikna 23:15

“A topaʼ kiang panin no kiangah a hong tai sila, a topa kiang mahah na apkik kei ding uh hi.

Late 135:21

Jerusalem inn-a a nei, Zion-a om Topa in thupha ngah tahen. Topa phat un.

Isaiah 33:21

Tua khua sungah Topa in ama minthanna vang hong langsak dinga, a zai gunte le a zai lui geite ah i teeng ding hi. Tua tuite tungah ei hong do ding gal gunkuang hong kihot nawn lo dinga, gal teembaw zong hong pai nawn lo ding hi.

Joel 2:27

Tua ciangin no Israel mite lakah kei ka omna thu, keimah Topa pen noteʼ Pasian ka hihna thu, kei sim loh kuamah dang a om lohna na thei ding uh hi. Ka mite hong kisimmawh nawn lo ding hi.

Zekhariah 2:9

Topa mahmah in note hong su dinga, nidang a noteʼ na hong sepsak mite in tu-in noteʼ nate hong leh suhkik ding uh hi, hong cisak hi. Hih bangin thu hong pian ciangin Vanglian Topa in kei hong sawl ahih lamtak na thei ding uh hi.