Isaiah 12:4 - Tedim Bible Revision 2017

⁴ Ni khat ni ciangin mite in, “Topa’ tungah lungdam ko unla, ama hong huh ding ngen un. Minam khempeuh lakah ama septe kitheisak unla, ama min kiliansak hi, ci-in gen un.

Tedim Bible

⁴ Ni khat ni ciangin mite in, “Topa’ tungah lungdamna ko un la, a min lo-in, ama hong huh ding ngen un; minamte khempeuh lakah ama septe kitheisak un la, ama min kiliansak hi, ci-in gen un.

Isaiah 12:4 Referans Kwoze

Late 105:1

Topa tungah lungdamna ko-in, ama min phat unla, ama sepnate khempeuh mite lakah kitheisak un.

1 KHANG TANGTHU MASATE 29:11

Topa aw, liatna, vangliatna, minthanna, gualzawhna le min liatnate nangma aʼ ahi hi; bang hang hiam cih leh vantung le leitungah a om khempeuh zong nangma aʼ ahi hi. Topa aw, kumpi gam nangma aʼ hi a, tuate khempeuh tungah nang a lutangin hong kisangsak hi.

Isaiah 25:1

Topa aw, nang pen keima Pasian na hi hi. Nangmah kong liansak dinga, nangma min ka phat ding hi. Bang hang hiam cih leh a lamdang nate na sem khin a, tanglai pek a na geelnate a kip a kho takpi ahi hi.

Johan 17:26

Kei na hong itna zah itna mah amaute sungah omin, amaute tawh kei ka om khawm theih nadingin amaute tungah nangma min ka gen khin a, mai lamah zong ka gen lailai ding hi,” ci-in thu a ngen hi.

Jeremiah 50:2

“Gam khempeuh ah genin taangko unla, dial khai unla im kei un. ‘Babylon khuapi kia ta hi. Bel pasian maizum ta a, Merodak pasian kitan gawp ta hi. A milimte uh maizum ta a, a pasian-te uh kisia gawp ta hi,’ ci-in taangko un.

Late 57:5

Pasian aw, vantungah na liatna kilangsak in. Leitung khempeuh ah na minthanna omsak in.

Late 18:46

Topa hing hi. Keima suangpi in thupha ngah henla, ka kihotkhiatna Pasian,

Nehemiah 9:5

Tua ciangin Levi mi Jeshua, Kadmiel, Bani, Hashabneiah, Sherebiah, Hodiah, Shebaniah le Pethahiah-te in, “Ding un, Topa na Pasian uh phat unla, ‘A tawntung pan a tawntung dongin a minthang na min in thupha ngah a, thupha khempeuh le phatna dang khempeuh sangin a sang zaw hi.

Paikhiatna 33:19

Amah in, “Keima hoihna khempeuh na mai ah ka paisak dinga, na mai ah keima min, ‘Topa’ cihna ka pulak ding hi. Ka diknopna mite tungah ka dik dinga, ka hehpih nop mite ka hehpih ding hi.

Paikhiatna 15:2

Topa, kei a hong hupa hi a, keimah hong hon khia pa ahi hi. Amah, keima Pasian hi a, amah ka phat ding hi. Ka paʼ Pasian hi a, amah ka liansak ding hi.

Isaiah 66:19

amauteʼ lakah lim khat ka khai ding hi. Amauʼ sung panin, minamte tung, Tarshish mite tung, Put mi le Lud mite tung, Meshek mite tung, Tubal mi le Javan mite tung, ka min hoihna a za ngei lo, ka minthanna a mu ngei lo tuipi gei-a om gam mite tungah a suakta lai mite ka sawl ding hi. Amaute in minamte lakah ka minthanna genthang ding uh hi.

Isaiah 33:5

A sangna munah teeng ahih manin Topa kipahtawi hi. Amah in thutang le thuman tawh Jerusalem dimsak ding hi.

Isaiah 24:15

Nisuahna lam a om mite in Topa phat ding uh hi. Tuipi dunga teeng mite in Topa, Israel-teʼ Pasian phat ding uh hi.

Isaiah 12:1

Ni khat ni ciangin mite in, “Topa aw, kei tungah na heh hangin na hehna dam ta a, kei hong hehnem na hih manin nang tungah lungdamna kong ko ding hi.

Isaiah 2:17

Miteʼ kiliatsakna kiniamkhiat dinga, miteʼ kiphatsakna a niamin kikoih suk ding hi. Tua ni ciangin Topa bek a lianin kikoih ding hi.

Isaiah 2:11

Miteʼ kiliatsakna pen kiniamkoih dinga, mihingteʼ kiphatsakna pen kiniamkhiat ding hi. Tua ni ciangin Topa bek a lianin kikoih ding hi.

Late 113:5

A sangna munah a tu, vantung le leitung a hong en suk Topa, eiteʼ Pasian pen kua tawh kibang ahi hiam?

Late 107:22

Lungdam koh piaknate pia-in ama nasepnate lungdam la tawh amaute gensak un.

Late 97:9

Bang hang hiam cih leh Topa aw, leitung khempeuh a ukpa na hi a, pasian dang khempeuh sangin nakpi takin na lian zaw hi.

Late 96:3

Ama minthanna minamte lakah gen unla, ama nalamdang septe mi khempeuh lakah pulak un.

Late 73:28

Ahih hangin kei adingin Pasianʼ kiangah om ding a hoih ahi hi. Na sepnate khempeuh ka gen theih nadingin Topa Pasian kong bel hi.

Late 46:10

“Om hithiat unla, Pasian ka hihna thei un. Minamte lakah keimah hong kisangsak a, leitung khempeuh ah ka min hong kithangsak hi,” a ci hi.

Late 40:5

Topa ka Pasian aw, na sep a lamdangte le ko adingin na ngaihsutnate tampi tak na phasak a, kuamah dang tawh tehtheih na hi kei hi. Tuate pulakin gen ding hi leng, gen khit zawh ding hi lo hi.

Late 34:3

Kei tawh Topa nak phat un, ama min pahtawi khawm ni!

Late 22:31

a suak nai lo mite tungah ama sep sa, hotkhiatna thu gen ding uh hi.

Late 21:13

Topa aw, na hatna hangin nang hong kipahtawi tahen! Nangma vangliatna la sa-in kong phat ding uh hi.

Late 9:11

Zion ah a om Topa phatna la sa un! Ama nasepnate miteʼ lakah gen un!

1 KHANG TANGTHU MASATE 16:8

Topaʼ tungah lungdamna ko-in, ama min lo unla, ama septe khempeuh miteʼ lakah kitheisak un!

Late 148:13

Topaʼ min phat un. Bang hang hiam cih leh amah bek a min lian hi a, ama minthanna pen leitung le vantung sangin sang zaw lai hi.

Isaiah 26:8

Topa aw, nangma deihna kong zui uh a, nang kong ngak uh hi. Nang pen koteʼ deih kicinna na hi hi.

Isaiah 42:12

Topa’ minthanna gensak unla, tuipi gei-a gamte ah amah phatna gensak un.

Isaiah 48:20

Babylon panin pai khia-in Khaldea gam panin tai inla, lungdamna tawh hih thu genin taangko inla, leimong dongin puak in. “Topa in ama nasem Jakob hon khia khinzo!” ci-in gen kawikawi in.

Malakhi 1:11

Leitung khempeuh ah a om minam khempeuh in kei hong zahtak uh a, kei adingin mun khempeuh ah paknamtui halin, a kisang thei ding biakpiakna hong pia uh hi. Mi khempeuh in kei hong zahtak uh hi.

Late 68:5

Pa nei loteʼ pa le meigong numeite a hupa pen, a siangtho mahmah ama omna ah a om Pasian ahi hi.