Isaiah 12:3 - Tedim Bible Revision 2017

³ Tui siangtho in a dangtakte a lungdamsak mah bangin, Pasianʼ hotkhiatna in a mite lungdamsak ding hi.

Tedim Bible

³ Tui siangtho in a dangtakte a lungdamsak mah bangin, Pasian’ hotkhiatna tuikhuk in a mite lungdamsak ding hi.

Isaiah 12:3 Referans Kwoze

Mangmuhna 22:17

Kha Siangtho le Mothak in Jesu kiangah, “Hong pai in,” a ci uh hi. Hih thu a za mi khempeuh in zong Jesu aw, “Hong pai in,” ci ta uh hen. A dangtak mi khempeuh hong pai uh henla, a deih khempeuh in nuntakna tui a khongin hong la ta uh hen.

Mangmuhna 22:1

Tua ciangin vantungmi in Pasian le Tuuno tokhom panin a hong luang khia, kristal suangmanpha bangin a tee selsel gun tui hong lak a,

Mangmuhna 7:17

Bang hang hiam cih leh Tokhom laizang ah a om Tuuno, amaute a kem pa hi dinga, nuntakna tui omna ah amaute paipih dinga, Pasian in a khitui khempeuh uh nulsak ding hi,” hong ci hi.

Jeremiah 2:13

Bang hang hiam cih leh ka mite in mawhna nam nih a bawl zo uh hi. Nuntakna ciktui ahi keimah a hong taisan zo uh hi. Tuikhuk to tawm uh a, a tuikhuk tawh uh keu-in, tui a vung thei kei hi.

Isaiah 49:10

Amaute gilkial loin, dangtak lo ding uh a, huih sa le nisa in amaute su kha lo ding hi. Bang hang hiam cih leh amaute a hehpih pa in amaute lamkaih dinga, ciktui kiangah amaute paipih ding hi.

Johan 1:16

A kicing ama hong itna hangin eite khempeuh tungah thupha a banbanin hong pia hi.

Late 36:9

Bang hang hiam cih leh nuntakna tuinak nangmah tawh om a, na khuavak sungah kote in khuavak ka mu uh hi.

Solomon la 2:3

Ka ngaihno tangval dang tawh teh lehang gamlak singkung lak a a om epel kung tawh kibang hi. Ama liim ah ka tu nuam a, a gahte lim ka sa hi.

1 SAMUEL MASA 2:1

Hannah in zong thu ngenin, “Topaʼ tungah ka lungdam a, Topaʼ hangin ka kipak hi. Nong huhna hangin ka galte ka nuihsan hi.

Isaiah 41:18

Bangmah a om lohna a sangna munte panin gunte ka luangsak dinga, kuamteʼ laizang ah tuikhukte ka omsak ding hi. Sehnel gam pen bualtui ka suaksak dinga, lei keuna mun pen ciktui ka suaksak ding hi.

Ezekiel 47:9

Hih tui a luanna mun peuhpeuh ah ganhing namkim le ngasa tampi om hi. Hih tui in Si Tuipi tui siangsakkikin, a luanna peuhpeuh ah nuntakna omsakkik ding hi.

Late 87:7

Tua sunga teeng mite in, “Koteʼ lungdamna khempeuh nangma sungah om hi,” ci ciat ding uh hi.

Zekhariah 13:1

“Tua ni hong tun ciangin Davidʼ suanlekhakte le Jerusalem khua miteʼ mawhna le nitna teng khempeuh a silsiang dingin tuinak khat hong phul ding hi.