Isaiah 11:4 - Tedim Bible Revision 2017

⁴ Thumanna tawh mizawngteʼ thu khenin, lungsim nem miteʼ thu ahi bangin khensak ding hi. Ama kam panin a thupiakna tawh leitung mite gim kipia dinga, a muk panin a thugenna tawh migilote si ding uh hi.

Tedim Bible

⁴ a kitangsam mite thumanna tawh thukhensak ding a,, mizawngte’ thu a tangin khensak ding hi; ama kam pan a, molhtum tawh leitung mite daan kitat ding a, a muk pan a, a husan’na tawh mi gilote si ding uh hi.

Isaiah 11:4 Referans Kwoze

2 THESALONIKA NIHNA 2:8

A khamcip pa a kilakkhiat khit ciangin A Gilopa hong kilang dinga, Topa Jesu hong pai ciangin tua A Gilopa mut lum dinga, vanglian minthangin hong kilatna tawh a maimangsak ding hi.

Mangmuhna 19:15

Minam dangte a zawh gawp nading namsau hiam khat a kam sung panin a pusuak hi. Amah in sik ciangkhut tawh minam dangte ukin, a Vanglian Pasianʼ heh mahmahna tawh leenggah cilna ah leengtui a suk khia ding hi.

Malakhi 4:6

Amah in pate le tate lemtuah in a kilemsakkik ding hi. Tua bang hikeileh keimah hong pai-in na gam khempeuh uh ka susia gawp ding hi,” ci hi, a ci hi.

JOB (Job) 4:9

Pasianʼ husanna tawh tua bang mite sia a, ama hehna in tua bang mite kaang tum hi.

Mattiu 5:5

A lungnem mite in Pasianʼ ciam sa leitang ngah ding uh ahih manin thupha ngah mi ahi uh hi.

Isaiah 61:1

Gimna a thuak mite tungah thuhoih a puak dingin Topa in kei hong teelin hong sawl ahih manin keima sungah Topa Pasian’ kha hong om hi. Lungsim kitamzante a damsak ding, salin a kimante tungah suahtakna thu a gen ding, a kikhum mite adingin thong kong a hong ding,

Jeim 3:13

Note lakah pilin thu thei a kisa a om leh kiniamkhiatin pilin, nuntak hoih le gamtat hoih tawh a lahkhiat ding ahi hi.

Galati 5:23

dikna le pumpi ki-uk zawhna hi a, hih bangin a gamta mite, Thukham in bangmah cih thei lo hi.

Jeremiah 33:15

Tua hun ciangin Davidʼ suan lak panin kumpi dingin a dik tat mi khat ka khangsak dinga, amah in gam sungah thuman tawh thu hong khen ding hi.

Isaiah 30:33

Assiria kumpipa a kihalna ding mei phualpi mun, sawtpekin kibawl khinzo hi. Kumpipa adingin a baih sa-in kikoih a, a mi halna pen lianin kisangsak a, sing a sangpi-in vum venvan hi. Topa in kaat kuang hu sang khia dinga, tua mei phualpi tawhkuang ding hi.

Isaiah 9:7

Tu hun a kipanin a tawntungin David kumpi tokhom tung le ama gam sungah thutang le thuman phutin, a lian semsem ama ukna le nopsakna in mong nei lo ding hi. Vanglian Topa’ deih luatna in hih thu hong tungsak ding hi.

Late 2:9

Sik tawn khat tawh amaute na satkham dinga, beelseek pa in beel a den khap bangin leilak ah amaute na deng zan ding hi,” hong ci hi.

Mangmuhna 2:16

Tua ahih manin na mawhna panun kisikkik un. Na kisik kei uh leh note kiangah kei hong pai baihin, ka kam panin a pusuak namsau tawh amaute ka do ding hi.

Mangmuhna 1:16

A taklam khutah aksi sagih tawi-in, a kam sung panin langnih a hiam namsau khat hong pusuak a, a maitang sun nitaang a bang hi.

Titu 3:2

kuamah gensia loin, mite tawh kilemin kikhawl thei-in, lungsim nemin, mi khempeuh tungah a dik nading uh na gen in.

Isaiah 32:1

En un, ni khat ni ciangin thuman takin kumpi khat in hong uk dinga, uliante in thutang tawh hong uk ding uh hi.

Isaiah 29:19

Miʼ nopnehte in Topa’ sungah lungdamna thak ngah ding uh a, Israel-teʼ Siangtho Paʼ sungah mizawngte lungdam ding uh hi.

Isaiah 16:5

itna kip tawh kumpi tokhom khat kiphut dinga, thuman sep ding a manlang, thutang zongin thu a khen mipa pen Davidʼ buk sunga om tua tokhom tungah thuman tawh tu ding hi,” a ci uh hi.

Mangmuhna 19:11

Tua ciangin vantung a kihong ka mu a, sakol kang khat a om hi. A tungah a tuang pa pen a Citak a Thuman pa kici hi. Amah in thumanin thu khenin gal a do hi.

2 KORIN NIHNA 10:1

Keimah Paul in Khris migitna le lungduaina tawh note kiangah kong thum hi. Kei pen note tawh ka hong om khawm laitakin a meidawi, note tawh ka om khawm loh ciangin a tapkual han in hong kigen hi.

Sawltak 9:1

Tua hun sungteng Saul in Topaʼ thu a um mite thah dingin a hanciamna zom lai hi. Siampi lianpen pa kiangah pai a,

Mattiu 11:5

Mittawte in khua mukik a, khebaite pai theikikin, miphakte damkik a, bilngongte in khua za kikin, misite hingkik a, mizawngte tungah Lungdamna Thu a kihilhnate va gen un.

Zefaniah 2:3

Kiniamkhiatin, Topaʼ thupiakna a mang Judah gam mi khempeuh aw, Topaʼ kiang zuan un. A manin gamta unla, kiniamkhiat un. Tua hileh Topaʼ hehna hong kilat ciangin, tua hehna hangin gimna panin na peng kha thei ding uh hi.

Jeremiah 5:28

Gitlohna lamah a hun bek a theithei kei uh hi. Tagah miteʼ phattuam nading khual loin thu a man lopi-in khen uh a, mizawngteʼ tungah thuman lo uh hi.

Isaiah 3:14

Topa pen upate le ama miteʼ uliante tawh thukhen dingin kipan a, “Leenggui lo a netumte, note na hi uh a, mizawngteʼ na a kisutte noteʼ inn sungah om hi.

Isaiah 1:17

Gamtat hoih ding kisin un. Thumanin gamta unla, kinetniamna kheel un. Pa nei lote hu unla, meigong numei panpih un,” ci hi.

Late 110:2

Topa in Zion panin na kumpi ciangkhut hong puak hi. Na galteʼ tungah uk in.

Late 18:8

Ama nakvangte panin meikhu pusuak hi. Ama kam panin mei husia pusuak a, ama tung panin mei-am san kuang khia hi.

2 SAMUEL NIHNA 8:15

Tua ahih ciangin David in Israel-te khempeuh uk a, a mite khempeuh tungah thutang le thuman a zang hi.

Isaiah 13:11

Leitung mite a tatsiatna hangun gim ka pia dinga, migilote a mawhna hangun gim ka thuaksak ding hi. Mi kihisakteʼ kiphatsakna beisiang sakin, a kisatheiteʼ kiliatsakna ka niamkhiat ding hi.

Isaiah 14:30

Mizawngte in keima gankhahna sungah an ne ding uh a, a cimawhte lungnuam takin lum hithiat ding uh hi. Ahih hangin no Filistia mite, kialpi tawh kong that dinga, a suakta kha a omlaite keimah in ka that ding hi.

Isaiah 26:6

A zawng a cimawh a kinengniam mite in tu-in tua khua tuancil uh hi.

Isaiah 30:28

Na khempeuh a tai tuikhang bangin ama mai ah huihpi nungsak a, minam dangte nawtin su gawp a, amauʼ gitloh vaihawmnate a suksiatsak hi.

Isaiah 30:31

Amah in a ciangkhut tawh a sat ciangin, Assiria mite in Topa’ aw kihta mahmah ding uh hi.

Isaiah 32:7

Migina loʼ ginat lohna siahuai mahmah hi. Zuauna kam tawh mizawngte a siasak ding le mi cimawhteʼ thu a thuman ciang nangawnin a siasak dingin amah in gitloh nasepna a bawl hi.

Isaiah 33:22

Bang hang hiam cih leh Topa pen eiteʼ thukhen, Topa pen eite hong ukpa, Topa pen eiteʼ kumpi ahi hi. Amah in eite hong hon khia ding hi.

Isaiah 40:7

Topa’ hu in a mut ciangin lopa vulin, pak a pulh hi. Mihingte lopa bang lel hi taktak hi.

Isaiah 49:2

Amah in ka thugente, namsau hiam bangsak a, ama khut tawh keimah hong hu hi. Amah in a kinawtngil thaltang bangin kei hong bawl a, a hiam sa-in zat pah dingin a thallawng sungah kei hong koih hi.

JOB (Job) 15:30

khuamial panin suakta lo ding hi. Amah pen a hiangte mei in a kat tumsak, a paakte huih in a let khiatsak, singkung tawh kibang ding hi.

Late 76:10

Mihingteʼ hehna in nang hong kiphatna ding piangsak dinga, na hehna panin a suakta mite in nangmah pahtawina pawi a bawl ding uh hi.

Isaiah 2:4

Amah in minamte khatlekhat kikalah thu khenin, mi tampiteʼ thu khensak ding hi. Amaute in a namsaute uh lokhawhna tu, a teipite uh singhiang heuhna temkawi-in a seek ding uh hi. Minam khat le minam khat kido nawn lo ding uh a, galdo dingin kithawi nawn lo ding uh hi.

Hosea 6:5

Tua ahih manin note a hong thuhilh ding le note a hong taii dingin ka kamsangte kong sawl hi. No ka miteʼ gamtat ding ka deih zia kitel sinsen hi.