Isaiah 11:1 - Tedim Bible Revision 2017

¹ Jessiʼ phung sung panin a sel khat hong khang khia dinga, a zungte panin a no khat hong khang ding hi.

Tedim Bible

¹ Jessi’ phungsung panin a sel khat hong khangkhia ding a, a zungte panin a hiang khat hong gah ding hi.

Isaiah 11:1 Referans Kwoze

Jeremiah 23:5

“En un, Topa in kong cih in ah, keimah in Davidʼ suan lak panin kumpi dingin a dik tat mi khat ka khan khiatsak ni hong tung ding hi. Amah gam uk siam mahmah dinga, gam sungah thuman thutang tawh thu hong khen ding hi.

Mangmuhna 22:16

“Keimah Jesu in pawlpite adingin hih thute nang kiangah a hong gen dingin ka vantungmi ka hong sawl hi. Kei pen Davidʼ zung le a suan ahi, zingsol ka hi hi,” a hong ci hi.

Zekhariah 6:12

Ama kiangah, ‘Vanglian Topa in hih bangin ci hi: “Hih mipa pen sing bangin A Sel a kici mipa ahi hi. A omna peuhpeuh ah amah cithei dinga, Topaʼ biakinn lamkik ding hi.

Mangmuhna 5:5

Tua laitakin upate khat in kei kiangah, “Kap kei in. Judah minam sung panin Humpinelkai, David suan sung panin a lianpa gualzo khinta a, tua laizial ciaptehna sagihte la khia-in a laizial phel thei ding hi,” a hong ci hi.

Zekhariah 3:8

Tua ahih ciangin siampi lianpen pa Joshua aw ngai in: Ama siampi pih ahi no a dangte in zong ngai un. Note pen mailam thuhoihna ding lim na hi uh hi. Sing bangin A Sel a kici min nei khat kong paisak ding hi.

Jeremiah 33:15

Tua hun ciangin Davidʼ suan lak panin kumpi dingin a dik tat mi khat ka khangsak dinga, amah in gam sungah thuman tawh thu hong khen ding hi.

Isaiah 53:2

Bang hang hiam cih leh amah pen kungno khat ahi a, lei keu sungah a om singzung khat bangin ahi zongin ama mai ah khangto lel hi. Eiteʼ et dingin amah in lim le deihhuaina mel bangmah nei lo a, eiteʼ deih dingin hoihna nei lo hi.

Isaiah 9:7

Tu hun a kipanin a tawntungin David kumpi tokhom tung le ama gam sungah thutang le thuman phutin, a lian semsem ama ukna le nopsakna in mong nei lo ding hi. Vanglian Topa’ deih luatna in hih thu hong tungsak ding hi.

ROM (Romans) 15:12

tua ciangin Isaiah in, “Jessiʼ suante khat hong khang dinga, Gentail mite a uk dingin mi lian hong suak dinga, ama hangin Gentail mite in lamet lungmuanna nei ding uh hi,” cihnate a kigelh hi.

Isaiah 4:2

Tua ni ciangin Topa’ bul sel pen melhoihin minthang dinga, leitung panin a piang gahte pen, a suakta lai Israel miteʼ kiphatsakna le minthanna hi ding hi.

Isaiah 11:10

Tua ni ciangin Jessiʼ zung pen mihingteʼ tungah lim khat hi ding hi. Minamte in amah zong ding uh a, ama omna mun minthang mahmah ding hi.

1 SAMUEL MASA 17:58

Saul in ama kiangah, “Tangvalpa aw, kuaʼ tapa na hi hiam?” a ci hi. David in dawngin, “Bethlehem khuami na nasem pa Jessiʼ tapa ka hi hi,” a ci hi.

Ruth 4:17

A veeng nupite in a min phuak uh a, “Naomiʼ sung pan tapa khat suak,” a ci uh hi. Amaute in a min Obed phuak uh hi. Amah pen Jessiʼ pa hi a, Jessi pen Davidʼ pa ahi hi.

Mattiu 1:1

Abrahamʼ suan David, Davidʼ suan Jesu Khrisʼ khang ciaptehna hih bang ahi hi.

Hebru 7:14

I Topa pen Judah suan sung panin a piang ahih manin Moses in siampi thu a na gen ciangin hih Judah minam genin na nei lo hi.

2 SAMUEL NIHNA 23:3

Israel Pasian kampau khin a, Israel a hupa in kei kiangah hong ci khin hi: Mi khat in mite tungah thutang takin ukin Pasian zahtakna tawh limtakin a uk ciangin

Isaiah 6:13

Mi sawm-ah-khat bang a om lai tei hangin, taak kung le tawsaw kungte a kiphuk khit ciangin a bulsum a omlaite mei tawh a kihalkik bangin amaute zong kisusia ding hi,” hong ci hi. (A bulsum pen Pasianʼ mite a kipat thakna ding lahna lim ahi hi.)

Isaiah 9:6

Bang hang hiam cih leh eite adingin naungek khat hong suak a, eiteʼ tungah tapa khat hong kipia hi. Amah pen eite hong ukpa hi dinga, ama min pen “Lamdang Thulak pa, Vanglian Pasian, Tawntung Pa, Nopsakna Kumpi,” kici ding hi.

Ezekiel 37:25

A pu a pate uh a teennasa ahi ka nasem pa Jakob tungah ka piak leitang ah amaute teeng ding uh a, amaute bek hi loin a suan a khak dongun teeng suak ding uh hi. Ka nasem pa David in amaute uk tawntung ding hi.

Micah 5:2

Bethlehem Efrathah khua aw, nang pen Judah gamah khua neu pen khat na hi a, ahi zongin nang sung panin Israel-te a uk ding khat ka piangsak ding hi. Ama gui pen tangtawng pek tawh kizom hi.

1 KHANG TANGTHU MASATE 2:12

Boaz pen Obedʼ pa, Obed pen Jessiʼ pa ahi hi.

Late 145:11

Amaute in na kumpi gam a minthanna thu gengenin na vangliatna thu sutsut ding uh a,

Ezekiel 17:22

Tua ciangin Topa Pasian in, “Keimah in taamtak sangpi a dawn khat la-in, a dawnngek khat ka sat khia dinga, mual sangpi dawn khat ah ka suan ding hi.