Isaiah 10:7 - Tedim Bible Revision 2017

⁷ Ahih hangin a kumpipa in tua bang bek sawm lo a, a lungsim in zong tua bang bek ngaihsun lo hi. Ama lungsim sungah minam tampi suksiat nopna thu om hi.

Tedim Bible

⁷ Ahih hangin amah in tua bang bek sawm lo a, a lungsim in zong tua bang bek ngaihsun lo hi; ama lungsim sungah minam tampi suksiat nopna thu om hi;

Isaiah 10:7 Referans Kwoze

Piancilna 50:20

Note in ahihleh, keiʼ tungah a sia dingin na ngaihsun uh hi. Ahih hangin Pasian in tu hun a mah bangin mi tampite a nuntak theihna a pian nadingin a hoih dingin a ngaihsut ahi hi.

Sawltak 2:23

Pasian in thu a ma-theih kholhna le a ma-geelna tawh kizui-in noteʼ khut sungah tua Jesu a hong piak ding a ngaihsut sa hi a, note in singlamteh tungah khai-in migiloteʼ khut tawh amah na that uh hi.

Sawltak 2:24

Ahi zongin Pasian in misite lak panin amah hingkiksak a, sihna in amah lencip zo lo ahih manin sihna hanga gimna panin amah a suaktasak hi.

Isaiah 10:8

Bang hang hiam cih leh amah in, “Ka galkap maangte, kumpi vive hi khin hi lo ahi hiam?

Isaiah 23:13

Taia khuapi, gamsateʼ phualpi a suaksakte pen Assiria mite hi lo a, Babylon mite ahi hi. Babylon mite in khuapi luhna ding panmun bawl uh a, Taia khuapi kulhte susia-in, khuapi sung khempeuh a sia a suaksak uh hi.

Ezekiel 29:20

A galkapte in keima adingin na hong sepsak uh ahih manin, ama hong nasepsak ka thuhna-in ama tungah Egypt gam a pia ka hi hi. Topa Pasian ahi keimah in hih thu ka gen khin hi.

Nahum 1:11

Nineveh khuapi aw, gitlohna tawh thu vaihawmin, Topa a sawm mite, nangʼ sungah om hi lo ahi hiam?

Isaiah 37:19

amauteʼ pasian-te pen meikhuk sungah paihsak khin hi. Bang hang hiam cih leh tuate pen pasian hi loin miteʼ khut tawh a kibawl sing le suangte ahi uh hi. Tua ahih ciangin tuate kisusia hi.

Daniel 11:12

A galhatna hang le galkap tampi a thahna hangin kisathei mahmah dinga, ahih hangin a gualzo tawntung kei ding hi.