Isaiah 10:5 - Tedim Bible Revision 2017

⁵ Assiria-te pen ka hehna mite gimpiak nadingin molhtum le ciangkhutin ka zat ahi hi.

Tedim Bible

⁵ Assiria-te in gimna ngah hen, keima hehna molhtum leh ka lungdamna ciangkhut ahi uh hi.

Isaiah 10:5 Referans Kwoze

Zefaniah 2:13

Topa in leilu lamah a khut hong zanin Assiria gam susia dinga, Nineveh khuapi susia gawpin sehnel gam a suaksak ding hi.

Isaiah 30:30

Topa in heh mahmahna le a kaang tum thei meikuang sung panin vanging, huihpi le gialpi tawh, ama liatna minthanna aw kizasakin, ama khut a vik sukna kimusak ding hi.

Isaiah 14:25

Keimah in ka gam sungah Assiria mite ka susia dinga, ka mual tungah ka sikcip ding hi. Ka miteʼ tung panin Assiria-teʼ hakkol amauteʼ liangko panin Assiria-teʼ van gik kia khia ding hi,” a ci hi.

Isaiah 10:15

Amah a lik to pa pen molhtumin a zang ding bang keek, sing ahi lo mipa pen ciangkhut bangin a lik to ding bang keekin, phuk nadingin amah a zang pa tungah, hei, kihisak thei ding ahi hiam? Sing-at tem zong amah a zang pa tungah kiliansak thei ding ahi hiam?

Isaiah 66:14

Hih thu a hong piang na muh uh ciangin na lungdam ding uh hi. Note hong thahatsakin hong cidamsak ding hi. Tua ciangin ka thu hong mangte ka huhna, ka galte tungah ka hehna ka lahna thu na thei ding uh hi, ci hi.

Isaiah 13:5

Leitung buppi a susia dingin Topa le ama hehna galhiamte gamlapi van mong panin hong pai hi.

Isaiah 8:4

Bang hang hiam cih leh naungek in, ‘Nu aw, pa aw,’ a cih theih ma-in Damaskas khuaʼ hauhna le Samaria khua sunga a om a kisut vante, Assiria kumpipa in la-in masuan ding hi,” hong ci hi.

Late 125:3

Thuman mite a khialh khak loh nadingun amau a kipia leitang tungah migilote in amaute uk paisuak lo ding hi.

Piancilna 10:11

Tua gam panin Assiria gam sungah amah pai-in Nineveh, Rehoboth-Ir, Kalah le

2 KUMPI NIHNATE 19:25

Sawt pek lai-in ka ngaihsut sa ahih lam za nai lo na hi hiam? Tanglai pek panin ka geel kholh sa hi a, tu-a ka tunsak ding thute kulh a nei khuapite nin bulomtangin na heina ding,

Isaiah 7:17

Efraim mite pen Judah miteʼ kiang panin a paikhiat hun a kipan nidangin a piang ngei lo thu, Assiria kumpipa pen nang le na mite le na pateʼ inn ah Topa in hong tungsak ding hi.

Isaiah 7:20

“Tua ni ciangin Topa in Gun gal khat panin a kikawm temta ahi Assiria kumpipa tawh sam le khemul mettol dinga, khamul zong met khia ding hi.

Isaiah 8:7

Tua ahih ciangin Topa in Assiria kumpipa le ama galkap honpite, a tam mahmah a piau dimletin a khang Gunpi tui bangin amaute a sim dingin hong luangsak ding hi.

Isaiah 10:25

Bang hang hiam cih leh a sawt loin note tungah ka thangpaihna bei dinga, ka hehna amauteʼ tung tu-in, amaute sia ding uh hi.

Isaiah 14:24

Vanglian Topa kiciam khin a, “Ka geel sa bangin piang dinga, ka ngimna sa bangin kip ding hi.

Isaiah 23:13

Taia khuapi, gamsateʼ phualpi a suaksakte pen Assiria mite hi lo a, Babylon mite ahi hi. Babylon mite in khuapi luhna ding panmun bawl uh a, Taia khuapi kulhte susia-in, khuapi sung khempeuh a sia a suaksak uh hi.

Isaiah 26:20

Ka mite aw, hong pai-in na inn sung uh ah tum unla, na kongte uh khak un. Hehna a dam matengin tawl khat sung bu un.

Isaiah 30:27

En un, Topa’ vangliatna le a minthanna vang, gamlapi panin kimu thei hi. Meikuang le meikhu in ama hehna hong kilangsak a, ama kampaunate, mei bangin a kuang hi.

Isaiah 34:2

Bang hang hiam cih leh minam khempeuh tungah Topa lunghamin, amaute khempeuh tungah heh mahmah a, a si mang dingin amaute koihin, thah dingin a pia khinta hi.

Ezekiel 7:10

“Siat nading hun hong tung ta hi. Na ngongtatna uh khang a, na kiphatsakna uh lian hi.

Ezekiel 22:31

Tua ahih ciangin amauteʼ gamtatna tawh kizui-in gimpiakna-in amaute tungah ka hehna khahin, mei in a kat bangin amaute ka maimangsak ding hi, Topa Pasian in ci hi,” a hong ci hi.

Habakkuk 1:12

Topa aw, a cil pek a kipan a tawntungin Pasian na hi a, nang pen a tawntungin keima Pasian, a Siangtho Pa na hi hi. Topa aw, kote gim a hong pia dingin amaute na seh hi bek hi. Ka belh Suangpi aw, kote nong thuhilhna ding bekin amauteʼ tungah vang a pia bek na hi hi.

Gamlak-vakna 24:24

Ahih hangin Kittim panin teembawte hong pai-in Asshur le Eber gimsak dinga, amah in zong siatna tuak ding hi,” a ci hi.

2 KUMPI NIHNATE 18:25

Tua tham loin, Topa tawh a kikop lopi-in hih mun simin a susia dingin a hong pai to ka hi hiam? Topa in kei kiangah, “Hih gam a sim dingin pai to inla susia in,” hong ci hi,’ ci in,” a ci hi.

Isaiah 29:2

Ahih hangin keimah in “Pasian biakna tau,” a kici tungah gimna ka tungsak ding hi. Thumna le tauna om dinga, tua khuapi pen biakna halna biakna tau suak ding hi.

Isaiah 30:9

Bang hang hiam cih leh amaute pen a lehdo mite, a zuau thei tapate, Topa’ thuhilhna a ngai nuam lo mite ahi uh hi.

Daniel 11:36

“Syria kumpipa a ut bangbangin a gamta ding hi. Amah in, pasian-te sangin ka lian zaw a, a Lianpen Pasian sangin zong ka thupi zaw lai hi, ci-in a kisathei ding hi. Pasian in amah gim a piak mateng tua bangin a om ding hi.

Nahum 1:1

Hih pen Nineveh khua tawh kisai thu genna hi a, Elkosh khuami Nahumʼ maangmuhna a kiciaptehna lai ahi hi.