Isaiah 10:3 - Tedim Bible Revision 2017

³ Gimpiak ni hun, gamlapi panin huihpi hong nun ciangin note in bang cih ding na hi uh hiam? Huhna ngenin kua kiangah tai dinga, na neihsa uh koi lai ah koih ding na hi uh hiam?

Tedim Bible

³ Dan piak ni hun, gamlapi panin siatna hong pai ciangin note in bang cih ding na hi uh hiam! Huhna ngenin kua kiangah tai ding a, na neihsa uh koi-ah koih ding na hi uh hiam?

Isaiah 10:3 Referans Kwoze

Luka 19:44

Nang le na kulh sunga om mi khempeuh hong sumai ding uh a, a omna ngei munah suang khat zong om nawn lo ding hi. Hih bang a pianna pen nang a hu dingin Pasian hong pai lam na phawk lohna hang ahi hi,” a ci hi.

Hosea 9:7

Gim thuakna hun hong tung ta a, thukkikna hun hong tung ta hi. Tua hun ciangin Israel mite in na thei ding uh hi. Noteʼ mawhna hang le note in kei nong muhdah luat manun, “Hih kamsang pa mihai hi; hih thumu pa lungsim kicing lo hi,” nong ci uh hi.

JOB (Job) 31:14

Tua ci kei leng, Pasianʼ mai mu ngam ding ka hi hiam? Keima thu a khen dingin Pasian hong pai ciangin bang gen mawk ding ka hi hiam?

1 PETER MASA 2:12

Gentail mite in note mihoih lo hi, ci-in hong gensia nuamin mawhna hong zon ciangin, noteʼ hoihna bekbek mu-in, Pasian a hong pai Ni ciangin a phat theih nadingun amaute lakah na gamtatna uh hoihsak tawntung un.

Zefaniah 1:18

Topaʼ heh thuk ni hong tun ciangin a ngun le a khamte un amaute hon khia zo lo ding hi. Ama hehna meikuang in leitung khempeuh kaang tum dinga, thakhat thu-in leitung a teeng mi khempeuh a sumai ding hi.

Isaiah 26:21

Bang hang hiam cih leh en un, amauʼ mawhna hangin leitungah a teeng mite gim a pia dingin ama omna panin Topa hong paikhia a, leitung in ama tunga a kithat mite lak khia dinga, a kithat ama mite sincip nawn lo ding hi.

Isaiah 20:6

Tua ni ciangin hih tuipi gei-a teeng mite in, ‘En un, eiteʼ lametna, Assiria kumpipaʼ kiang panin eite hong hon khia dingin i belh miteʼ tungah hih bang piang khinta hi. Eite bangci suahtak ding ihi hiam?’ ci ding uh hi,” a ci hi.

Isaiah 5:26

Amah in a gamlapi-a om minam khat a sapna-in lim khat lak a, leimong panin hong pai nadingin a sam hi. Manlang takin tua mite hong pai pah hi.

Paunak 11:4

Hauhna in sih nading panin hong hu thei lo a, thumanna in na sih ding hong hu thei hi.

Thu-hilhkikna 28:49

Topa in a gamlapi leimong panin muvanlai leeng bangin a manlang, amauʼ pau na theih loh uh minam, thukhualna a nei lo minam, khangham mite a zahtak lo, khangno mite tungah maipha zong a lak tuan lo minam khat, noteʼ lang khat ah hong paipih dinga,

Jeremiah 5:31

Kamsangte in thuman gen lo uh a, siampite in zong amauʼ ut bangun a uk uh hi. Ka mite in phamawh sa lo sawnsawn uh hi. A tawpna hun hong tun ciangin bang cih ding uh ahi hiam, Topa in ci hi, ci-in gen in,” hong ci hi.

Isaiah 39:3

Tua ciangin Kumpi Hezekiah kiangah kamsang Isaiah hong pai-in, “Hih mite in bang hong gen ahi uh hiam? Koi lai panin nang kiangah hong pai ahi uh hiam?” a ci hi. Hezekiah in, “Amaute, a gamlapi, Babylon gam panin kei kiangah a hong pai uh ahi hi,” a ci hi.

Isaiah 33:14

Zion-a a om mawhnei mite lau uh a, Pasianʼ thu a ngaihsun lo mite lau-in liingcip uh hi. Amaute in, “Pasianʼ thukhenna pen a kuang tawntung mei tawh kibang hi. Tua bang meikuang kua in thuak zo ding ahi hiam?” ci uh hi.

Isaiah 30:16

“Hi lo! Sakol tung tuangin manlang takin i tai ding hi,” ci na hih uh ciangin note na tai khia ding uh hi. “Sakol zaptel tungah i tuang ding hi,” ci na hih uh ciangin note hong delh mite zong zaptel ding hi.

Isaiah 5:14

Tua ahih ciangin Leinuai in a duhna khangsakin bangmah tawh a kiteh thei lo zahin a kam ka beba a, Jerusalemʼ hoihna teng, a mipite, a mihonte, ama sunga a lungdam mite, a nawmvalh hi.

2 KUMPI NIHNATE 7:15

Tua ahih ciangin amaute Jordan ciang dong va pai uh hi. Syria-te in nawhsa-in a paihkhiat uh puante le nate tawh lamdung khempeuh pak zeizai hi. Tua ciangin kamtaite hong kikin kumpipa kiangah a gen uh hi.

Piancilna 31:1

Labanʼ tapate in, “Jakob in i pa-aʼ khempeuh la khin a, i paʼ neihsa tung panin amah in hih hauhna ngah hi,” a cihna thu tu-in Jakob in za hi.

Hosea 5:13

Israel in ama cinatna kithei-in, Judah in ama liamna a kimuh ciangin kumpi lianpa kiangah huh ngen dingin Assiria gamah Israel va pai hi. Ahi zongin amah in amauʼ natna damsak thei lo a, a liamna uh zong na damsak thei tuan lo hi.

Isaiah 13:6

Topa’ ni hong nai ta ahih manin nakpi takin kap un. Vanglian paʼ kiang panin suksiatna hong tung ta ding hi.

Isaiah 17:4

Tua ni ciangin Jakobʼ liatna bei dinga, ama hauhna khempeuh mangthang ding hi.

Isaiah 26:14

Amaute si a, hingkik lo ding uh hi. Amaute mangthang ta uh a, omkik nawn lo ding uh hi. Tua bang a pian theih nadingin nangmah in amaute tungah siatna na tungsak a, amaute a kiphawkna khempeuh na beisak hi.

Isaiah 29:6

Vanglian Topa in vanging, zin liing, a ging lianpi, pingpei le huihpi le, a kaang tum thei meikuang tawh nang hong hon ding hi.

Isaiah 30:5

amaute tungah phattuamna a pia thei lo, maizumna le mindaina cih loh buang huhna le phattuamna bangmah a pia thei lo Egypt miteʼ hangin Judah mi khempeuh in maizumna ngah ding uh hi,” a ci hi.

Isaiah 30:7

Bang hang hiam cih leh Egyptʼ huhna bangmah man loin a hawmpi ahi hi. Tua ahih manin, “Taang loin a tu hithiat Egypt,” ci-in min ka phuah hi.

Jeremiah 4:30

Jerusalem khuapi aw, a siacip ding na hi ta hi. Puansan silhin kham tawh na kizep liatluat hangin, na mitte zemin na golsak hangin, a mawkna-in a kizem na hi ta hi. Na lawm ngaihte in nang hong nusia ta uh a, tu-in hong that nuam ta uh hi.

Jeremiah 9:9

Hih thute hangin gim pia lo ding ka hi hiam, Topa in kong ci hi. Hih bang minam khat tungah ka phu la lo ding ka hi hiam?

Jeremiah 22:7

Nangʼ lang khat ah a hong susia ding mi ka kithawisak dinga, a hei uh hong keng ding uh hi. Amaute in na sidar khuam hoih pente hong phuksakin mei ah hong khulsak ding uh hi.

Hosea 9:5

A kiseh pawi hunte le Topaʼ pawi hun hong tun ciangin bang cih ding na hi uh hiam?

Micah 7:4

Amaute lakah a hoih penin a kineite, lingkung bang hi a, a thutang pen a kineite, ling hiam bang hi lel uh hi. Pasian in amaute a hilhkholh bangin, gim a piak ding hun hong tung ta a, a lungmanʼ hun ding uh hong hi ta hi.

Isaiah 28:20

Bang hang hiam cih leh puanbuk sungah khe khuan nadingin lupna tom lua a, silh dingin puanza neu lua hi, a cih tawh na kibang ding uh hi.

Amos 5:19

Humpinelkai kihta-in vompi a tuak pa tawh kibang ding hi. Tua ahih kei leh mi khat a inn ah hong tai a, a kawmah a khut a ngak ciangin gul in a tuk tawh kibang ding hi.