Isaiah 10:12 - Tedim Bible Revision 2017

¹² Topa in Zion Mual le Jerusalem khua ah ama nasep ding teng a zawh khit ciangin Assiria kumpipa kiphasakin a kisialhna le a kiphatsakna hangin gim a pia ding hi.

Tedim Bible

¹² Topa in Zion Mual leh Jerusalem khua-ah ama nasep ding teng a zawh khit ciangin, amah in Assiria kumpipa kihisakin a kisialhna leh a kiphatsakna daantat ding hi.

Isaiah 10:12 Referans Kwoze

2 KUMPI NIHNATE 19:31

bang hang hiam cih leh a omlaite Jerusalem panin hong paikhia dinga, a suakta khat Zion Mual panin hong paikhia ding hi. Topaʼ deih luatna in hih thu hong tungsak ding hi.

Jeremiah 50:18

Tua ahih manin Vanglian Topa, Israel miteʼ Pasian in kong cih in ah: En un, Assiria kumpipa gim ka piak bangmahin Babylon kumpipa le a gam ka thuaksak ding hi.

1 PETER MASA 4:17

Tu-in thukhen kipat hun ding hong tung ta-in Pasianʼ mi eite tungah hong kipan ahihleh Pasian kiang panin hong pai Lungdamna Thu a um lo mite adingin bangzahin lungkham huai ding ahi hiam?

Mattiu 15:19

Bang hang hiam cih leh lungsim panin mi thahnopna, mi zi tawh mawhnopna, nungak tawh mawhnopna, guktaakna, zuaugenna, mi gensiatna le ngaihsut hoih lo a tuamtuam hong piang khia hi.

Mattiu 12:33

“Singgah limci a gah theih nadingin a kung a cidam phot ding kisam a, a kung gina kei leh a gah limci lo hi. Tua ahih manin singkung khat a pianzia pen a gahin hong kithei hi.

Daniel 4:37

Tu-in keimah Nebukhadnezzar in Vantung Kumpipa phatin, zahtakin a min ka thangsak hi. Ama bawlna khempeuh a man hi. Amah a tawntungin thuman a, a kiphasakin a gamtate a neusak hi,” a ci hi.

Ezekiel 31:14

Tua ahih ciangin tu a kipanin singkung khat beek, bangzahin tui a ngah hangin tua zahin khangin, a dawn in meiipi banin sang zo ngei nawn lo ding hi. Misiteʼ omna Leinuai khua a zuan ding, a si thei mihingte mah bangin singkung khempeuh a si ding ahi ta hi.

Ezekiel 31:10

“Tua ahih ciangin Topa Pasian keimah in hih bangin ka ci hi. Tua sing in meiipi a bat dongin khangto a, ahi zongin a san semsemna tawh kizui-in kiphasak semsem hi.

Isaiah 50:11

Midang suksiat ding a sawm mite aw, noteʼ vaihawm siatna mah in note hong susia ding hi. Topa’ khut tung panin gimna thuakin na lum suk ding uh hi.

Isaiah 27:9

Israel in suang tawh a kibawl biakna tau khempeuh suangkang satvui a batsak ciangin Asherah milimte le paknamtui taute a ding lai om nawn lo hi. Hih thu hangin Jakobʼ mawhna kimaisakin a mawhna kilak khiatsak hi.

Isaiah 9:9

“Leiseekte kicim khin hi; ahih hangin suangseek tawh i lam ding hi. Theithek singte kisia khin hi; ahih hangin taamtak sing tawh i khek ding hi,” ci-a kiphasakin lungsim kihisak Efraim mite le Samaria gam sunga teeng mi khempeuh in thei ding uh hi.

Isaiah 5:15

Mi khempeuh a niamin kikoih suk hi. A kiphasak mite kiniamkhiat suk hi.

Isaiah 2:11

Miteʼ kiliatsakna pen kiniamkoih dinga, mihingteʼ kiphatsakna pen kiniamkhiat ding hi. Tua ni ciangin Topa bek a lianin kikoih ding hi.

Paunak 30:13

Mihoih pha mahmah in a kingaihsun, a kiliansak mahmah mi pawl khat om hi.

Late 76:10

Mihingteʼ hehna in nang hong kiphatna ding piangsak dinga, na hehna panin a suakta mite in nangmah pahtawina pawi a bawl ding uh hi.

Late 21:10

Leitung panin a suan a khakte, miʼ tateʼ lak panin amauʼ tate na susia ding hi.

Late 18:27

Bang hang hiam cih leh miniamte na hon khia a, ahih hangin mi kiphasakte na niamsak hi.

Late 76:5

A thahatteʼ neihsa nate kisut khia a, amaute ihmucip suak uh hi.

Isaiah 24:21

Tua ni ciangin Topa in vantung a om mihonpite le leitung kumpite gim pia ding hi.

Isaiah 27:7

Pasian in Israel-teʼ galte a vat gawp bangin Israel-te vat gawp ahi hiam? Tua ahih kei leh amau a thatte a kithah bangin Israel-te kithat ahi hiam?

Isaiah 29:14

Tua ahih ciangin en un, hih mite tungah a tumdang le a lamdang ahi a lamdang nate ka bawlkik ding hi. Amauʼ mipilteʼ pilna kisia dinga, amauʼ thu-mu-theiteʼ thu muhtel theihna kiseel ding hi,” a ci hi.

Isaiah 33:1

Hong kisusia nai lo, mi a susia pa aw, tu-in gimna a ngah ding na hi ta hi. Kuamah in hong khem nai loh, mi khem pa aw, tu-in gimna a ngah ding na hi ta hi. Na suksiat nawn loh ciangin nang hong kisusia dinga, na khem nawn loh ciangin nang hong kikhem ding hi.

Isaiah 37:23

Nang in kua zahko-in kua a simmawh na hi hiam? Nang in kuaʼ tungah na aw sangsakin kiphasak na hi hiam? Israel-teʼ Siangtho Pa, keiʼ tungah a hong tua ci na hi hi.

Isaiah 37:29

Keima tungah nang hehin, na kiphatsakna thu keima tungah a thu hong tung ahih manin, na nak ah sikkawi bulhin, na kam ah kamkaih hong bulhin, nong kuanna lampi lam mahah nang kong ciahkiksak ding hi,’ ci hi.

Jeremiah 25:29

Bang hang hiam cih leh en un, ka min tawh a kilo khuapi sungah suksiatna ka pan ding hi. Note in bangmah a thuak lo ding kisa na hi uh hiam? Gim thuak loin na om kei ding uh hi; bang hang hiam cih leh Vanglian Topa in kong cih in ah, leitung a teeng mite khempeuh a that dingin namsau khat ka sawl hi,’ ci in.

Jeremiah 50:32

A kisathei gam hoi-in tuk dinga, kuamah in a phong to kei ding hi. A khuapite mei tawh ka hal dinga, a kiim a om khempeuh a kaang tum ding hi.

Gamlak-vakna 24:24

Ahih hangin Kittim panin teembawte hong pai-in Asshur le Eber gimsak dinga, amah in zong siatna tuak ding hi,” a ci hi.

Thu-hilhkikna 32:27

Amauʼ langte in ngaihsun khialin, amaute in, “Eite i gualzo hi. Topa in hihte khempeuh bawl lo hi,” hong ci kha ding uh ahih manin galteʼ hong phin ding ka lau hi,’ a ci hi.

Paunak 21:4

Kihisakin gamtatna le kiphatsakna lungsimte pen mawhna hi a, migilo hihna lim ahi hi.

Isaiah 2:12

Bang hang hiam cih leh Vanglian Topa in a kiphasak le a kiliansak khempeuh, a kisangsak le a sangte khempeuh;

Daniel 11:45

Amah in a kumpi puanbuk lianpite biakinn dinna mual tung le tuipi kikalah a lam ding hi. Ahih hangin amah a si ding hi. Bang hang hiam cih leh amah a huh ding kuamah a om kei hi,” a hong ci hi.