Isaiah 10:1 - Tedim Bible Revision 2017

^1-2 A cimawhteʼ thutang kimlai hei khiatsakin, keima mite sungah a zawngteʼ thuman sut khia-in, meigong numeiteʼ neihsa amau ading a suah theih nading le pa nei loteʼ neihsa amauʼ nek dingin a bawl theih nadingun a man lo thukhensatna pia a, nenniamna thu a gelhte in gimna ngah ta uh hen!

Tedim Bible

^1-2 A cimawh ka mite thutang heikhiat sakin, keima mite sungah a zawngte’ thuneihna sutkhia-in, meigong numeite’ neihsate amau’ aa suaksakin, pa nei lote’ neihsa a sut a man lo thukhensatna pia a, nenniamna thu lai-a, a gelhte in gimna ngah ta hen!

Isaiah 10:1 Referans Kwoze

Luka 11:52

No Thukham hilh siate in gimna na thuak ding uh hi. Note in pilna ngah theih nading konghonna tawhtang nei napi-in a sungah note na lut tuan kei uh a, a tum dingin a paite zong lah na khaktan uh hi,” a ci hi.

Mattiu 23:23

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in Pasian tungah lengmasel, masala le kummin sing namtui a kipanin meh namtui nam khempeuh, sawm-ah-khat pia napi-in, thukham sungah a thupi zaw ahi thutang, hehpihna le thumante na don kei uh hi. A dangte nusia tuan loin hih thute na zuih ding uh ahi hi.

Johan 19:6

Siampi liante le biakinn cing palikte in a muh uh ciangin “Singlamteh tungah that in, singlamteh tungah that in!” ci-in a kiko uh hi. Pilat in amaute kiangah, “Na ut uh leh paipih unla, singlamteh tungah that un! Keʼn ama khialhna ka mu kei hi,” a cih ciangin

Johan 9:22

Jesu pen Khris hi, ci-in a gen peuhpeuh, kikhopna inn panin hawl khia ni, ci-in Jew mi uliante in thukimna nei khin uh ahih manin, Jew mi uliante a kihtakna uh hangin a nu le a pate in hih bangin a gen uh ahi hi.

Habakkuk 2:6

A zawhna gam mite in amau a zo mite simmawh bawlin, “No aʼ ahi lopi kimlai no adingin na la uh a, ahi zongin tu-in gimna na thuak ding uh hi. Note tungah lei hong bate khem bawlin, bang tanvei na hauhna uh behlap nuam lailai na hi uh hiam?” ci ding uh hi.

Isaiah 5:8

Leitang tungah amau guak a teeng ding dong zahin midangte adingin mun khempeuh a bei matengin inn khatlekhat, lo khatlekhat gawmin a la thuah tawntung mite in gimna ngah tahen.

Juda 1:11

Hih mite adingin dahhuai mahmah hi. Bang hang hiam cih leh Kainʼ gamtat bangin gamta-in, sum ngaihsutna-in Balaamʼ khialh bangin khial uh a, Korahʼ lehdo bangin lehdo-in siatna thuak uh hi.

Mattiu 26:24

Mihing Tapa ahihleh Lai Siangtho sungah a kigelh sa mah bangin a si ding ahi hi; ahi zongin Mihing Tapa a lehhek pa in gimna thuak ding hi. Tua mipa pen a piang vet lo hileh ama adingin hoih zaw ding hi,” a ci hi.

Mattiu 23:29

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in a si sa kamsangteʼ han, a hoih mahmah in bawlin, a nuntakna uh a hoih, a si sateʼ mual suangte hoihtakin na zem uh a,

Mattiu 23:27

“Mihoih a kineihkhem, no Thukham hilh siate le Farisi mite in gimna na thuak ding uh hi. Note pen leikang tawh a kizut manin a pualam a hoih mahmah tawh kibang napi-in a sungah misi guh le a kihhuai nin nam khempeuh a omna hankhuk tawh na kibang uh hi.

Habakkuk 2:12

Note in mi thahna tawh khuapi satin, mawhna tawh khuapi phut na hih manun gimna na ngah ding uh hi.

Habakkuk 2:9

Miʼ van na suhna uh tawh na mite uh hausakin, lauhuaina le siatna a ngah loh nadingin na innkuan uh bawl na hih manun gim na ngah ding uh hi.

Micah 6:16

Bang hang hiam cih leh Kumpi Omriʼ gamtatna zui-in, ama tapa Kumpi Ahabʼ sep khempeuh na sem uh a, amauʼ gamtat khempeuh na zui uh hi. Tua ahih manin note kong susia ding hi. Minam dangte in note hong nuihsanin, amauteʼ simmawhna na thuak ding uh hi.

Mattiu 11:21

“Khorazin khuapi mite le Bethsaida khuapi mite aw, gimna lianpi na thuak ding uh hi. Bang hang hiam cih leh note khua sungah a hong kilak nalamdangte, Taia le Sidon khua sungah kilak hileh amaute in kisikna limin sawtpekin puanhampi silhin vut kinuh ding uh hi.

Habakkuk 2:19

Sing khatpeuh a kibawl na khat kiangah, “Khanglo in,” ci-in, a pau thei lo suangtum kiangah, “Tho in,” ci na hih manun gimna na ngah ding uh hi. Hih bang milim in note hong hilh thei ding ahi hiam? Ngun le kham tawh limtakin a kizut hangin a sungah nuntakna om lo hi.

Habakkuk 2:15

Na hehna uh tawh na gamveengte uh niamkhiatin na mindaisak uh a, zukham bangin amaute hoisak na hih manun gimna na ngah ding uh hi.

Jeremiah 22:13

Thuman lopi-in inn lam a, zuau thu tawh inn dei tungnung a lam mi, ama na a mawkna-in a inn veengte a semsak mi, thaman a pia lo mi in gimna thuak tahen.

Isaiah 5:18

Amaute in, “I muh theih nadingin amah manlang sakin, ama nasep khawlsak ni. Israel-teʼ Siangtho Paʼ deihna i theihtheih nadingin naisakin tungsak ni!” ci-in ganhing kaih bangin khauzen tawh mawhna kai-in, khauhual pi tawh khialhna kai uh ahih manin gimna ngah ta uh hen.

Isaiah 3:11

Migilo in gimna ngah tahen! Midang tungah a gitloh gamtatna tawh kizui-in ama tungah kithukkik ding ahih manin ama tungah thu sia ding hi.

Late 58:2

Hi peuhmah lo hi; na lungsim uh ah a man lo na ngaihsun uh a, gam sungah ngongtatna na gamta uh hi.

Isaiah 5:11

Zingsang tungin tho-in, khamtheih zu delhin, leenggahzu in amaute a satsak pialpual matengin nitakin a tut kho mite in gimna ngah tahen!

1 KUMPI MASATE 21:13

Tua ciangin mi ginalo nihte hong pai-in ama mai ah tu uh hi. Tua ciangin mi ginalo nihte in miteʼ omin Nabothʼ mawhna zong uh a, “Naboth in Pasian le kumpipa samsia hi,” a ci uh hi. Tua ahih ciangin amaute in khuapi pua lamah amah paipih uh a, suang tawh amah deng lum uh hi.

Isaiah 3:14

Topa pen upate le ama miteʼ uliante tawh thukhen dingin kipan a, “Leenggui lo a netumte, note na hi uh a, mizawngteʼ na a kisutte noteʼ inn sungah om hi.

Isaiah 5:23

mimawhte sumgolh tawh khah a, midikte a mawhsakte in gimna ngah tahen!

Isaiah 59:4

Kuamah in thutang tawh thu na nei kei uh a, thuman tak tawh thukhen zumah na pai kei uh hi. Note in bangmah lopi suanin nei-in zuau thu na gen uh a, siat nading thu ngaihsunin buaina na piangsak uh hi.

Isaiah 59:13

Nangmah hong lehdo-in nang kong nial uh a, na thu kong zui kei uh hi. Midangte nengniamin nang kong lehdo uh hi. Ka ngaihsutnate uh khial a, ka thugente uh zuau thu vive ahi hi.

Paikhiatna 23:3

Ama thu neihna ah mizawng pa na langneih kei ding uh hi.

Paikhiatna 23:6

Ama thu neihna ah mizawng pa a thutang kimlai na lelsak kei ding uh hi.

Amos 2:7

Amaute in mizawngteʼ lutang leivui lakah tuancil uh a, keima min siangtho a ninsak dingin biakinn-a numei paktatte kiangah tangvalte le papite a pai uh hi.