Isaiah 1:8 - Tedim Bible Revision 2017

⁸ Jerusalem khuapi bek om lai a, leenggui lo-a buk, tangmai lo sunga om hampheng bangin kuama don lohin kinusia a, a ki-umcip khuapi bangin kinusia hi.

Tedim Bible

⁸ Jerusalem khuapi bek om lai a, leenggui lo-a buk, tangmai lo sunga hampheng bangin kuama’ hut lohin kinusia a, a ki-umcih khuapi tawh kibangin kinusia hi.

Isaiah 1:8 Referans Kwoze

Zekhariah 9:9

Zion mite aw, nakpi takin lungdam un. Jerusalem mite aw, lungdamin awng un. En un, na kumpipa uh hong pai hi. Amah, gualzawhna tawh hong pai hi. Ahi zongin kiniamkhiatna tawh hong pai a, sin nai loh la no tungah hong tuang hi.

Zekhariah 2:10

Topa in hih bangin hong ci hi: “Jerusalem mite aw, lungdamin la sa un. Note tawh a hong om khawm ta ding ka hi hi,” ci hi.

Isaiah 62:11

Leimong dongah Topa taangko khin hi. Jerusalem mite tungah, “En un, no hong hon khia pa hong pai hi. Ama sep thaman a mite hong pua a, a gualzawhna thaman a mite hong masuan hi,” ci un.

Isaiah 10:32

Tu ni mahmah in Nob khua ah galte tungin khawl uh a, Zion Mual ahi Jerusalem khuapi a khuttum uh sinsan uh hi.

Kah la 2:6

Amah in biakna Biakinnpi a zan gawpsak hi. Amah in biakna ni siangtho nite le Sabbath nite a beisak hi. Kumpite le siampite in a nasia ama hehna a thuak khawm uh hi.

Kah la 2:1

Topa in a heh manin Jerusalem khuapi a mialcipsak hi. A vantung minthanna teng uh kisiatna a suaksak hi. Amah in a heh ni-in a Biakinnpi nangawn a susia hi.

Isaiah 37:22

amah tawh kisai-in Topa’ thugen hih bang ahi hi: ‘Sennakherib aw, Jerusalem mite in nang hong simmawhin hong zahko uh hi. Jerusalem mite in na nungah a lu hong pei san lel uh hi.

Late 9:14

nangmah a hong kiphatnate phawk kikkik inla, na hong hotkhiatna hangin Jerusalem khua sungah ka nuamna ka gengen ding hi.

JOB (Job) 27:18

Migiloteʼ lam innte kho lo a, maimom bu, ahih kei leh lo honna buk tawh kibang lel hi.

Jeremiah 4:17

Judah gam in kei hong langpan ahih manin lohongte bangin a galte in a kimkot ah a pang dimdiam uh hi, Topa in kong ci hi.

Isaiah 8:8

Judah gam dong hong nawt suk dinga, dimletin paisuakin, ngawng ciang dong tum ding hi,” hong ci hi. Ahih hangin Pasian in eite hong ompih a, a kizal ama khate in i gam hong hu ding hi.

Isaiah 1:7

Na gam uh khing a, na khuapite uh mei tawh kihal hi. Na muh tangpi mahun gamdang mite in na gam uh hong laksakin na khempeuh susia gawp hi.

Isaiah 1:9

Vanglian Topa in eite tawmno khat a nungta-in hong siit hikeileh, eite pen Sodom khua bang khinin Gomorrah khua i bang khinta ding hi.

Isaiah 49:21

Tua ciangin na lungsimah, ‘Kua in keima adingin hih mite hong hin khiatsak ahi hiam? Kei hong kinusia-in tang-awlin ka om a, salin hong kikoihin hong kipaikhiat pih hi. Hihte kua in hong khoisak ahi hiam? Keimah guakin hong kinusia hi. Tua ahih manin koi lai panin hihte hong piang ahi hiam?’ na ci ding hi,” a ci hi.

Jeremiah 6:2

A melhoih, a ngeek dikdek Zion tanu ka susia ding hi.

Isaiah 29:3

Na kimkot ah hong umcihin tausangpite tawh kong um dinga, nangmah umcih nading dum ka bawl ding hi.

Isaiah 30:17

Mual sang dawna om dial khuam ahi a, mual tunga limlahna tawh a kibangin ahi zongin, note hong kinusiat dong matengin, mi khatʼ tawnna tawh mi tul khat tai-in, mihing ngaʼ tawnna tawh note khempeuh na tai mang ding uh hi.

Isaiah 37:4

A nungta Pasian a zahko dingin ama topa, Assiria kumpipa in a sawl a ulian paʼ thugente, Topa na Pasian in za henla, tua bang thu a gente gim pia tahen. Tua ahih ciangin a om lai i mite adingin thu ngen in,’ ci hi,” ci-in a gen uh hi.