Isaiah 1:7 - Tedim Bible Revision 2017

⁷ Na gam uh khing a, na khuapite uh mei tawh kihal hi. Na muh tangpi mahun gamdang mite in na gam uh hong laksakin na khempeuh susia gawp hi.

Tedim Bible

⁷ Na gam uh khing a, na khuapite uh mei tawh kihal hi; na muh tangpi mahun gamdang mite in na gam uh hong laksak a, theih ngei lohte’ lotthal bangin na khempeuh susia gawp uh hi.

Isaiah 1:7 Referans Kwoze

Kah la 5:2

Ka neihsa teng uh gamdang miteʼ khut sungah tung mangkhin a, ka inn sung uh ah gamdang mite teng ta uh hi.

Thu-hilhkikna 28:43

“Note lakah a om peemtate lian semsem ding uh a, note na neu semsem ding uh hi.

Thu-hilhkikna 28:33

Na theih nai loh uh minam khat in na leitang panun a piangte le na na sep sa khempeuh uh ne tum dinga, note hong kinengniamin hong kisu gawp tawntung lel ding hi.

Hosea 7:9

A kipawl pih minam dangte in a thahatna teng uh teeptum a, ahi zongin a kiteep tum lam phawk kha lo uh hi. A lu tung uh a om a sam uh a kan lam nangawn phawk kha lo uh hi.

Ezekiel 30:12

Nail Gun a tui ka kangsak dinga, migiloteʼ khut sungah Egypt ka koih ding hi. Gamdang mite in susia gawpin, gamkhing suaksak ding uh hi, Topa ahi keimah in ka ci khin hi.

2 KHANG TANGTHU NIHNATE 28:5

Tua ahih ciangin Topa in Syria kumpipa khut sungah amah pia a, amah in zo-in mi tampi salin Damaskas ah a ciahpih hi. Israel kumpipaʼ khut sungah zong amah kipia a, amah zo-in a mite tampi tak a that hi.

Hosea 8:7

Paunak ah, Huih a tuhte in huih ngahkik dinga, a vui om lo ankung in annek ding piangsak lo hi, kici hi. A vui om lo ankung panin an kingah mah taleh zong gamdang mite in ne tum ding hi.

Jeremiah 6:8

Jerusalem khuapi aw, kidawm in. Na kidop kei leh nang kong taisan dinga, kuama ten lohna gam simtham na suak kha ding hi,” a ci hi.

Jeremiah 2:15

Humpinelkai bangin a galte in amah hawk san uh a, nakpi takin a hawk gawp uh hi. A gam uh gam simtham a suah uh a, a khuapite uh cimin kuamah teeng lo hi.

Isaiah 34:9

Luitui khempeuh kultal tui suak dinga, leitang pen kaat suak ding hi. Gam sung khempeuh pen a kuang kultal tui a suak ding hi.

Isaiah 9:5

Galkap hangteʼ khedap khempeuh le si a baang puan khempeuh mei-in kicih ding hi.

Isaiah 6:11

Tua ciangin keimah in, “Topa aw, bang tanvei sawt ding ahi hiam?” ka ci hi. Amah in, “Khuapi ah a teeng kuamah om loin hawm suakin, innte ah kuamah om loin, leitang pen gamkhing suak kiuhkeuhin,

Isaiah 5:17

Tua ciangin tuunote in amauʼ tatna gamlak mun bangin tua khua sungah lopa ne ding uh a, a thau ganhingte le keelnote a sia sa khuapi sungah gamta ding uh hi.

Isaiah 5:9

Vanglian Topa in ka zakna ah hih bangin kiciam a, “A mantakin inn tampi tak hawmsuak dinga, a lian a hoih innte ah a teeng om lo ding hi.

Late 107:39

Amaute pen nenniamna, haksatna le dahna tawh khiam suk gawpin a kiniamkoih suk ciangin

Siampi Laibu 26:34

Tua ciangin na galte uh leitang ah na om tanvei uh, gamkhingin a om sungteng, leitang in tawlngak hun a ngah hi ding hi. Leitang tawlnga-in, a sabbath-te a tang hi ding hi.

Siampi Laibu 26:33

Keimah in minam dangte lakah note kong thehthang dinga, keimah in namsau a paai panin dokin note kong delh ding hi. Na leitang uh gamkhing suak dinga, na khuapite uh a sia hi ding hi.

Thu-hilhkikna 29:23

‘A gambup pen kaat le ci le nin a kaang tum, khai kituh lo, bangmah po lo, lopa zong a po zawh lohna mun Sodom le Gomorrah, Admah le Zeboiim bangin a kilawn thal gawp, a hehna le a sinsona tawh Topaʼ lot gawpte tawh kibang hi,’ ci ding uh hi.

Late 109:11

Ama leibatna pa in a neih khempeuh man henla, khual mite in a om lai sunsunte sut tahen.

Isaiah 1:8

Jerusalem khuapi bek om lai a, leenggui lo-a buk, tangmai lo sunga om hampheng bangin kuama don lohin kinusia a, a ki-umcip khuapi bangin kinusia hi.

Isaiah 3:8

Bang hang hiam cih leh amaute khempeuh le amauʼ gamtatnate in Topa langpangin amah dem uh ahih manin Jerusalem khua kipukin Judah gam kia hi.

Isaiah 9:18

Bang hang hiam cih leh gitlohna mei bangin kuang a, lingkungte le lingte kaang tumsak hi. Gamlak lopa phate kuangsak a, meikhu lomtangin van lamah kizial to uh hi.

Isaiah 49:19

“A kisia, a kinusia khin sa nangma munte le a kisusia nangma gam pen nangma tungah a teeng mite adingin tu-in kawcik lua ta dinga, nang hong valh tum mite, gamlapi ah om ding uh hi.

Isaiah 60:15

Hong kinusia, hong kimudah, kuama hong nawk loh nang pen a tawntungin lianin, khang khat pan khang khat lungdamna ahi dingin kong bawl ding hi.

Isaiah 62:8

Topa in limtakin thuciamna bawl khinzo a, a vangliatna tawh tungsak ding hi. “Na galteʼ an dingin na ante ka piakik nawn kei dinga, nangma sep sa leenggahzu gamdang mite in dawn nawn lo ding hi.

Isaiah 64:10

Nangma khuapi siangthote gamlak suak khinta a, Zion zong gamlakpi suak a, Jerusalem khua gamkhing a suak hi.

Jeremiah 4:7

Humpinelkai khat a bukna sawlkawm panin hong kuan khia zo a, gamte a susia ding pa hong paikhia zo hi. Na gam uh a kisiasak ding le na khuapite uh ah kuamah a ten loh nadingin a susia dingin ama omna panin hong kuan khia khinzo hi.

Jeremiah 7:34

Tua ciangin Judah gam khuapite le Jerusalem khua kongzing lakah gualnopna le lungdamna awte le zi nei thakte le mothakteʼ awte ka gingsak nawn kei ding hi; bang hang hiam cih leh tua mun kinusia ding hi.

Jeremiah 44:6

Tua ahih manin Judah gam khuapite sung le Jerusalem khua kongzing lakah ka hehna le ka thangpaihna ka bua a, ka kuangsak hi. Tu ni-a na muh uh bangin tuate kisia-in gamlak suak khinta hi.

Ezekiel 25:4

Tua ahih manin nisuahna lam panin a hong pai miteʼ khut sungah note kong pia dinga, amaute in noteʼ gam sungah phual hong satin hong teeng ding uh hi. Noteʼ nek ding singgahte le noteʼ dawn ding bawngnawite hong gaihsak mang ding uh hi.

Micah 5:11

Na gam sung uh a om khuapite susia-in, na galpanna munte uh ka phel khia ding hi.

Micah 6:13

Tua ahih ciangin na mawhna hangun note suksiat ding ka kipan ta hi.