Isaiah 1:6 - Tedim Bible Revision 2017

⁶ Khenuai a kipan luzang dong nangawnin a cidamna mun om lo a, sanim gawpnate, meimapite, le siluang liammate a om hi. Tuate pen a nai kisal lo, kitun lo, sathau tawh zong kinomsak lo hi.

Tedim Bible

⁶ Khe nuai-a kipan lutang dong nangawnin a cidamna om lo a, satnim gawpnate leh meimapite leh si luang liammate om hi; tuate pen a nai kisaal lo, kitun lo, sathau tawh kinomsak lo hi.

Isaiah 1:6 Referans Kwoze

Jeremiah 6:14

Amaute in ka miteʼ thuaknate thupi simsak lo uh a, hoihna om keei lopi, ‘Hoih hi, hoih hi,’ ci mawkmawk uh hi.

Mattiu 9:12

Jesu in hih thu a zak ciangin, “Cidamte in siavuan kisam lo uh a, cina mite bek in kisam uh hi.

Jeremiah 33:6

Ahih hangin tu-in, keimah in hih khuapi ka damsak dinga, cidamin ka omsak ding hi. A mite cidamsakin hauhna le lungmuanna a kicing ka lak ding hi.

Luka 10:34

a kiangah va pai-in a liammate sathau le leenggahzu a nuhsak khit ciangin a tunsak hi. Tua ciangin a la tungah tuangsak a, zintun inn khat ah paipihin tua lai ah a khoi hi.

Malakhi 4:2

Ahi zongin ka thu a hong mang note tungah dikna ni hong taang ding a, tua in nizang bangin note tungah cidamna hong tun ding hi. Bawng khumna panin a kikhah bawngnote bangin suakta-in nuam na sa ding uh hi.

Late 77:2

Ka lungkham hunin keimah in Topa ka zong hi. Zanin thu ngenin gim het loin ka khut ka zan a, ahi zongin hehnepna ka ngah kei hi.

JOB (Job) 5:18

Bang hang hiam cih leh amah in a liamsak hangin a liamna tunsak dinga, ama satna liamma damsak ding hi.

Nahum 3:19

Na liammate, a dam theih nading om lo a, na meimate a dam thei lo pawl ahi hi. Na thuakna thu a za mi khempeuh in lungdamin a khut uh beeng ding uh hi. Bang hang hiam cih leh na gitlohna a thuak kha lo kuamah om lo hi.

Jeremiah 30:12

“Bang hang hiam cih leh Topa in kong cih in ah: Na liamma uh dam thei lo a, na meima uh nasia mahmah hi.

2 SAMUEL NIHNA 14:25

Tu-in Israel-te khempeuh sungah a melhoihna hangin Absalom zahin tua bangin phat ding kuamah om lo hi. A khenuai a kipan a luzang dongin ama tungah paubaanna om lo hi.

Isaiah 30:26

Tua tham loin, Topa in ama miteʼ liamma tuamin ama satna meimate a damsak ni ciangin, khataang pen nitaang bang dinga, nitaang pen ni sagih sunga taang zah bangin a zah sagihin a taang ding hi.

Jeremiah 17:9

“Na khempeuh lakah lungsim a khem hat pen hi a, a kisia pha mahmah ahi hi. Kua in lungsim thei zo ding ahi hiam?

Jeremiah 6:7

Tuikhuk panin tuiphul a tawlngak loh bangin, Jerusalem khua panin siatna tawlnga lo hi. Khua sungah ngongtatna le suksiatna ka za ngitnget a, cinatna le liamna bekbek ka mu hi.

Jeremiah 30:15

Bang hangin na sa-in kapkap na hi uh hiam? Na natna uh a dam thei ding hi lo hi. Na khialhnate uh lian lua-in, na mawhnate uh nasia lua ahih manin hih bangin note ka hong thuaksak hi.