Isaiah 1:5 - Tedim Bible Revision 2017

⁵ Bang hangin note hong kisat theih nadingin lehdo teitei na hi uh hiam? Israel aw, na lutang khempeuh liamma dim a, na lungsim le na ngaihsutna gim mahmah hi.

Tedim Bible

⁵ Bang hangin note hong kisat beh lailai nadingin lehdo teitei na hi uh hiam? Israel aw, na lutang khempeuh liamma dim a, na lungsim leh na ngaihsutna gim mahmah hi.

Isaiah 1:5 Referans Kwoze

Ezekiel 24:13

Jerusalem aw, na gamtat hoih lohnate in nang hong ninsak khin hi. A siansuah dingin kong hanciamciam hangin a nin mahin na om lai veve hi. Ka heh mahmahna na thuak khit matengin na siangkik ngei kei ding hi.

Jeremiah 5:3

Topa aw, nangmah in thuman en gige hi lo na hi hiam? Nangmah in amaute na sat hangin a awlmawh tuan kei uh hi. Na suk gawp hangin na thuhilhna a ngai tuan kei uh hi. Amauteʼ maitang suangtum sangin sak zaw a, a kisik nuam kei uh hi.

Isaiah 31:6

Israel mite aw, nakpi takin na do pa uhʼ lamah kiheikik un.

Jeremiah 5:31

Kamsangte in thuman gen lo uh a, siampite in zong amauʼ ut bangun a uk uh hi. Ka mite in phamawh sa lo sawnsawn uh hi. A tawpna hun hong tun ciangin bang cih ding uh ahi hiam, Topa in ci hi, ci-in gen in,” hong ci hi.

Jeremiah 9:3

A leii uh thalpeu bangin zang uh a, zuau thu bekbek a lawn khia khia uh hi. Gam sungah thuman om loin zuau thu bekbek a dim hi. Siatna lam manawh tektek uh a, kei hong thei lo uh hi, Topa in a ci hi.

Jeremiah 2:30

Na tate uh thuhilhin ka sat hangin a mawkna suak zo ta hi. Amaute kibawl pha tuan lo uh hi. Humpinelkai hawk bangin na namsaute un na kamsangte uh a that khinzo uh hi.

Nehemiah 9:34

Ka kumpite uh, ka uliante uh, ka siampite uh le ka pu ka pate un nangma thukham zui lo uh a, amaute tungah na piak ahi na thupiaknate le na hilh kholhnate zong don lo uh hi.

Jeremiah 5:5

Mi liante kiangah pai-in ka va kiho ding uh hi. Amaute in Topaʼ lampi thei uh a, amauʼ Pasianʼ deihna thei uh hi,” ci-in ka ngaihsun hi. Ahih hangin a vekpi-un ka uk ding nial khin uh a, ka hakkol kuaitanin ka henna khaute su tat khinzo uh hi.

Isaiah 33:24

I gamah a teeng mite kuamah in, “Ka ci na hi,” ci nawn lo ding uh a, mawhna khempeuh kimaisak ding hi.

Isaiah 9:21

Manasseh in Efraim, Efraim in Manasseh ne-in, tua tegel in Judah langpang khawm uh hi. Hih thute khempeuh hangin ama hehna dam zo nai lo a, ama khut kizanlai hi.

Isaiah 9:13

Amaute a sat paʼ lamah Israel mite kihei lo a, Vanglian Topa zong lo uh hi.

Isaiah 1:23

Na uliante, mi lehdote hi a, gutate tawh a kikhawlte ahi hi. Mi khempeuh in sumgolh le letsong a deih uh hi. Amaute in pa nei lote panpih lo uh a, meigongnuʼ thu amaute in sang lo uh hi.

2 KHANG TANGTHU NIHNATE 28:22

Hih Kumpi Ahaz mah pen, a lungkham hunin Topaʼ tungah citak lo zaw lai hi.

2 KUMPI NIHNATE 1:13

Tua ciangin kumpipa in mihing sawm nga a uk a thumna pa a mihing sawm nga mah tawh sawl leuleu hi. Tua ciangin mihing sawm nga a uk a thumna pa pai to a, Elijahʼ mai ah hong pai-in khukdinin hong puk a, amah kunh-in, “Pasianʼ mipa aw, nangma tungah kong thum hi, keima nuntakna le nangma nasem hih mihing sawm ngateʼ nuntakna pammaih sa-in hong hehpih in.

Jeremiah 13:23

Ethiopia mi vomte in a vun uh khek thei a, kamkei in a gial khek thei ahi hiam? A khek theih uh leh siatna bawl ding a zongsang khin note in zong a hoih na bawl thei ding uh hi.

Jeremiah 17:9

“Na khempeuh lakah lungsim a khem hat pen hi a, a kisia pha mahmah ahi hi. Kua in lungsim thei zo ding ahi hiam?

Jeremiah 44:15

Tua ciangin a zite un pasian dangte kiangah paknamtui a hal lam a thei papi khempeuh le tua lai ah a ding nupi khempeuh a kipan Egypt gam leitaw lamah a teeng mi khempeuh, a vekpi-in mi tampi tak in kei kiangah,

Kah la 5:17

I lungsim mahmah cina a, i khitui luangte in khua hong musak thei kei hi.

Ezekiel 34:4

Tuu zawngkhalte na khoi kei uh a, a cinate damsak loin, a liamnate na tuamsak kei uh hi. A lampialte na khiang kei uh a, a mangte na zong kei uh hi. Tua bang bek hi loin, ngong bawlin na uk gawp zawsop uh hi.

Ezekiel 34:16

Keimah in a mangte zongin, a lampialte kaikhawmin, a liamte a liamma tuamsakin, a cinate damsakin, a cidam a thahatte zong a kibangin ka en ding hi. Bang hang hiam cih leh kei pen a manin a gamta tuucingpa ka hi hi.